6 ເດືອນຕົ້ນປີນີ້ພິພິທະພັນ 3 ແຫ່ງຢູ່ນະຄອນຫຼວງວຽງຈັນມີນັກທ່ອງທ່ຽວເຂົ້າຊົມ 390 ພັນກວ່າຄົນ, ສ້າງລາຍຮັບເກືອນ 2 ຕື້ກີບ

   ຕາມການໃຫ້ສຳພາດຂອງ ທ່ານ ພູວຽງ ໂພທິສານ, ຮັກສາການຫົວໜ້າອຳນວຍ ການຫໍພິພິທະພັນນະຄອນຫຼວງວຽງຈັນ, ຕໍ່ນັກຂ່າວພວກເຮົາໃນວັນທີ 16 ກໍລະກົດ ນີ້ວ່າ: ເລີ່ມແຕ່ຕົ້ນປີມາ ນີ້ຈຳນວນນັກທ່ອງທ່ຽວເຂົ້າມາທ່ຽວຊົມຫໍພິພິທະພັນ 3 ແຫ່ງໃນນະຄອນຫຼວງວຽງຈັນເພີ່ມຫຼາຍຂຶ້ນເລື່ອຍໆ, ຊຶ່ງໃນ  6 ເດືອນ ຕົ້ນ ປີ 2014 ນີ້ມີນັກທ່ອງທ່ຽວເຂົ້າ ມາທ່ຽວຊົມຫໍພິ ພິທະພັນດັ່ງກ່າວແລ້ວຫຼາຍກວ່າ 390.000 ຄົນ, ໃນນີ້ນັກທ່ອງທ່ອງຕ່າງປະເທດ 370 ພັນກວ່າຄົນ, ນັກທ່ອງທ່ຽວ ພາຍໃນ 20 ພັນກວ່າຄົນ, ສາ ມາດສ້າງລາຍຮັບໄດ້ 1900 ກວ່າລ້ານກີບ, ພົ້ນເດັ່ນ ແມ່ນພະທາດຫຼວງມີນັກທ່ອງທ່ຽວເຂົ້າ ຊົມຫຼາຍ ກວ່າ 170 ພັນຄົນ, ສ້າງ ລາຍຮັບ ໄດ້ຫຼາຍກວ່າ  850 ລ້ານ ກີບ, ຫໍພະແກ້ວມີ 150 ພັນກວ່າ ຄົນ, ສ້າງລາຍຮັບໄດ້ຫຼາຍກວ່າ 750  ລ້ານກີບ ແລະ ວັດສີສະ ເກດມີນັກທ່ອງທ່ຽວເຂົ້າຊົມ ຫຼາຍກວ່າ 75 ພັນຄົນ, ສ້າງລາຍ ຮັບໄດ້ຫຼາຍກວ່າ 360 ລ້ານ ກີບ.

         ທ່ານຮັກສາການຫົວໜ້າຫໍພິພິທະພັນນະຄອນຫຼວງວຽງຈັນກ່າວວ່າ: ປັດຈຸບັນນັກທ່ອງ ທ່ຽວທີ່ເຂົ້າມາທ່ອງໃນນະ ຄອນຫຼວງວຽງຈັນ, ສ່ວນຫຼາຍມາ ຈາກ ສ ເກົາຫຼີ, ໄທ, ຈີນ ແລະ ເອີ ຣົບ, ເມື່ອທຽບໃສ່ໄລຍະດຽວກັນຂອງປີຜ່ານມາແລ້ວ ເຫັນວ່າຈຳນວນນັກທ່ອງທ່ຽວເພີ່ມຂຶ້ນ.