ກຸ່ມທະນາຄານໂລກໄດ້ໃຫ້ທຶນຊ່ວຍເຫລືອຈຳນວນ
37,8 ລ້ານໂດລາສະຫະ ລັດ ຫລື ປະມານ
300 ຕື້ກວ່າກີບໃຫ້ແກ່ລັດ ຖະບານລາວໃນການ ສະໜັບສະ ໜູນການເຂົ້າເຖິງແຫລ່ງທຶນຂອງວິສາຫະກິດຂະໜາດນ້ອຍ-
ກາງ ແລະ ເພີ່ມຄວາມເຂັ້ມແຂງໃຫ້ແກ່ຂະແໜງພະລັງງານ,ໃນນັ້ນຈຳນວນ 20 ລ້ານໂດລາສະ
ຫະລັດ ຫລື ປະມານ 160 ຕື້ກີບ ແມ່ນຈາກສະມາ ຄົມເພື່ອການພັດທະນາສາກົນຂອງທະນາ ຄານໂລກ
ເຊິ່ງຈະໄດ້ນຳໃຊ້ເຂົ້າໃນການເຂົ້າເຖິງແຫລ່ງທຶນຂອງວິສາຫະກິດຂະໜາດນ້ອຍ-ກາງ
ແລະ 10 ລ້ານໂດລາສະຫະລັດ ຫລື ປະມານ 80 ຕີ້ກວ່າກີບແມ່ນຊ່ວຍເຫລືອລ້າ ແລະ ອີກ
10 ລ້ານໂດລາສະ ຫະລັດ ຫລື 80 ຕື້ ກວ່າກີບເປັນເງິນກູ້ຢືມ ແລະ ອີກ 17,8 ລ້ານໂດລາສະຫະລັດ
ຫລື ປະມານ 140 ຕື້ກວ່າກີບ ແມ່ນຈະນຳໃຊ້ເຂົ້າໃນໂຄງການຊ່ວຍເຫລືອດ້ານວິຊາການ
ເພື່ອສ້າງຄວາມເຂັ້ມແຂງໃຫ້ແກ່ຂະແໜງພະລັງງານ ແລະ ບໍ່ແຮ່ໃນນີ້,8,9 ລ້ານໂດລາສະຫະລັດ
ປະ ມານ 71 ຕື້ກວ່າກີບແມ່ນເງິນກູ້ຢືມ ແລະ 8,9 ລ້ານໂດລາສະຫະ ລັດແມ່ນເງິນຊ່ວຍເຫລືອລ້າ.
ພິທີລົງນາມມອບ-ຮັບທຶນຊ່ວຍເຫລືອດັ່ງກ່າວ
ໄດ້ມີຂຶ້ນໃນວັນທີ 14 ສິງຫານີ້, ຢູ່ກະ ຊວງການເງິນລະຫວ່າງທ່ານ ນາງ ທິບພະກອນ
ຈັນທະວົງສາ ລັດ ຖະມົນຕີຊ່ວຍວ່າການກະຊວງການເງິນ ແລະ ທ່ານ ອູຣິກ ຊັກຄາວ ອຳນວຍການທະນາຄານໂລກປະຈຳພາກພື້ນອາຊີຕາເວັນອອກສຽງໃຕ້.
ທ່ານນາງ ທິບພະກອນ ຈັນທະວົງສາ ກ່າວວ່າ:
ການຊ່ວຍເຫລືອດັ່ງກ່າວ, ຈະປະ ກອບສ່ວນສຳຄັນໃນຍຸດທະສາດຮ່ວມພັດທະນາປະເທດຂອງກຸ່ມທະນາຄານໂລກໃນລາວປະຈຳ
ປີ 2012-2016 ເພື່ອແນໃສ່ການເສີມສ້າງຄວາມເຂັ້ມແຂງໃນການຄຸ້ມຄອງຊັບພະຍາກອນທຳມະຊາດແບບຍືນຍົງ,
ການຄຸ້ມຄອງລັດ ແລະ ຄວາມສາມາດໃນການແຂ່ງຂັນເຊື່ອມໂຍງກັບພາກພື້ນ.
No comments:
Post a Comment