ນຳສະເໜີລົດອີຊູຊຸຮຸ່ນໃຫມ່

            ເມື່ອທ້າຍອາທິດຜ່ານມານີ້ ຢູ່ສູນປະຊຸມແຫ່ງຊາດຫຼັກ 5 ນະຄອນຫຼວງ ວຽງຈັນໄດ້ມີພິທີເປີດໂຕລົດອີຊູຊຸຮຸ່ນໃໝ່ ໂດຍການ ເຂົ້າຮ່ວມຂອງທ່ານ ວິຣະໄຊ ຄຳ ພິຣາພັນເດຊ ອຳນວຍການບໍລິ ສັດອີຊູຊຸລາວ ບໍລິການຈຳກັດ ທ່ານ ມາໂກໂຕະ ທາມາຊາວາ ຜູ້ຈັດການບໍລິສັດ ອີຊູຊຸ ມໍເຕີ ແລະ ມວນຊົນເຂົ້າຮ່ວມຢ່າງຫຼວງຫຼາຍ.

            ໃນງານດັ່ງກ່າວທ່ານ ວິຣະໄຊຄຳ ພິຣາພັນເດດ ໄດ້ຮ່ວມກັບຄະນະອຳ ນວຍການບໍລິສັດ ອີຊູຊຸ ມໍເຕີ ແຫ່ງປະເທດ ໄທໄດ້ຖະແຫຼງຂ່າວຕໍ່ສື່ມວນຊົນ ວ່າ: ລົດ ISUZU MU-X ແມ່ນ ລົດຂອງຜູ້ບໍລິຫານທີ່ຕ້ອງການຄວາມຫລູຫລາສຳລັບຜູ້ ມັກຜະຈົນໄພສາມາດບຸກປ່າຂຶ້ນພູລຸຍ ນ້ຳ, ທີ່ມີຮູບໂສມທາງໜ້າເບິ່ງ ແລ້ວເຂັ້ມແຂງ ແລະ ມີຄວາມເປັນຜູ້ນຳໜ້າສຳລັບລົດ ປະເພດ SUV ມີພະລັງ ແລະ ສາມາດ

ບັນຈຸ 7 ບ່ອນນັ່ງ, ເບາະນັ່ງ 2 ແລະ ສາມາດປັບ ແລະ ພັບປ່ຽນໄດ້ໃຫ້ມີພື້ນທີ່ຫລາຍ ກວ່າລົດທົ່ວໄປເບິ່ງກວ້າງຂວາງດັ່ງນັ້ນ Mu-X ຈຶ່ງເປັນລົດທີ່ອຳນວຍຄວາມສະດວກໃຫ້ກັບສະມາຊິກທຸກຄົນໃນຄອບຄົວ ພ້ອມປະຢັດນ້ຳມັນ, ໃຫ້ກຳລັງແຮງສູງ ສຸດເຖິງ 136 ແຮງມ້າ.

     ຜູ້ອຳນວຍການຮ່ວມຂອງບໍລິສັດອິຊູຊຸ ມໍເຕີ້ ອິນເຕີເນຊັນເນວ ໂອເປີເລເຊິນ ແຫ່ງປະເທດໄທ ກ່າວວ່າ: ໂດຍລິ່ງເຫັນທ່າ ແຮງຕະຫລາດອາຊຽນບໍລິສັດ ອີຊູຊຸ ໄດ້ເລືອກເອົາປະເທດລາວ ເປັນແຫ່ງທີ່ສອງເພື່ອນຳສະເໜີ ລົດ ISUZU Mu-X ຕໍ່ຈາກປະເທດໄທ. ແລະ ຕໍ່ມາຈຶ່ງແມ່ນ ອິນໂດເນເຊຍ, ມາເລເຊຍ, ຟິ ລິປິນ, ກຳປູເຈຍ ແລະ ອື່ນໆ ເພາະວ່າພວກເຮົາ ແນມເຫັນເຖິງ ໂອກາດທີ່ໂດດເດັ່ນໃນການຂະຫຍາຍການຂາຍຂອງ ISUZU ໃນພາກພື້ນນີ້, ເຊິ່ງມາຮອດປັດຈຸບັນມີຈຳ ນວນຂາຍຫລາຍ ກວ່າ 15.000 ຄັນ ມີສ່ວນແບ່ງການຕະຫລາດເປັນອັນດັບໜຶ່ງຂອງ ຕະຫລາດລົດຍົນໃນຂົງເຂດນີ້.