ມີສະພາບງັດແງະເກີດຂຶ້ນຫຼາຍ

               ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: 3​-4 ມື້ມານີ້ ຢູ່ນະຄອນຫຼວງວຽງຈັນມີສະພາບງັດແງະເກີດ ຂຶ້ນຫຼາຍເຮັດໃຫ້ມີຜົນເສຍຫາຍຫຼາຍສິບ ລ້ານກີບ, ຊຶ່ງທຽບໃສ່ໄລຍະ ດຽວກັນຂອງເດືອນຜ່ານມາມີຈຳນວນເພີ່ມຂຶ້ນ.

                ທ່ານ ພັນໂທ ຄຳແພງ ໄຊຍະ ລາດ ຮອງຫົວໜ້າກອງບັນຊາ ການ ປກສ ນະຄອນຫຼວງວຽງຈັນ ໃຫ້ຮູ້ວ່າ: ປັດ ຈຸບັນເຈົ້າໜ້າທີ່ ນະຄອນຫຼວງວຽງຈັນໄດ້ເພີ່ທະວີແກ້ໄຂປາກົດການຫຍໍ້ທໍ້ຕາມ ຄຳສັ່ງເລກທີ 27/ນຍ ແລະ ສຸມໃສ່ກວາດ ລ້າງກຸ່ມແກ້ງກວນເມືອງ, ມົ້ວສຸມຢາເສບຕິດ ແລະ ນັກເລງອັນຕະພານອື່ນໆ ດ້ວຍການເພີ່ມທະວີປັບປຸງກຳລັງ ປ້ອງກັນໃຫ້ມີ ຄວາມເຂັ້ມແຂງ ແລະ ປະຕິບັດໜ້າທີ່ຢ່າງເຂັ້ມງວດ, ເພາະເຫັນວ່າໃນຜ່ານມານີ້ ສະພາບຫຍໍ້ທໍ້ທາງສັງຄົມ ເກີດຂຶ້ນຫຼາຍໂດຍ ສະພາບລັກຊັບ, ຊີງຊັບ, ມົ້ວສຸມຢາເສບຕິດໂດຍສະເລ່ຍໃນມື້ໜຶ່ງຈະເກີດຂຶ້ນແຕ່ 5-8 ເລື່ອງ ແລະ ສະເພາະເດືອນໜຶ່ງຜ່ານ ມານີ້ເຈົ້າໜ້າທີ່ສາມາດຈັບຕົວເປົ້າໝາຍມາດຳ ເນີນຄະດີໄດ້ກວ່າ 60 ຄົນ, ສ່ວນໃຫຍ່ຈະແມ່ນໄວລຸ້ນບໍ່ມີອາຊີບວຽກເຮັດງານ ທຳຊຶ່ງເປັນບັນຫາທີ່ຈະຕ້ອງໄດ້ຮີບຮ້ອນແກ້ໄຂ.