ຕົ້ນປີນີ້ີ 4 ແຂວງພາກເໜືອສົ່ງອອກສິນຄ້າກະສິກຳໄປ ສປ ຈີນ ຫຼາຍກວ່າ 431 ພັນໂຕນ

         ກະຊວງກະສິກຳ ແລະ ປ່າໄມ້ໃຫ້ຮູ້ວ່າ:  ໃນ 6 ເດືອນ ຕົ້ນ ປີ 2014 ນີ້ 4 ແຂວງພາກເໜືອຄື ຜົ້ງສາລີ, ຫຼວງນ້ຳທາ, ບໍ່ແກ້ວ ແລະ ແຂວງອຸດົມໄຊສາມາດສົ່ງ ອອກສິນຄ້າກະສິກຳໄປ ສປ ຈີນ ບັນລຸໄດ້ 431.860 ໂຕນ, ຕົກເປັນມູນຄ່າຫຼາຍ ກວ່າ 75.5 ລ້ານໂດ ລາສະຫາລັດ, ຊຶ່ງສິ່ນຄ້າສົ່ງ ອອກສ່ວນຫຼາຍ ແມ່ນ: ເຂົ້າ, ໝາກໂມ, ສາລີເມັດ, ໝາກເດືອຍ ແລະ ໝາຍກ້ວຍເປັນຕົ້ນ,  ແລະ ເພື່ອໃຫ້ຊາວກະສິກອນສືບຕໍ່ໃນການຜະລິດເປັນສິນຄ້າຫຼາຍຂຶ້ນທາງຂະແໜງກະສິກຳກໍໄດ້ລົງຕໍ່ ຕິດຕາມຊຸກຍູ້ການຜະລິດໂດຍນ້ຳໃຊ້ເຕັກນິກກະເສດສຸມເພື່ອຍົກສະມັດຕະພາບການຜະລິດຢູ່ເຂດແຂວງຕ່າງໃນທົ່ວປະ ເທດໃຫ້ສູງຂຶ້ນ.

           ກະຊວງກະສິກຳ ແລະ ປ່າໄມ້ໃຫ້ຮູ້ອີກວ່າ: ນອກຈາກການສົ່ງເສີມໃຫ້ປະຊາຊົນຜະລິດເປັນສິນຄ້າແລ້ວປັດຈຸບັນຂະ ແໜງການຂອງຕົນຍັງໄດ້ສຳເລັດການສັງລວມເນື້ອທີ່ຊົນລະປະທານຮັບປະກັນການຜະລິດສະບຽງອາຫານ, ການຜະລິດເປັນ ສິນຄ້າ ແລະ ໄດ້ປະສານສົມທົບກັບທ້ອງຖິ່ນຕ່າງໆເພື່ອສັງລວມຂໍ້ມູນຄາດຄະເນສູ້ຊົນການສະໜອງນ້ຳໃຫ້ເນື່ອທີ່ການຜະລິດ ລະດູແ້ລ້ງສົກປີ 2014 - 2015 ໃນຂອບ ເຂດທົ່ວປະເທດໃຫ້ໄດ້ 145.700 ເຮັກຕາ, ໃນນັ້ນເນື້ອທີ່ປູກເຂົ້າ 119.170 ເຮັກ ຕາ ແລະ ເນື້ອທີ່ປູກພືດ 24.132 ເຮັກຕາ.