ສານປະຊາຊົນແຂວງຫລວງພະບາງຕັດສີນປະຫານຊີວິດຄາດ ຕະກອນຂ້າເມຍຕົນເອງ

    ໃນວັນທີ 15 ກໍລະກົດຜ່ານມານີ້, ສານປະຊາຊົນແຂວງ ຫລວງພະບາງ, ໄດ້ຕັດ ສີນປະຫານຊີວິດທ້າວ ວິໄລສັກ ອາຍຸ 38 ປີ, ຢູ່ບ້ານພະບາດໃຕ້, ເມືອງ ແລະ ແຂວງຫລວງພະບາງໃນຂໍ້ຫາຄາດຕະກຳເມຍຂອງຕົນເອງເມື່ອກາງເດືອນກໍລະ ກົດ 2013, ພ້ອມທັງມີອາວຸດເສິກໄວ້ ຄອບຄອງ ແລະ ທຳມິດສະຈານ.

     ເຈົ້າໜ້າທີ່ ໃຫ້ຮູ້ວ່າ: ທ້າວ ວິໄລສັກແມ່ນນັກທຸລະກິດທີ່ມີຄົນຮູ້ຈັກກວ້າງຂວາງ ຢູ່ແຂວງຫຼວງພະບາງ ໂດຍໃນຄຶນວັນທີ 19 ກໍລະກົດ 2013 ຜູ້ກ່ຽວໄດ້ລົງມືຂ້າ ນາງ ສັນຕິ ເຊິ່ງເປັນເມຍຜູ້ກ່ຽວດ້ວຍການໃຊ້ແພຮັດຄໍເມຍຈົນໃຈຂາດ, ຫລັງຈາກ ນັ້ນກໍໄດ້ເອົາສົບເມຍໄປມັດຢູ່ບັນໄດເຮືອນ ເພື່ອຈັດສາກວ່າເມຍແຂວນຄໍຕາຍ ແລະ ຕົນເອງກໍໄດ້ກັບໄປນອນ ເຮັດຄືບໍ່ມີ ຫຍັງເກີດຂຶ້ນ, ຫລັງ ຈາກນັ້ນປະມານ 2 ນາທີ ຈຶ່ງມີລູກຊາຍ ແລະ ລູກສາວ ຂອງຜູ້ ຕາຍໄດ້ມາພົບເຫັນແມ່ແຂວນຄໍຕາຍ ຢູ່ຂັ້ນໄດຈຶ່ງໄດ້ຮ້ອງໃຫ້ ທ້າວ ວິໄລສັກ ມາເບິ່ງ

ແລະ ທ້າວ ວິໄລສັກ ໄດ້ແກ້ເຊືອກອອກ ຈາກຄໍແລ້ວເອົານອນລົງພ້ອມທັງປ້ຳ ຫົວໃຈ ແລະ ນຳສົ່ງໂຮງ ໝໍ, ແຕ່ໝໍບອກວ່າ ນາງ ສັນຕິ ໄດ້ເສຍຊີວິດແລ້ວ. ຕໍ່ເຫດການ ດັ່ງກ່າວ, ຍາດພີ່ນ້ອງ ແລະ ລູກ ຂອງ ຜູ້ຕາຍບໍ່ປັກໃຈເຊື່ອວ່າຜູ້ ເປັນແມ່ຈະຄິດ ສັ້ນເຖິງຂັ້ນຂ້າຕົວຕາຍຈຶ່ງໄດ້ຂໍຄວາມຊ່ວຍເຫລືອຈາກເຈົ້າໜ້າທີ່ສຶບສວນ-ສອບ ສວນຫາສາເຫດການຕາຍຢ່າງ ລະອຽດຈົນ ທີ່ສຸດກໍ່ຮູ້ວ່າ: ນາງ ສັນຕິບໍ່ໄດ້ແຂວນຄໍຕາຍແຕ່ຖືກ ຄາດຕະກຳ ແລະ ສິ່ງທີ່ເຮັດໃຫ້ ຍາດພີ່ນ້ອງ ແລະ ລູກຕົກໃຈ ຢ່າງແຮງ ແລະ ບໍ່ຄາດຄິດວ່າຄາດຕະກອນທີ່ຂ້ານາງ ສັນຕິ ກໍຄືທ້າວ ວິໄລສັກ ທີ່ເປັນຜົວຂອງ ນາງເອງ. ໂດຍຜູ້ກ່ຽວຮັບສາລະພາບກັບເຈົ້າໜ້າທີ່ວ່າ: ໄລຍະຜ່ານມາ, ຕົນໄດ້ໄປພົວພັນ ທາງຊູ້ສາວກັບຍິງຄົນໜຶ່ງຈຶ່ງເຮັດ ໃຫ້ເມຍບໍ່ພໍ ໃຈ ແລະ ມັກມີປາກສຽງຜິດຖຽງກັນເປັນປະຈຳຈຶ່ງຕັດສີນໃຈລົງມືຄາດຕະກຳເມຍຄືດັ່ງກ່າວ.