ໃນວັນທີ 26 ກັນຍານີ້, ບໍລິສັດ ໄທ ຊຳຊຸງ
ເອເລັກໂຕຣ ນິກ ຈຳກັດ ຮ່ວມກັບຄະນະວິສະ ວະກຳສາດ ມະຫາວິທະຍາໄລແຫ່ງຊາດ ໄດ້ເປີດໂຄງການ
Tech Institute season II 2014 by Sumsung ຂຶ້ນ ຢູ່ຄະນະດັ່ງ ກ່າວ ໂດຍການເຂົ້າ ຮ່ວມຂອງທ່ານ
ບົວລິນ ຊ້ອຍສຸວັນ ຄະນະບໍ ດີຄະນະວິສະວະກຳສາດມະຫາ ວິທະຍາໄລແຫ່ງຊາດ, ທ່ານ ປະພາດ
ຣັດຕະ ນະພາດ ຜູ້ຕາງໜ້າ ບໍລິສັດ ໄທ ຊຳຊຸງ ເອເລັກໂຕຣ ນິກ ຈຳກັດ ປະຈຳປະເທດລາວ
ພ້ອມດ້ວຍກະຊວງທີ່ກ່ຽວຂ້ອງ ແລະ ຄູອາຈານ-ນັກຮຽນເຂົ້າ ຮ່ວມເປັນຈຳນວນຫລາຍ.
ໃນພິທີທ່ານ ອາຈານ ສົມພອນ ກັນທະວົງ ຫົວໜ້າພາກວິຊາຄອມພິວເຕີ
ແລະ ໄອທີ ຄະນະວິ ສະວະກຳສາດ ກ່າວວ່າ: ສຳ ລັບໂຄງການນີ້ແມ່ນສືບເນື່ອງຈາກຜົນສຳເລັດຂອງໂຄງການ
Tech Institute ພາຍໃຕ້ຊື່ງານ Android app academy (ການພັດທະນາ app ເທິງມືຖື)
ຄັ້ງທີ 1 ໃນຕົ້ນປີ 2014 ທີ່ຜ່ານມາ ເຊິ່ງ ທາງຄະນະວິສະວະກຳສາດຮ່ວມກັບບໍລິສັດ
ໄທ ຊຳຊຸງ ເອເລັກໂຕຣນິກ ຈຳກັດ ເປັນຜູ້ໃຫ້ທຶນສະໜັບສະໜູນການດຳເນີນໂຄງການດັ່ງກ່າວ
ແລະ ເຫັນໄດ້ ຄວາມສຳຄັນຂອງໂຄງ ການນີ້ ທັງສອງພາກສ່ວນຈຶ່ງຕົກລົງເຫັນດີສືບຕໍ່ຮ່ວມມືກັນອີກໂດຍມີຊື່ວ່າ:
Android AppAcademy by
Sumsung Season II ເພື່ອນຳເອົາໂຕແທນນັກສຶກສາຈາກ 5
ສະຖາບັນການສຶກສາດ້ານໄອທີ ແລະ ນັກສຶກສາທີ່ສົນໃຈທົ່ວໄປເຂົ້າຮ່ວມເຝິກອົບຮົມການພັດ
ທະນາ applocatoion ສຳລັບປະຕິບັດການ Android ພ້ອມກັບຈັດການປະກວດແອັບທີ່ເດັ່ນ
ເພື່ອຊີງລາງວັນຈາກຊຳຊຸງ.
ທ່ານຫົວໜ້າພາກວິຊາ ກ່າວອີກວ່າ: ຈຸດປະສົງເພື່ອສົ່ງເສີມ
ແລະ ເປີດໂອກາດໃຫ້ນັກຮຽນ-ນັກສຶກ ສາທັງໄດ້ຮຽນຮູ້ ແລະ ທຳຄວາມເຂົ້າໃຈການພັດທະນາແອັບ
ແລະ ໂປຣແກຣມສຳລັບໂທລະສັບມືຖືໃນລະບົບປະຕິບັດການ Android, ເພື່ອເປັນການສົ່ງເສີມການທຳຄວາມເຂົ້າໃຈກ່ຽວກັບຂໍ້ດີ-ຂໍ້ເສຍໃນສ່ວນຕ່າງໆຂອງລະບົບ
Android ພ້ອມກັບການຮຽນຮູ້ເຄື່ອງ ມືໃນການຂຽນໂປຣແກຣມ Android, ເພື່ອສົ່ງເສີມໃຫ້ເກີດການພັດທະນາຄວາມຮູ້ໃໝ່ໆທີ່ພວມເປັນທີ່ຕ້ອງການຂອງຕະ
ຫລາດໂລກໃຫ້ແກ່ນັກສຶກສາດ້ານໄອທີໃນປະເທດລາວ, ເພື່ອເປັນເວທີໃຫ້ແກ່ນັກສຶກສາໄດ້ສະແດງແນວຄິດ
ແລະ ການພັດທະນາແອັບສຳລັບມືຖືສູ່ສັງຄົມອີກດ້ວຍ.
No comments:
Post a Comment