ຄະນະປະຈຳສະພາພິຈາລະນາຫລາຍບັນຫາສຳຄັນຂອງຊາດ

     ກອງປະຊຸມຄະນະປະຈຳສະພາແຫ່ງຊາດ, ໄດ້ມີຂຶ້ນໃນວັນທີ 4 ສິງຫານີ້, ຢູ່ຫໍ ສະພາແຫ່ງຊາດ ແລະ ຈະດຳເນີນໄປເປັນ ເວລາ 3 ວັນ, ໂດຍການເປັນປະທານຂອງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ແລະ ມີບັນດາຄະນະປະຈຳ ສະພາແຫ່ງຊາດເຂົ້າຮ່ວມຢ່າງພ້ອມພຽງເພື່ອພິຈາລະນາບັນຫາສຳຄັນຕ່າງໆເປັນຕົ້ນ: ການປັບປຸງບຸກຄະລາກອນຂອງຄະນະ ລັດຖະບານ, ຮັບຮອງເອົາສັນຍາ ລະຫວ່າງ ລັດຖະບານລາວ ແລະອິນໂດເນເຊຍວ່າດ້ວຍການຫລີກເວັ້ນການເກັບອາກອນຊ້ຳ ຊ້ອນ ແລະ ສະກັດກັ້ນການຫລົບຫລີກການເສຍອາກອນລາຍໄດ້ຜ່ານບົດສະຫລຸບຕີລາຄາຜົນສຳເລັດການດຳເນີນກອງປະ ຊຸມສະ ໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VII, ຜ່ານແຜນການເຄື່ອນໄຫວຂອງຄະນະປະຈຳສະພາແຫ່ງຊາດ ປະຈຳ 6 ເດືອນທ້າຍປີ, ຮັບຟັງການລາຍງານກ່ຽວກັບການສະເໜີຮັບຮອງເອົາໂຄງການກໍ່ສ້າງດ່ານວັງເຕົ່າເມືອງໂພນທອງ ແຂວງຈຳປາສັກໃຫ້ເປັນດ້ານສາກົນທັນສະໄໝ, ພິຈາລະນາອະນຸມັດ ແລະ ອອກມະຕິຕົກລົງຂອງສະພາແຫ່ງຊາດກ່ຽວກັບ

ໂຄງການກໍ່ສ້າງເຂື່ອນໄຟຟ້ານ້ຳຕົກນ້ຳທາ 1 ແຂວງບໍ່ແກ້ວ, ສະເໜີໂຄງ ການອອກແບບ ແລະ ປຸກສ້າງຫໍພັກພະນັກງານຫ້ອງ ວ່າການສະພາແຫ່ງຊາດຫລັງໃໝ່, ຜ່ານຂໍ້ກຳນົດວ່າດ້ວຍພາລະບົດບາດ,ສິດ, ໜ້າທີ່, ແບບແຜນວິທີເຮັດວຽກຂອງກົມປ້ອງ ກັນຊາດ ແລະ ກົມປ້ອງກັນຄວາມສະຫງົບຂອງສະພາແຫ່ງຊາດ, ຮັບຟັງການລາຍງານສະພາບຄວາມຄືບໜ້າໃນການກະ ກຽມເປັນເຈົ້າພາບຈັດກອງປະຊຸມສະມັດຊາລັດຖະສະພາລະຫວ່າງ ຊາດອາຊຽນຄັ້ງທີ 35 (ໄອປາ 35), ຮັບຟັງການລາຍ ງານຄືນການຂໍພິຈາລະນາອະນຸມັດ ແລະ ອອກມະຕິສະພາແຫ່ງຊາດກ່ຽວກັບໂຄງການກໍ່ສ້າງເຂື່ອນໄຟຟ້ານ້ຳຕົກນ້ຳກົງແຂວ ງອັດຕະປື ແລະ ພິຈາລະນາວຽກງານສັນ ຊາດຈຳນວນໜຶ່ງ.