ນະຄອນຫຼວງວຽງຈັນເອົາໃຈໃສ່ແກ້ໄຂລະພາບການຖິ້ມຂີ້ເຫຍື້ອຊະຊາຍ

         ຄືດັ່ງຮູ້ນຳກັນແລ້ວວ່າໃນໄລຍະຜ່ານມາຄະນະພັກ, ຄະນະປົກຄອງນະຄອນຫຼວງວຽງຈັນ, ເຫັນໄດ້ຄວາມສຳຄັນ ແລະ ເອົາໃຈໃສ່ຕໍ່ການປະຕິບັດຄຳ ຂວັນ 6 ສ, ໂດຍໄດ້ມອບໃຫ້ທຸກ ພາກສ່ວນຮ່ວມກັນຈັດຕັ້ງປະຕິ ບັດຢ່າງເອົາໃຈໃສ່ ແລະ ໄດ້ສ້າງອົງກອນໜຶ່ງທີ່ຂຶ້ນກັບອົງການ ພັດທະນາບໍລິຫານຕົວເມືອງ (ອພບ), ຊຶ່ງໃນນີ້, ໄດ້ຈັດຕັ້ງ ໜ່ວຍງານຮັບຜິດຊອບສະ ເພາະກິດກຳຈັດຂີ້ເຫຍື້ອໂດຍກົງໃນ ເມືອງ, ໂດຍໄດ້ແບ່ງເຂດຄຸ້ມ ຄອງຢ່າງລະອຽດ ແລະ ຈາກ ການເອົາໃຈໃສ່ຈັດຕັ້ງປະຕິບັດ ວຽກງານຂອງພາກສ່ວນກ່ຽວ ຂ້ອງມາຮອດປັດຈຸບັນເຫັນໄດ້ ວ່າສະພາບການລຂີ້ເຫຍື້ອຊະ ຊາຍມີລັກຊະນະຫຼຸດລົງ, ມັນສະ ແດງອອກຢູ່ຕາມເສັ້ນທາງ, ຄອງ ນ້ຳບ່ອນທີ່ເຄີຍມີການລັກລອບ ຖິ້ມຂີ້ເຫຍື້ອຊະຊາຍເຊັ່ນ: ເສັ້ນ ທາງ 450 ປີ, ຕາມເສັ້ນ ທາງອອກສູ່ຊານເມືອງ, ສະຖານທີ່ ສະທາລະນະ, ຕະຫຼາດ, ເຂດຊຸມ ຊົນ ແລະ ຄ່ອງລະບາຍນ້ຳຕ່າງ ແມ່ນມີສະພາບສະອາດ ງາມຕາຂຶ້ນກວ່າເກົ່າ, ຍ້ອນຄວາມ ເອົາໃຈໃສ່ຄຸ້ມຄອງຢ່າງເຂັ້ມ ງວດຂອງພາກສ່ວນກ່ຽວຂ້ອງ ຈຶ່ງເຮັດໃຫ້ສະພາບການຖິ້ມຂີ້

ເຫຍື້ອຊະຊາຍຫຼຸດລົງ  ແລະ ເຮັດ ໃຫ້ ສ.ສະອາດທີ່ນະຄອນຫຼວງ ວຽງຈັນວາງອອກສາມາດຜັນຂະຫຍາຍໄປສູ່ຮາກຖານ ຂອງສັງຄົມຫຼາຍຂຶ້ນ, ເຖິງຢ່າງໃດກໍດີ ເພື່ອຈຳກັດບັນຫາຖິ້ມຂີ້ເຫຍື້ອຊະຊາຍໃຫ້ໝົດໄປນັ້ນທຸກພາກສ່ວນໃນສັງຄົມຕ້ອງ ເປັນ ເຈົ້າການ ແລະ ເອົາໃຈໃສ່ປະຕິບັດ ຕາມລະບຽບທີ່ພາກສ່ວນກ່ຽວ ຂ້ອງວາງອອກຢ່າງເຂັ້ມງວດຄື ບໍ່ຖິ້ມຂີ້ເຫຍື້ອຊະຊາຍ, ທຸກຄົວເຮືອນຕ້ອງເກັບມ້ຽນຂີ້ເຫຍຶ້ອຢູ່ບ່ອນທີ່ພາກສ່ວນກ່ຽວຂ້ອງກຳນົດໃຫ້ ເພື່ອງ່າຍຕໍ່ການຈັດເກັບຂີ້ເຫຍື້ອຂອງພາກສ່ວນ ກ່ຽວຂ້ອງ.