ເຈົ້າໜ້າທີ່ພະແນກສືບສວນ-ສອບສວນກອງບັນຊາການ
ປກສ ແຂວງຊຽງຂວາງ ຈັບຕົວໄດ້ແລ້ວຄາດຕະກອນໂຫດທີ່ຄາດຕະກຳເມຍເກົ່າ ແລະ ລູກນ້ອຍ
1 ປີໃນວັນທີ 25 ກໍລະ ກົດ 2014, ແລ້ວເອົາສົບໄປຖິ້ມຢູ່ແຄມຫ້ວຍນ້ຳງິ້ວ ເຂດບ້ານໂພນແຍງ
ເມືອງຄູນ ແຂວງຊຽງຂວາງຍ້ອນການຫຶງຫວງ.
ເຈົ້າໜ້າທີ່ພະແນກສືບສວນ- ສອບສວນກອງບັນຊາການ
ປກສ ແຂວງຊຽງຂວາງ ໃຫ້ຮູ້ວ່າ: ຂ້າຕະກອນ ໂຫດດັ່ງກ່າວ ຄືທ້າວ ວາກີລໍ່ ຫລື ຊາລໍ
ອາຍຸ 41 ປີ ປະຊາຊົນຢູ່ບ້ານໜອງນ້ຳ ເມືອງຄູນ ແຂວງຊຽງຂວາງ ເຊິ່ງເປັນຜົວເກົ່າຂອງຜູ້ເສຍຊີວິດ
ພາຍຫລັງກໍ່ເຫດຜູ້ກ່ຽວ ໄດ້ເອົາ ຕົວໄປລີ້ຊ້ອນຢູ່ເຮືອນຂອງຍາດພີ່ນ້ອງທີ່ເມືອງຄຳເກີດແຂວງບໍລິຄຳໄຊ,
ຈົນຮອດວັນທີ 15 ກັນ ຍານີ້, ເຈົ້າໜ້າທີ່ຕຳຫລວດແຂວງບໍລິຄຳໄຊ ຈຶ່ງສາມາດຈັບຕົວຜູ້ກ່ຽວໄດ້.
ທ້າວ ວາກີລໍ່ ໄດ້ຮັບສາລະ ພາບວ່າ: ຕົນໄດ້ສ້າງຄອບຄົວກັບນາງ
ເກຍຊົ່ງ ແລະ ມີລູກຮ່ວມກັນ 1 ຄົນ ຊື່ນາງ ປ່າຢັ່ງລໍ່ ອາຍຸ 1 ປີ, ທັງສອງໄດ້ຢ່າຮ້າງກັນໃນປີ
2013, ແຕ່ກໍຍັງມີການຕິດຕໍ່ພົວພັນນຳກັນຢູ່. ກ່ອນມື້ເກີດເຫດ, ໃນວັນທີ
25 ກໍລະ ກົດ 2014 ນາງ ເກຍຊົ່ງ ໄດ້ໂທລະສັບຫາຕົນໃຫ້ໄປຮັບຢູ່ບ້ານໂພນຮົມ ເມືອງທ່າໂທມ
ແຂວງໄຊສົມ ບູນເພື່ອມາແຂວງຊຽງຂວາງ. ຈາກນັ້ນ, ກໍໄດ້ພານາງ ເມຍເກົ່າ ແລະ ລູກສາວມາພັກຢູ່ເຮືອນພັກ
ທີ່ເມືອງແປກ 2 ຄືນ, ຮອດເຊົ້າ ວັນທີ 28 ກໍລະ ກົດ, ມີນາງ ຊົວ (ເປັນໝູ່ຂອງນາງ ເກຍຊົ່ງ) ໄດ້ໂທລະສັບຫານາງ
ເກຍຊົ່ງ ໄດ້ ບອກວ່າຖ້າຈະເມືອບ້ານໃຫ້ມາພົບຂ້ອຍຢູ່
ເມືອງຄູນ. ກ່ອນຈາກນັ້ນ
ທ້າວ ວາກີລໍ່ ຈຶ່ງໄດ້ພານາງ ເກຍຊົ່ງ ແລະ ລູກ ຂີ່ລົດຈັກໄປເມືອງຄູນ, ພໍໄປຮອດຕະຫລາດເມືອງຄູນກໍໄດ້ພັກເຊົາກິນເຂົ້າ
ສວາຍ ຈາກນັ້ນກໍພານາງ ເກຍ ຊົ່ງ ແລະ ລູກສາວ ຂີ່ລົດຈັກມຸ່ງໜ້າໄປເມືອງທ່າໂທມ.
ຮອດບ້ານໂພນແຍງ ເມືອງຄູນ, ນາງ ເກຍ ຊົ່ງ ໄດ້ບອກໃຫ້ຈອດລົດ ເພື່ອລົມໂທລະສັບກັບນາງ
ຊົວ. ແຕ່ໃນ ຂະນະນັ້ນທ້າວ ວາກີລໍ ກໍໄດ້ ລົມກັບເມຍເກົ່າເພື່ອຈະເອົາກັນຄືນ ແຕ່ໄດ້ຮັບປະຕິເສດ
ຍ້ອນພໍ່ແມ່ພີ່ ນ້ອງບໍ່ໃຫ້ເອົາກັນແລ້ວ, ແຕ່ວ່າຖ້າຈະໄປເອົາຄົນໃໝ່ກໍຄົງຍາກ
ເພາະມີລູກແລ້ວ ໃຜກໍຄົງບໍ່ຢາກເອົາດອກ. ເມື່ອທ້າວ ວາກີລໍ່ ໄດ້ຍິນແນວນັ້ນ
ກໍເກີດໂມໂຫຈຶ່ງເອົາມີດທີ່ຖືມານຳຟັນຄໍດ້ານຫລັງຂອງນາງ ເກຍຊົ່ງ ໜຶ່ງບາດ ແລະ ຟັນຄໍທາງຂ້າງຕື່ມອີກໜຶ່ງບາດ
ເຮັດໃຫ້ນາງ ເກຍ ຊົ່ງ ຕາຍຄາທີ່. ຈາກນັ້ນ ກໍຟັນຄໍລູກສາວໜຶ່ງບາດເຮັດໃຫ້ຕາຍຄາທີ່ເຊັ່ນດຽວກັນ
ແລະ ໄດ້ເອົາ ສົບທັງສອງໄປຖິ້ມຢູ່ແຄມນ້ຳ ແລ້ວກໍຂີ່ລົດໄປເມືອງພູຄູນ ແຂວງຫລວງພະບາງເພື່ອເພື່ອເດີນທາງຕໍ່ໄປທີ່ຊ້ອນຢູ່ແຂວງບໍລິຄຳໄຊຈຶ່ງມາຮອດວັນທີ
15 ກັນຍານີ້ຈຶ່ງສາມາດຈັບຕົວ ຄາດຕະກອນມາດຳເນີນຄະດີໄດ້.
No comments:
Post a Comment