ອຸຕຸນິຍົມເຕືອນວ່າ: ຮ່ອງມໍລະສຸມທີ່ມີກຳລັງປານກາງຫາແຮງ
ຍັງສືບຕໍ່ພັດຜ່ານຢູ່ທົ່ວທຸກພາກຂອງລາວ, ປ່ອງເຂົ້າສູ່ພະຍຸ ຣາມມະສູນ
RAMMASUN ຫົວທີ 9, ປັດຈຸບັນມີຈຸດທີ່ຕັ້ງຢູ່ເສັ້ນຂະໜານທີ່ 14.2 ອົງສາເໜືອ
ແລະ ເສັ້ນແວງ 120.4 ອົງສາຕາເວັນອອກ, ເຄື່ອນທີ່ໄປທາງທິດຕາເວັນຕົກດ້ວຍຄວາມໄວ
30 ກິໂລແມັດຕໍ່ຊົ່ວໂມງ ແລະ ຄາດວ່າໃນຕອນເຊົ້າຂອງວັນທີ
17 ກໍລະກົດ 2014ນີ້ ຈະເຄື່ອນທີ່ເຂົ້າໃກ້ຝັ່ງທະເລປະເທດຫວຽດ ນາມ ແລະ ໃນວັນທີ
18 ກໍລະກົດ 2014 ຈະພັດຜ່ານເຂົ້າຝັ່ງທະເລທາງຕອນເໜືອຂອງປະເທດຫວຽດນາມ, ຊຶ່ງວົງລັດສະໜີຂອງພະຍຸຈະກວມເອົາບັນດາແຂວງພາກເໜືອ
ຫາພາກກາງ ຂອງລາວ, ຊຶ່ງນັບແຕ່ວັນທີ 17-19 ກໍລະກົດ 2014 ຈະມີຝົນ ຕົກໜັກ, ຟ້າຄະນອງ,
ລົມແຮງຢູ່ບັນດາແຂວງສະຫວັນນະເຂດ, ຄຳມ່ວນ, ບໍລິຄຳໄຊ, ແຂວງວຽງຈັນ, ໄຊສົມບູນ,
ຊຽງຂວາງ, ຫົວພັນ ແລະ ແຂວງຜົ້ງສາລີ ນັບທັງນະ ຄອນຫລວງວຽງຈັນ.
ດັ່ງນັ້ນ, ຈຶ່ງຂໍແຈ້ງເຕືອນເຖິງອຳນາດການປົກຄອງທຸກພາກ
ສ່ວນ ແລະ ພໍ່ແມ່ປະຊາຊົນທີ່ອາໃສຢູ່ໃນບັນດາເຂດແຂວງດັ່ງ ກ່າວ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ,
ລົມແຮງຈະເຮັດໃຫ້ລະດັບນ້ຳສາຂາສູງຂຶ້ນ ພ້ອມມີດິນເຈື່ອນ, ດັ່ງນັ້ນ ຈຶ່ງຮຽກຮ້ອງໃຫ້ກຽມພ້ອມມ້ຽນມັດວັດຖຸສິ່ງຂອງ
ແລະ ສັດລ້ຽງໄປໄວ້ບ່ອນທີ່ປອດໄພ. ຂໍໃຫ້ຕິດ ຕາມການລາຍງານຂ່າວພະຍາ ກອນອາກາດຈາກກົມອຸຕຸນິຍົມ
ແລະ ອຸທົກກະສາດເປັນປະຈຳ.
No comments:
Post a Comment