ດັ່ງທີ່ພວກເຮົາຮູ້ນຳກັນແລ້ວວ່າປັດຈຸບັນປະເທດເຮົາກຳລັງສຸມໃສ່ການພັດທະ ນາພື້ນຖານໂຄງລ່າງໂດຍສະເພາະແມ່ນຖະໜົນຫົນທາງ, ຊຶ່ງເສັ້ນທາງໃຫ້ມີຄວາມ ສະດວກສະບາຍໃນການໄປ-ມາຫາສູ່ ແລະ ການຂົນສົ່ງ ສິນຄ້າຕ່າງໆຈາກພາຍ ໃນສູ່ພາຍນອກ ແລະ
ຈາກພາຍນອກສູ່ ພາຍໃນ, ແຕ່ຂະນະດຽວກັນມີບາງເສັ້ນ ທາງຖືກສ້າງຂຶ້ນ ແລະ ເປີດນຳໃຊ້ບໍ່ເຖິງປີກໍເປ່ເພ
ຍ້ອນການກໍ່ສ້າງບໍ່ໄດ້ມາດຕະ ຖານ ແລະ ມີບາງເສັ້ນທາງກໍ່ເກົ່າແກ່ຊຸດໂຊມລົງຫຼາຍແຕ່ບໍ່ໄດ້ຮັບການປົວແປງ,
ຍົກລະດັບ, ເຮັດ ໃຫ້ລັດຖະບານຕ້ອງສູນເສຍງົບ ປະມານເປັນຈຳນວນມະຫາ ສານຄື: ສະເພາະໃນສົກປີ
2013- 2014 ນີ້, ລັດຖະບານ ຕ້ອງໃຊ້ງົບປະມານເຖິງ 283 ຕື້ກີບເພື່ອປັບ ປຸງປົວແປງເສັ້ນທາງທີ່ເປ່ເພເຫຼົ່ານັ້ນ,
ແຕ່ງົບປະມານດັ່ງກ່າວກໍສາ ມາດສ້ອມແປງເສັ້ນທາງເປ່ເພດັ່ງກ່າວໄດ້ພຽງ 59% ຂອງແຜນການເທົ່ານັ້ນ, ຖືວ່າລັດຖະບານຍັງຈະຕ້ອງໃຊ້ງົບປະມານ ອີກ ເປັນຈຳນວນຫຼາຍເພື່ອໃຊ້ເຂົ້າໃນວຽກງານນີ້, ສະນັ້ນ ເຫັນ ວ່າມັນເຖິງເວລາແລ້ວທີ່ພວກເຮົາຈະຕ້ອງມີມາດຕະການເຂັ້ມງວດໃນການກວດມາດຕະຖານການກໍ່ສ້າງເສັ້ນທາງໃຫ້ດີຂຶ້ນ,ໂດຍສະເພາະເລັ່ງໃສ່ກວດກາການກໍ່ສ້າງເສັ້ນທາງແຕ່ລະຂັ້ນຕອນ
ເຈົ້າໜ້າທີ່ທີ່ໄປກວດການດຳເນີນການກໍ່ສ້າງ ຕ້ອງມີຈັນຍາບັນ! ເວົ້າຄວາມໝົດ ຍັງຮັບແຕ່ຊອງຂາວຕອນໄປກວດວຽກ ກໍ່ຈະບໍ່ມີວັນທີ່ຈະໄດ້ເສັ້ນທາງທີ່ມີຄຸນນະພາບ ມາດຕະຖານ. ຢາກໃຫ້ພະນັກງານທີປກວດການກໍ່ສ້າງ ປະຕິບັດໜ້າທີ່ຂອງຕົນໃຫ້ຫຼ້ອນໜ້າທີ່ຕາມຫຼັກວິຊາການ ຢ່າງເຄັ່ງຄັດ!
ReplyDelete