ວັນທີ 26 ກັນຍານີ້ບໍລິສັດ ສະຕາຣໂທລະຄົມຫຼື
Unitel ໄດ້ຈັດພິທີເປີດໃຫ້ ບໍລິການທະນາຄານ ເທິງມືຖື ( Bank plus ) ຂຶ້ນ, ຢູ່ໂຮງແຮມລາວພລາຊາ
ນະ ຄອນຫຼວງວຽງຈັນ, ໂດຍການ ເຂົ້າຮ່ວມຂອງ ທ່ານ ຮ່ວງວັນ ລວນ ອຳນວຍການ ໃຫຍ່ບໍລິສັດຢູນິເທວ,
ທ່ານ ເລກວກນາມ ອຳນວຍການທະນາຄານຫວຽດຕິນແບັງ ພ້ອມດ້ວຍຜູ້ຕ່າງໜ້າ ຈາກທະນາຄານ, ໂທລະ ຄົມມະນາຄົມ ແລະ ລູກຄ້າເຂົ້າ ຮ່ວມເປັນຈຳນວນຫຼາຍ.
ທ່ານອຳນວຍການໃຫຍ່ ຢູນີເທວ ກ່າວວ່າ: Bank
plus ຫຼື ທະນາຄານເທິງມືຖືເປັນການບໍລິການໃໝ່ ແລະ ເປັນທາງ ເລືອກໃໝ່ສຳລັບລູກຄ້າຂອງຢູນິເທວ,
ເປັນບໍລິການທີ່ສະດວກບໍ່ຈຳ ເປັນຕ້ອງເຊືອມຕໍອິນເຕີເນັດໃຫ້ ກັບໜ່ວຍໂທລະສັບ, ພຽງແຕ່ນຳໃຊ້ລະບົບລະຫັດສັ້ນເມື່ອລົງທະ
ບຽນບໍລິການເທົ່ານັ້ນ. ລູກຄ້າ ຂອງຢູນິເທວກໍສາມາດປະຕິບັດ ໄດ້ຕາມຄວາມ ຕ້ອງການຄືໂອນເງິນຈາກບັນທະນາຄານ,
ຊຳລະຄ່່າໂທລະສັບ ແລະ ກວດ ຍອດເງິນໃນບັນຊີ, ໂດຍການ ຮ່ວມມືກັບທະນາ
ຄານຫວຽດຕິນແບັງ, ຊຶ່ງເບື້ອງຕົ້ນຈະສະໜອງບໍລິການນີ້ໃນນະຄອນຫຼວງວຽງຈັນ
ແລະ ແຂວງຈຳປາສັກ, ຫຼັງຈາກນັ້ນຈຶ່ງ ຈະຂະຫຍາຍອອກໄປໃນຂອບເຂດທົ່ວປະເທດ.
ທ່ານອຳນວຍການກ່າວວ່າ: ໃນຕໍ່ໜ້າຢູນິເທວຈະສືບຕໍ່ຮ່ວມມືກັບທະນາຄານອື່ນໆອີກ,
ເພື່ອອຳນວຍຄວາມສະດວກໃຫ້ ແກ່ລູກຄ້າຂອງຢູນີເທວ, ຜ່ານບໍລິການ Bank plus ມີຄື ໂອນເງິນຜ່ານໂທລະສັບ
ແລະ ໃນໃຊ້ເຂົ້າໃນການຊຳລະຄ່າບໍລິການ ຕ່າງໆ, ຜ່ານບັນຊີທະນາຄານຫວຽດຕິນແບັງ.
No comments:
Post a Comment