ຜູ້ປະກອບການຊື້-ຂາຍເຂົ້າ ສານຍອມຮັບວ່າ:
ລາຄາເຂົ້າ ສານທົ່ວໄປໄດ້ເລີ່ມແພງຂຶ້ນ ຖ້າທຽບໃສ່ໄລຍະດຽວກັນຂອງປີ ຜ່ານມາ.
ແມ່ຄ້າຂາຍເຂົ້າຢູ່ຕະຫລາດໜອງຈັນ ໃຫ້ຮູ້ວ່າ:
ລາຄາຂາຍເຂົ້າໃນປີນີ້ແພງຂຶ້ນໄວກວ່າທຸກປີເນື່ອງຈາກການປູກເຂົ້າຂອງປະ
ຊາຊົນໃນເຂດອ້ອມຂ້າງນະ ຄອນ ຫລວງວຽງຈັນຫລຸດລົງ ຕາມປົກກະຕິແລ້ວ ເມື່ອຮອດຕົ້ນລະດູການເຮັດການຜະລິດເຂົ້າ
ນາປີ ລະຫວ່າງເດືອນພຶດສະພາ ຫາເດືອນຕຸລາລາຄາເຂົ້າຈະມີການເໜັງຕິງເລັກນ້ອຍສະເລ່ຍ
1.500 ຫາ 2.000 ກີບ/ກິໂລ. ຂະນະທີ່ປີນີ້ລາຄາເຂົ້າໄດ້ປັບຕົວສູງຂຶ້ນໄວກວ່າທຸກປີ,
ຊຶ່ງເລີ່ມແຕ່ ຕົ້ນເດືອນເມສາຜ່ານມາ. ເນື່ອງ ຈາກຊາວນາສ່ວນ ໜຶ່ງບໍ່ໄດ້ເຮັດນາແຊງ ແລະ
ໄປປູກພືດສິນຄ້າອື່ນ, ໂດຍສະເພາະແມ່ນຜູ້ຢູ່ເຂດອ້ອມຂ້າງນະຄອນຫລວງວຽງຈັນ,
ດັ່ງນັ້ນ ປັດ ຈຸບັນ ຈຶ່ງເຮັດໃຫ້ຮ້າຍຂາຍເຂົ້າຫລາຍແຫ່ງໃນນະຄອນຫລວງວຽງຈັນ
ຕ້ອງໄດ້ຮັບຊື້ເຂົ້າມາຈາກທ້ອງຖິ່ນອື່ນ, ຈຶ່ງເຮັດໃຫ້ເຂົ້າແພງຂຶ້ນເພາະການຂົນສົ່ງ.
ສຳລັບລາຄາຂາຍໃນຕົ້ນ ເດືອນມິຖຸນາຜ່ານມາສະເລ່ຍ
ເຂົ້າຈ້າວຫອມມະລິ ລາຄາ 10 ພັນກີບຕໍ່ກິໂລ, ເຂົ້າທ່າດອກຄຳ, ເຂົ້າໄກ່ນ້ອຍ ແລະ ເຂົ້າຈ້າວໄຮ່
ລາຄາ 8 ພັນກີບ ຕໍ່ກິໂລ, ເຂົ້າໜຽວບ້ານໂດນ ລາຄາ 7-9 ພັນກີບຕໍ່ກິໂລ. ນອກນັ້ນ, ລາຄາ
ຍັງໄດ້ອີງຕາມຄຸນນະພາບຂອງເຂົ້າທີ່ມີຢູ່.
ທ່ານ ຄຳຝາຍ ພົມມະວິໄຊ ຜູ້ເກັບຊື້ເຂົ້າ ແລະ ໃຫ້ບໍລິການເຄື່ອງກົນຈັກກະສິກຳໃຫ້ຮູ້ວ່າ:
ປັດຈຸບັນເຂົ້າທີ່ຜະລິດຈາກ ຊາວນານັບມື້ນັບມີລາຄາສູງຂຶ້ນເນື່ອງຈາກການຂາດ ແຄນແຮງງານຊຶ່ງເປັນຜົນກະທົບຕໍ່ການຜະລິດ,
ເນື້ອທີ່ນາໄດ້ຖືກຫັນ ປ່ຽນໄປ ເຮັດຢ່າງອື່ນ, ບາງທ້ອງຖິ່ນ ຊາວນາແມ່ນປະລະການເຮັດ ນາຍ້ອນບັນຫາຂາດແຫລ່ງທຶນ,
ຂາດການນຳໃຊ້ເຄື່ອງກົນ ຈັກ, ຂາດວິຊາການຈາກພາກລັດໃຫ້ຄຳປຶກສາດ້ານການຜະລິດເຮັດ ໃຫ້ຜົນຜະລິດບໍ່ໄດ້ເຕັມເມັດເຕັມໜ່ວຍ.
ນອກນັ້ນ, ຊາວ ນາບາງເຂດທົນຕໍ່ລາຄາເຂົ້າເປືອກຕ່ຳ ບໍ່ໄຫວຈຶ່ງຫັນໄປປະກອບອາຊີບອື່ນແທນ ແລະ
ບາງຄົນຍັງຄິດວ່າການເຮັດນາແມ່ນມີ ຄວາມສ່ຽງຈາກໄພທຳມະຊາດສູງເຂົາເຈົ້າຈຶ່ງໄດ້ຫັນປ່ຽນໄປສູ່ອາຊີບອື່ນແທນ.
ດັ່ງນັ້ນຕໍ່ສະພາບຄືແນວນີ້, ພາກສ່ວນທີ່ກ່ຽວ ຂ້ອງຕ້ອງໄດ້ຊອກທາງແກ້ໄຂຢ່າງຈິງຈັງຈຶ່ງຈະເຮັດໃຫ້ປະເທດເຮົາສາມາດຄຳປະກັນສະບຽງອາຫານໄດ້.
No comments:
Post a Comment