ທ່ານພັນຕີ ບຸນມາກ ສູນດາໄລ ຮອງຫົວໜ້າພະແນກຕຳຫລວດຈາລະ ຈອນ ນະຄອນຫຼວງວຽງຈັນ
ໃຫ້ຮູ້ວ່າ: ນັບແຕ່ວັນທີ 7-9 ຕຸລາ 2014 ໄດ້ມີອຸປະຕິເຫດເກີດຂຶ້ນທັງໝົດ 24 ເລື່ອງ,ພະຫານະເປ່ເພ
52 ຄັນ ແລະ ຜູ້ບາດເຈັບ 47 ລາຍ, ເຫັນວ່າມີຕົວເລກ ເພີ່ມຂຶ້ນແຕ່ບໍ່່ມີຜູ້ເສຍຊີວິດ,
ຖ້າທຽບໃສ່ປີ 2013 ມີອຸປະຕິເຫດ ເກີດຂຶ້ນ 19 ກໍລະນີ, ພາຫະນະເປ່ເພ 38 ຄັນ, ຜູ້ບາດເຈັບ
33 ຄົນ ແລະ ເສຍຊີວິດ 1 ຄົນ. ສາເຫດຍັງແມ່ນຜູ້ຂັບຂີ່ຂາດສະຕິ, ດື່ມ ສິ່ງມຶນເມົາແລ້ວຂັບຂີ່ດ້ວຍຄວາມໄວ
ແລະ ບໍ່ເຄົາລົບກົດລະ ບຽບຈາລະຈອນ. ສະນັ້ນ ຂໍຝາກເຖິງຜູ້ໃຊ້ລົດໃຊ້ຖະໜົນຄວນມີສະຕິເປັນເຈົ້າການປະຕິບັດກົດລະບຽບຈາລະຈອນ
ແລະ ແຈ້ງການຕ່າງໆໃຫ້ເຂັ້ມງວດ ເພື່ອໃຫ້ອຸບັດເຫດຕາມທ້ອງຖະໜົນຫລຸດລົງ
ແລະ ໃນງານບຸນຊ່ວງເຮືອປະຈຳປີ 2014 ທີ່ທ່າວັດຈັນຜ່ານ ມານີ້, ພະແນກຕຳຫລວດຈາລະຈອນນະຄອນຫລວງແມ່ນມີການວາງ
ກຳລັງປ້ອງກັນທັງໝົດ
95 ຈຸດ, ສະເພາະວົງໃນ 56 ຈຸດ ແລະ ມີກຳລັງ 300 ກວ່າຄົນ. ນອກນັ້ນ, ໄດ້ເປີດຮ້ານວາງສະ
ແດງຂອງຕຳຫລວດຈາລະຈອນຂຶ້ນ ເພື່ອໂຄສະນາເຜີຍແຜ່ກົດລະບຽບຈາລະຈອນໃຫ້ແກ່ມວນ
ຊົນທີ່ເຂົ້າຮ່ວມໃນງານບຸນໄດ້ຮູ້ເຖິງຜົນເສຍຫາຍຈາກການບໍ່ ປະຕິບັດກົດລະບຽບຈາລະຈອນ,
ເຊິ່ງເຫັນວ່າໄດ້ຮັບຄວາມສົນໃຈຈາກມວນຊົນເຂົ້າຮ່ວມຊົມ ຫລາຍສົມຄວນ. 
No comments:
Post a Comment