ທົ່ວປະເທດປັກດຳນາປີແລ້ວ 83%

     ກະຊວງກະສິກຳ ແລະ ປ່າ ໄມ້ໃຫ້ຮູ້ວ່າ: ມາຮອດວັນທ 28  ກໍລະກົດນີ້ທົ່ວປະເທດສາມາດ ປັກດຳເຂົ້ານາປີໄດ້ ແລ້ວ 641.916 ເຮັດຕາ, ເທົ່າກັບ 83 % ຂອງແຜນການ, ໃນນີ້ປັກດຳໄດ້ ຫຼາຍກວ່າໝູ່ແມ່ນພາກກາງປະຕິບັດໄດ້ 389 ພັນກວ່າ ເຮັກຕາ, ເທົ່າກັບ 89%, ພາກໃຕ້ 170 ພັນ ກວ່າເຮັດຕາ, ເທົ່າກັບ 77% ແລະ ພາກເໜືອ 82 ພັນກວ່າ ເຮັກຕາ ເທົ່າກັບ 75%, ສຳລັບພາກເໜືອ ແຂວງຜົ້ງສາລີປັກດຳນາປີແລ້ວ 100% ໃນເນື້ອທີ່ 7.250 ເຮັກຕາ, ທຽບໃສ່ປີຜ່ານມາເຫັນວ່າ ການປູກເຂົ້ານາປີປີນີ້ແມ່ນຍັງຢູ່ໃນ ເກນປົກປົກກະຕິ ແລະ ນອກຈາກການປູກເຂົ້າແລ້ວການປູກພືດລະດູຝົນກໍກຳລັງດຳເນີນ ໄປຢ່າງເປັນຂະບວນຟົດຟື້ນ, ມາຮອດປັດຈຸບັນທົ່ວປະເທດປະຕິບັດໄດ້ 295.001 ເຮັກຕາ, ພົ້ນ​ເດັ່ນແມ່ນບັນດາ​ແຂວງ​ພາກ ເໜືອປະຕິບັດໄດ້ 123 ພັນເຮັກຕາ, ພາກໃຕ້ 95 ພັນກວ່າເຮັກ ຕາ ແລະ ພາກກາງ 76 ພັນກວ່າເຮັກຕາ, ໃນລະຫວ່າງການ ປູກເຂົ້າ, ພືດ, ທີ່ກຳລັງດຳເນີນຢູ່ໃນປັດຈຸບັນທາງຂະແໜງການກະ ສິກຳ-ປ່າໄມ້ກໍໄດ້ຈັດສົ່ງວິຊາການຂອງຕົນລົງຊ່ວຍເຫຼືອ

ຊາວກະສິກອນບ່ອນທີ່ໄດ້ຮັບຜົນກະທົບ ແລະ ແນະນຳເຕັກນິກການ ປູກເຂົ້າ ແລະ ພືດຕ່າງໆໃຫ້ຖືກຕ້ອງຕາມຫຼັກວິທະ ຍາສາດ, ວິທະຍາການໃໝ່, ເພື່ອໃຫ້ສຳເລັດຕາມຄາດໝາຍທີ່ວາງໄວ້, ພ້ອມນີ້ກໍໄດ້ເຕືອນໃຫ້ແຕ່ລະແຂວງ, ແຕ່ລະທ້ອງຖິ່ນ ເອົາໃຈໃສ່ຕໍ່ບັນຫາສິ່ງທ້າທາຍທີ່ອາດຈະເກີດ ຂຶ້ນໃນການຜະລິດລະດູຝົນນີ້ ເປັນຕົ້ນການຕ້ານແລ້ງ, ຕ້ານຖ້ວນເຊິ່ງປະເທດ ເຮົາເຄີຍປະສົບກັບບັນຫາດັ່ງກ່າວ ແລະ ເຄີຍສ້າງຄວາມເສຍຫາຍໃຫ້ແກ່ການຜະລິດຂອງຊາວກະສິກກອນມາແລ້ວນັບເປັນ ຈຳນວນບໍ່ໜ້ອຍ.