ສຳ​ມະ​ນາ​ກ່ຽວ​ກັບ​ການ​ລ້ຽງ​ດູ​ລູກ​ໃຫ້​ແຂງ​ແຮງ ​ແລະ ມີ​​ພັດທະນາການ

     ​ໃນ​ວັນ​ທີ 2 ສິງຫາ​ນີ້, ຢູ່​ສູນ​ການ​ຄ້າ​ລາວ-​ໄອເຕັກ, ນະຄອນ ຫລວງ​ວຽງ​ຈັນ, ສະ​ຖາ​ບັນ​ວິ​ໄຈ​ນີວທຣີ​ເຊຍ, ​ເຊິ່ງ​ເປັນ​ສະ​ຖາ​ບັນ​ ວິ​ໃຈ​ລະດັບ​​ໂລກ ​ແລະ ຜະລິດ​ຕະ ພັນ​ອາຫານ​ເສີມ​ສຳລັບ​ເດັກ ​ໄຮ​ຄິວ ຄິດຄລັບຮ່ວມ​ກັບ​ໂຮງໝໍ​ກຸງ​ເທບ-ອຸດອນ​ທານີ, ໄດ້​ຈັດ​ສຳ​ມະ​ນາຫົວ​ຂໍ້ “ຄວາມ​ສຳ​ເລັດ​ຂອງ​ລູກ​ເລີ່​ມຕົ້ນ​ໄດ້​ຕັ້ງ​ແຕ່​ວັນ​ນີ້”​ ເພື່ອ​ແລກ ປ່ຽນປະສົບ​ການ​ເສີມ​ສ້າງ​ພັດທະ​ນາ​ການ​ຮຽນ​ຮູ້​ໃຫ້​ແກ່​ລູກ ແລະ ຮັບ​ຮູ້​ຜົນ​ວິ​ໃຈ​ນະ​ວັດຕະ​ກຳ​ໃໝ່​ດ້ານ​ໂພ​ສະນາ​ການ​ສຳລັບ​ເດັກໂດຍມີບັນດາແພດຊ່ຽວ ຊານ ເດັກ ຈາກປະເທດໄທມາໃຫ້ ຄວາມຮູ້ ແລະ ສົນທະນາກ່ຽວກັບການລ້ຽງດູລູກໃຫ້ຖຶກວິທີຕໍ່ການຮຽນຮູ້ ແລະ ການພັດທະນາ ຂອງເດັກ.

    ທ່ານ ກຸດ​ສະ​ຕາ​ໂວ ຮິ​ວ​ເດນ​ແບ​ລນ (Gustavo Hildenbrand) ຕົວ​ແທນບໍ​ລິ​ສັດ ດູ​ເມັກ ​ໄດ້​ກ່າວ​ວ່າ: ສະຖານ​ບັນ​ວິ​ໃຈ​ນີວທຣີ​ເຊຍ, ໄດ້​ຄຳນຶງ​ເຖິງ​ໂພ​ສະນາ​ການ​ທີ່​ດີສຳລັບ​ເດັກ​ຕັ້ງ​ແຕ່​ຍັງ​ເຍົາໄວ ​ແລະ ສຳຄັນ​ຕໍ່​ສຸຂະພາບ​ຂອງ​ຄົນ​ເຮົາ​ໃນ​ໄລຍະ​ຍາວ ​ຈຶ່ງ​ໄດ້​ມຸ້ງ​ໝັ້ນ​ພັດທະນາ​ນະ​ວັດຕະ​ກຳ​ດ້ານ​ໂພ​ສະນາ​ການ​ທີ່​ຜ່ານ​ການ ​ພິສູດ ​ແລະ ຮັບຮອງ​ທາງ​ວິທະຍາສາດ ​ເພື່ອ​ໃຫ້​

ເດັກ ນ້ອຍ​ທົ່ວ​ໂລກ​ເລີ່​ມຕົ້ນຊີວິດ​ຢ່າງ​ມີ​ຄຸນ​ນະພາ​ບ, ນອກຈາກ​ມີ​ການ​ພັດ ທະນາ​ທາງ​ດ້ານ​ຮ່າງກາຍ​ທີ່​ແຂງ​ແຮງ ​ແລະ ສະ ໝອງ​ໃຫ້ດີ​ແລ້ວ, ຍັງ​ລວມ​ໄປ​ເຖິງ​ລະບົບ​ພູມ​ຕ້ານ​ທີ່​ດີ​ອີກ​ດ້ວຍ ​ເຊິ່ງຜົນ​ການ​ວິ​ໃຈ​ ລະບຸ​ວ່າ ພູມ​ຕ້ານທານ​ຈະ​ສາ ມາດ​ສ້າງ​ຮາກ​ຖານ​ທີ່​ເຂັ້ມແຂງ​ໃຫ້​ກັບ​ຮ່າງກາຍ​ໄດ້​ດີ​ກໍ​ຕໍ່​ເມື່ອ​ໄດ້​ຮັບ​​ໂພ​ສະນາ​ການ​ທີ່​ດີ​ໃນ​ສັດ ສ່ວນ​ທີ່​ເໝາະ​ສົມ.

     ປັດຈຸບັນ​, ການພັດທະນາ​ດ້ານສະຕິ​ປັນຍາ​ຂອງ​ລູກ​ເປັນ​ສິ່ງ​ທີ່​ແມ່​ສ່ວນ​ໃຫຍ່​ໃຫ້​ຄວາມ​ສຳ ຄັນ ຈົນ​ເບິ່ງ​ຂ້າມການ​ພັດທະ ນາ​ທາງດ້ານ​ຮ່າ​ງກາຍຂອງເດັກເຊິ່ງ​ຄວາມ​​ຈິງການ​ມີ​ສຸຂະພາບ​ຮ່າງກາຍ​ທີ່​ແຂງ​ແຮງ​ສົມບູນ ຍິ່ງ​ສົ່ງ​ຜົນ​ຕໍ່​ການ​ພັດທະນາ​ການ​ຮຽນ​ຮູ້​ທາງ​ດ້ານ​ສະໝອງ​ຂອງ​ເດັກ​ແຕ່​ຖ້າ​ຫາກ​ລູກນ້ອຍ​ບໍ່​ສະບາຍ​ຢູ່​ຕະຫລອດ ກໍ່​ອາດ​ເຮັດ​ໃຫ້​ຂາດ​ຄວາ​ມຕໍ່​ເນື່ອງ​ຂອງ​ພັດທະນາ​ການ​ທີ່​ສົມ​ໄວໄດ້​ເພາະ​ການ​ພັດທະນາ​ລະບົບ​ພູມ​ຕ້ານທານ ແລະ ພັດທະນາ​ການ​ຕ່າງໆ​ຂອງ​ເດັກນ້ອຍ​ໃນ​ໄລຍະ 3 ປີ​ທຳ​ອິດ ຍັງ​ບໍ່​ສົມບູນ.

     ສະຖານ​ບັນ​ນີວທຣີ​ເຊຍ,​ ໄດ້​ວິ​ໃຈ​ກຸ່ມ​ຕົວຢ່າງ​ເດັກ​ສຸຂະພາບ​ດີ​ທີ່​ມີ​ອາຍຸ​ລະຫວ່າງ 1-3 ປີ ​ເຊິ່ງ​ເປັນ​ຊ່ວງ​ທີ່​ສຳຄັນ​ຂອງ​ການ ຈະ​ເລີ​ນ​ເຕີບ​ໂຕທັງ​ພັດທະນາ​ການ​ທາງ​ສະໝອງ ​ແລະ ລະບົບ​ພູມ​ຕ້ານທານ ​ໂດຍ​ໄດ້​ຕິດຕາມ​ພາວະ​ການ​ປ່ຽນ​​ແປງ​ທາງ​ກາຍະ​ພາບ​ຂອງ​ເດັກຈຳນວນ 767 ຄົນ ​ໃນ​ສູນ​ເບິ່ງ​ແຍງ​ເດັກນ້ອຍ​ຈາກ 5 ປະ​ເທດ​ທັງ​ໃນ​ເອີຣົບ ​ແລະ ​ເອ​ເຊຍ ​ເປັນ​ເວລາ​ໜຶ່ງ​ປີຢ່າງ​ຕໍ່​ເນື່ອງອາທິດ​ລະ 2 ວັນ, ໂດຍ​ຜົນ​ການ​ວິ​ໃຈ​ພົບ​ວ່າ​ເດັກ​ທີ່​ໄດ້​ຮັບ​ໂພ​ສະນາ​ການທີ່​ມີ​ສ່ວນ​ປະກອບ​ຂອງ​ສອງ​ອາຫານ​ສຳຄັນ​ຄື: ພຣີ​ໄບ​ໂອ​ຕິກ​ອາຫານ​ຂອງ​ຈຸລິນ​ຊີ ສຸຂະພາບ GOS/lcfos ​ໃນ​ສ່ວນ 9:1 ປະລິມານ 6 ກລັມຕໍ່​ວັນ ​ແລະ DHA ກົດ​ໄຂມັນ ທີ່​ສຳຄັນ ​ແລະ ຜະລິດ​ຕະພັນ​ອາຫານ​ສຳລັບ​​ເດັກ​ທີ່​ມີ​ສ່ວນ​ປະສົມ​ຂອງ​ທາດ​ໂອ​ເມ​ກ້າ 3 ປະລິມານ 100 ກຣາມ ຕໍ່​ວັນ ຈະ​ຫລຸດ​ຄວາມ​ສ່ຽງ​ຂອງ​ການ​ຕິດ​ເຊື້ອ​ລົງ​ຫລາຍ​ກວ່າ​​ເດັກ​ກຸ່ມ​ທີ່​ດື່ມ​ຜະລິດ​ຕະພັນ​ນົມ​ທີ່​ບໍ່​ມີ​ສ່ວນ​ປະສົມ​ດັ່ງກ່າວ.