ຈັບສອງແມ່ລູກຄ້າຢາເສບຕິດ

    ປກສ ແຂວງຈຳປາສັກ ໃຫ້ຮູ້ວ່າ: ເມື່ອບໍ່ດົນມານີ້, ກຳລັງເຈົ້າໜ້າທີ່ຂອງຕົນສາມາ ດຈັບ ຕົວຜູ້ຄ້າຂາຍຢາເສບຕິດຢູ່ເຂດ ເມືອງມູນລະປະໂມກ ແຂວງຈຳ ປາສັກ ຄື: ນາງ ບຸນເນືອງ ອາຍຸ 43 ປີ ແລະ ລູກສາວ ອາຍຸ 17 ປີ ຢູ່ບ້ານບຸ່ງ ເມືອງໂຂງ ແຂວງຈຳ ປາສັກ ພ້ອມຂອງກາງຢາບ້າ 2 ພັນເມັດທີ່ຊຸກເຊື່ອງໄວ້ໃນລົດວີໂກ້ ແລະ ໂທລະສັບ ມືຖື 5 ໜ່ວຍ ຈຶ່ງໄດ້ຍຶດມ້ຽນ ເປັນຫລັກຖານໃນການດຳເນີນຄະດີຕາມລະບຽບ ກົດໝາຍ. ໂດຍຜູ້ຕ້ອງຫາໄດ້ສາລະພາບຕໍ່ເຈົ້າໜ້າທີ່ວ່າ: ຢາບ້າຈຳນວນດັ່ງ ກ່າວແມ່ນ ຊື້ມາຈາກຂະບວນການຄ້າຂາຍຢາເສບຕິດໃນເຂດບ້ານຫ້ວຍ ເງິນເມືອງ ແລະ ແຂວງ ຈຳປາສັກເພື່ອຈະເອົາມາຂາຍໃຫ້ໄວໜຸ່ມໃນເຂດເມືອງມູນລະປະໂມກແຕ່ຖືກ ເຈົ້າ ໜ້າທີ່ຈັບຕົວໄດ້ເສຍກ່ອນ.

     ເຈົ້າໜ້າທີ່ໃຫ້ຮູ້ວ່າ: ຜູ້ຕ້ອງຫາທັງສອງແມ່ນເປົ້າໝາຍຄ້າຂາຍຢາເສບຕິດທີ່ເຈົ້າໜ້າທີ່ຕິດຕາມາດົນສົມຄວນແລ້ວຈົນມາ ຮອດປັດຈຸບັນຈຶ່ງສາມາດຈັບຕົວມາດຳເນີນຄະດີໄດ້. 

    ຂ່າວໄດ້ໃຫ້ຮູ້ຕື່ມວ່າ: ໃນວັນທີ 30 ກໍລະກົດຜ່ານມານີ້, ເຈົ້າໜ້າ ທີ່ ປກສ ກຸ່ມ5 ໜອງທາ ເມືອງ ຈັນທະບູລີ, ນະຄອນ ຫລວງວຽງຈັນ, ໄດ້ມ້າງແກ໋ງມົ້ວສຸມຢາເສບຕິດ ແລະ ຫລີ້ນການພະ ນັນ ຢູ່ເຮືອນຂອງນາງ ມະນີວັນ ອາຍຸ 46 ປີ ຢູ່ບ້ານ ໜອງປິງ ເມືອງຈັນທະບູລີ, ນະຄອນຫລວງວຽງຈັນ. ໄດ້ກັກຕົວຊາວ ໜຸ່ມທີ່ພວມມົ້ວສຸມຢາບ້າເກືອບ 10 ຄົນ ແລະ ພົບ ເຫັນຢາບ້າ 40 ກວ່າເມັດ, ພ້ອມອຸປະກອນເສບຢາຫລາຍປະເພດ, ມີດຈຳນວນຫລາຍດວງ ແລະ ອຸປະກອນຫລິ້ນການພະ ນັນຈຳນວນໜຶ່ງຈຶ່ງໄດ້ເກັບໄວ້ເປັນຫລັກຖານເພື່ອດຳເນີນຄະດີຕາມລະບຽບກົດໝາຍ.