ສາທາແຕ່ງຕັ້ງໜວ່ຍງານເຝົ້າລະວັງການລະບາດຂອງພະຍາດຢູ່ໂຮງໝໍໃຫຍ່

     ວັນທີ 5 ສິງຫານີ້ພະແນກສາທາລະນະສຸກນະຄອນຫຼວງວຽງຈັນໄດ້ຮ່ວມກັບ 6 ໂຮງາໝໍສູນກາງຈັດກອງປະຊຸມປຶກສາ ຫາລື ແລະ ແຕ່ງຕັ້ງໜ່ວຍງານເຝົ້າລະວັງ ແລະ ລາຍງານພະຍາດຢູ່ ໂຮງໝໃຫຍ່ 6 ແຫ່ງ, ໂດຍການເຂົ້າຮ່ວມຂອງຄະນະພະ ແນກສາທາລະນະສຸກນະຄອນຫຼວງວຽງຈັນ, ອຳນວຍການຂອງໂຮງໝໍ 6 ແຫ່ງດັ່ງກ່າວປະກອບມີ: ໂຮງ ໝໍເສດຖາທິຣາດ, ໂຮງໝໍມະໂຫ ສົດ, ໂຮງໝໍມິດຕະພາບ 150 ຕຽງ, ໂຮງໝໍ 103, ໂຮງໝໍເດັກ ແລະ ໂຮງໝໍ 5 ເມສາ.

    ທ່ານປະທານກອງປະຊຸມ ກ່າວວ່າ: ເພື່ອກຽມພ້ອມໃຫ້ລະ ບົບເຝົ້າລະວັງ ແລະ ຕອບໂຕ້ ພະຍາດທີ່ອາດເກີດຂຶ້ນໃນຕໍ່ໜ້າ ເປັນຕົ້ນແມ່ນ 17 ພະຍາດທີ່ຢູ່ໃນ ບັນຊີເຝົ້າລະວັງໂດຍສະເພາະ ແມ່ນພະຍາດໄຂ້ເລືອດອອກ, ໂດຍໃຊ້ຫຼັກການພັດທະ ນາ ລະບົບຂໍ້ມູນໃຫ້ທັນກັບເວລາ ແລະ ມີຄວາມເປັນເອກະພາບກັນລະ ຫວ່າງໂຮງໝໍໃນການລາຍງານຂໍ້ມູນໃຫ້ລະ ບົບເຝົ້າລະ ວັງພະຍາດໂດຍສະເພາະແມ່ນສາທາ ລະນະສຸກນະຄອນຫຼວງວຽງ ຈັນ, ດັ່ງນັ້ນກອງປະຊຸມຄັ້ງນີ້ຈຶ່ງ ໄດ້ຮ່ວມກັນປຶກສາຫາລື ແລະ ແຕ່ງຕັ້ງໜ່ວຍງານເຝົ້າລະວັງ ແລະ ລາຍງານພະຍາດດັ່ງກ່າວ ໃຫ້ມີຄວາມເຂັ້ມແຂງໃນການກັນການລະບາດຂອງ ໄດ້ທັນເວລາ.