ເມື່ອບໍ່ດົນມານີ້, ເຈົ້າໜ້າທີ່ ປກສ ເມືອງຫາດຊາຍຟອງ
ນະຄອນຫລວງວຽງຈັນ ໄດ້ມ້າງກຸ່ມມົ້ວສຸມ ແລະ ຄ້າຂາຍຢາເສບຕິດຕົວອັນຕະລາຍຢູ່ໃນເມືອງດັ່ງ
ກ່າວ ແລະ ສາມາດຈັບຜູ້ຕ້ອງຫາໄດ້ຄື: ທ້າວ ສຸດຕາ ອາຍຸ 24 ປີຢູ່ບ້ານປ່າຫວ້າ,
ທ້າວ ສຸລິຍັນ ອາຍຸ 35 ປີ ແລະ ທ້າວ ຈິລະພັນ ອາຍຸ 27 ປີຢູ່ບ້ານປ່າມ່ວງ, ເມືອງດັ່ງກ່າວ
ແລະ ຜ່ານການສຶບສວນ-ສອບສວນຂອງເຈົ້າໜ້າທີ່, ພວກກ່ຽວໄດ້ຊັກທອດເຖິງເພື່ອນຮ່ວມຂະບວນການຈຳ
ນວນໜຶ່ງ ແລະ ເຈົ້າໜ້າທີ່ສາ ມາດນຳຈັບຕົວມາໄດ້ຄື: ທ້າວ ບຸນຈັນ ອາຍຸ 30 ປີຢູ່ບ້ານທ່າມ່ວງ
ແລະ ທ້າວ ແສງແກ້ວ ອາ ຍຸ 36 ປີຢູ່ບ້ານໜອງແຫ້ວ ເມືອງຫາດຊາຍຟອງ ນະຄອນຫລວງວຽງຈັນ
ແລະ ມີຂອງກາງຢາບ້າຈຳນວນໜຶ່ງ, ເຊິ່ງເຈົ້າໜ້າທີ່ໄດ້ຢຶດໄວ້ເປັນຫລັກຖານເພື່ອດຳເນີນຄະດີຕາມລະບຽບກົດໝາຍ.ໂດຍທັງໝົດຮັບສາລະພາບກັບເຈົ້າໜ້າທີ່ວ່າ:
ໄດ້ຮ່ວມກັນເຄື່ອນໄຫວມົ້ວສຸມ ແລະ ຄ້າຂາຍຢາເສບຕິດໃຫ້ກັບຊາວໜຸ່ມຢູ່ພາຍໃນເມືອງຫາດຊາຍຟອງ
ແລະ ເມືອງໃກ້ຄຽງມາດົນແລ້ວ, ນອກ ຈາກນີ້, ແຕ່ລະຄົນຍັງເຄີຍຖືກ ຕ້ອງໂທດໃນຂໍ້ຫາມົ້ວສຸມ
ແລະ ຄ້າຂາຍຢາເສບຕິດ ແລະ ລັກຊັບພົນລະເມືອງມາແລ້ວ.
No comments:
Post a Comment