ເອກອັກຄະລັດຖະທູດ ສປ ຈີນ ຢ້ຽມຢາມສຳນັກງານຂ່າວສານປະເທດລາວ

      ເຊົ້າວານນີ້ວັນທີ 13 ສິງຫາ, ຊຶ່ງແມ່ນວັນສ້າງຕັ້ງສື່ມວນຊົນລາວຄົບຮອບ 64 ປີ, ທ່ານ ກວນ​ຮົວປິງ ເອກອັກຄະລັດຖະ ທູດ ສປ ຈີນ ປະຈຳລາວ, ໄດ້ຢ້ຽມຢາມ ສຳນັກງານຂ່າວສານປະເທດລາວໂດຍການໃຫ້ກຽດຕ້ອນຮັບຂອງທ່ານ ສູນທອນ ຄັນ ທະວົງ ຫົວຫນ້າອຳນວຍການສຳນັກງານດັ່ງກ່າວ, ດ້ວຍບັນຍາກາດອັນອົບອຸ່ນ ແລະ ສະຫນິດສະຫນົມ, ພ້ອມໄດ້ແຈ້ງໃຫ້ ທ່ານ ທູດຊາບໂດຍຫຍໍ້ກ່ຽວກັບຫນ້າທີ່ ແລະ ພາລະບົດບາດຂອງສຳນັກງານຂ່າວສານ, ຊຶ່ງແມ່ນກະສຽງອັນສຳຄັນຂອງພັກ ແລະ ລັດຖະບານໃນການເຜີຍແຜ່ແນວທາງນະໂຍບາຍຂອງພັກ, ລະບຽບກົດຫມາຍ ແລະ ແຜນພັດທະນາເສດຖະກິດ-ສັງ ຄົມລົງສູ່ປະຊາຊົນຮັບຮູ້ ແລະ ເຂົ້າໃຈ, ພ້ອມນັ້ນກໍໄດ້ເອົາໃຈໃສ່ໂຄສະນາໃຫ້ແກ່ຜົນສຳເລັດຂອງການພົວພັນຮ່ວມມືລະ ຫວ່າງສອງພັກ, ລັດຖະບານ ແລະ ປະຊາຊົນ ສອງຊາດລາວ-ຈີນ ທີ່ມີມູນເຊື້ອ ມາແຕ່ດົນນານແລ້ວນັ້ນໄດ້ຮັບການຂະຫຍາຍ ຕົວເຂົ້າສູ່ລວງເລິກ ແລະ ກາຍເປັນຄູ່ຮ່ວມມືຍຸດທະສາດ ແລະ ຮອບດ້ານ, ພິເສດແມ່ນສອງສຳນັກງານຂ່າວສານປະເທດ

ລາວ ແລະ ຊິນຮວ່າ ໃຫ້ນັບມື້ແຫນ້ນແຟ້ນຍິ່ງໆຂຶ້ນ.    

       ໃນໂອກາດນີ້ທ່ານທູດກໍໄດ້ສະແດງຄວາມຍິນດີທີ່ໄດ້ມີໂອກາດເຂົ້າມາຢ້ຽມຢາມສຳນັກ ງານຂ່າວສານປະເທດລາວ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຕ່າງໆທີ່ສຳນັກງານຂ່າວສານຍາດມາໄດ້ໃນໄລຍະຜ່ານມາ, ອັນເປັນການປະ ກອບສ່ວນສຳຄັນເຂົ້າໃນການພັດທະນາເສດຖະກິດ-ສັງ ຄົມຂອງລາວໃຫ້ເຕີບໃຫຍ່ເຂັ້ມແຂງ ແລະ ພິເສດແມ່ນໄດ້ປະ ກອບ ສ່ວນໂຄສະນາໃຫ້ແກ່ການເພີ່ມພູນຄູນສ້າງສາຍພົວພັນຮ່ວມມືລະຫ່ວາງສອງປະເທດນັບມື້ຂະຫຍາຍຕົວດ້ວຍຄວາມໜັກແຫນ້ນ ແລະ ພ້ອມນີ້ທ່ານທູດກໍໄດ້ແນະນຳໃຫ້ສງສຳນັກຂ່າວຂອງສອງປະເທດຈົ່ງໄດ້ເພີ່ມທະວີການພົວພັນຮ່ວມມຊ່ວຍເຫລືອຊຶ່ງ ກັນ ແລະ ກັນໃຫ້ຫລາຍຂຶ້ນ, ເພື່ອສາມາດເຮັດວຽກງານໂຄສະນາເຜີຍແຜ່ຂໍ້ມູນຂ່າວສານ ແລະ ສາລະຫນ້າຮູ້ຕ່າງໆໃຫ້ແກ່ສັງ ຄົມມີຄວາມວ່ອງໄວ, ທັນການ ແລະ ຫລາກຫລາຍກ່ວາເກົ່າ. ໃນໂອກາດ ອັນມີຄວາມຫມາຍນີ້ທ່ານທູດກໍໄດ້ມອບຄອມ ພິວເຕີພ້ອມດ້ວຍປຮິນເຕີ 2 ສອງຊຸດ ເພື່ອເປັນຂອງຂວັນໃຫ້ແກ່ສຳນັກງານຂ່າວສານປະເທດລາວນຳອີກ.