ລັກກີຢູນ່ຽນຟູດທາງເລືອກໃໝ່ຂອງຜູ້ທີມັກອາຫານສຳເລັດຮູບ

    ປັດຈຸບັນອາຫານສຳເລັດຮູບ ແມ່ນໄດ້ຮັບຄວາມນິຍົມຫຼາຍໃນສັງຄົມບ້ານເຮົາ ເພາະມັນໄດ້ເພີ່ມຄວາມ ສະດວກສະບາຍ ໃນການປຸງແຕ່ງ, ທັງມີລົດຊາດແຊບ, ມີຄຸນຄ່າທາງອາຫານສູງ, ການເກັບຮັກສາກໍງ່າຍ, ບໍ່ຈຳເປັນຕ້ອງໄປຕະຫຼາດສົດເປັນ ປະຈຳ ແລະ ເມື່ອກ່ອນເຫັນວ່າມີຄົນຈຳນວນຫຼາຍທີ່ຂ້າມໄປຊື້ອາຫານ ສຳເລັດຮູບ ແຊ່ແຂງຢູ່ປະເທດ ເພືອນບ້ານ, ແຕ່ຕໍ່ໄປນີ້ບໍ່ ຈຳເປັນຕ້ອງຂ້າມໄປຊື້ອາຫານດັ່ງ ກ່າວ ກໍໄດ້ເພາະວ່າບໍລິສັດລັກກີ ຢູນ່ຽນຟູດ   (Lucky union foods)  ແລະ ບໍລິສັດ ມິດ ຕະພາບໄດ້ຮ່ວມກັນເປີດສູນບໍລິການອາຫານສຳເລັດຮູບແຊແຂງຂຶ້ນຢູ ຕະຫຼາດຫ້ວຍຫົງ ເມືອງຈັນທະບູລີ ນະຄອນ ຫຼວງວຽງຈັນ ເມື່ອວັນທີ 3 ຕຸລານີ້.

          ທ່ານ ວັນທານີ   ຜູ້ອຳນວຍການບໍລິສັດລັກກີຢູນຽນ ຟູດກ່າວວ່າ: ຜະລິດຕະພັນອາຫານສຳເລັດຮູບແຊ່ແຂງຂອງ

ພວກເຮົາທີ່ນຳມາຈຳໜ່າຍໃນ ລາວນີ້ ເຮັດຈາກຊີ້ນປາບົດ ຜະ ລິດດ້ວຍເຕັກໂນໂລຢີຂັ້ນສູງສະອາດປອດໄພບ່ໍໃຊ້ສານກັນບູດ, ຖ້າເກັບຮັກສາໄວໃນລະດັບອຸນຫະພູມລົບ 18 ອົງສາ, ສາມາດ ເກັບຮັກໄດ້ຍາວນານເຖິງ 2 ປີ, ປັດຈຸບັນຜະລິດຕະພັນອາ ຫານປະເພດດັ່ງກ່າວພວມໄດ້ຮັບ ຄວາມນິຍົມຢູ່ກວ້າງຂວາງໃນ ຫຼາຍປະເທດ ແລະ ການທີ່ບໍລິ ສັດຂອງຕົນມາເປີດສາຂາຈຳ ໜ່າຍຢູ່ປະເທດລາວ ເພາະມີ ຄວາມໝັ້ນໃຈວ່າຄົນລາວກໍນິຍົມຮັບປະທານອາຫານປະເພດດັ່ງ ກ່າວຄືກັນກັບຫຼາຍປະເທດ, ໃນ ເບື້ອງຕ້ົນທາງບໍລິສັດຈະເປີດສາຂາຢູ່ນະຄອນຫຼວງວຽງຈັນ, ຫຼັງຈາກນັ້ນກໍຈະຄ່ອຍໆຂະ ຫຍາຍໄປສູ່ ແຂວງຈຳປາສັກ ແລະ ແຂວງຫຼວງພະບາງ ແລະ ເຊື່ອວ່າຈະຊ່ວຍເພີ່ມທາງເລືອກ ແລະ ຄວາມສະດວກລະບາຍ ໃຫ້ແກ່ຜູ້ທີ່ມັກອາຫານປະ ເພດດັ່ງກ່າວໃນລາວຫຼາຍຂຶ່ນ.

   ທ່ານຜູ້ອຳນວຍການໃຫ້ຮູ້ອີກ ວ່າ: ຜະລິດຕະພັນອາຫານສຳເລັດຮູບແຊແຂງຂອງບໍລິສັດພວກເຮົານຳມາຈຳໜ່າຍແມ່ນ ຜະລິດໃນປະເທດໄທ 80%, ສ່ວນ ວັດຖຸດິບທີ່ນຳມາຜະລິດແມ່ນປາທະເລ ແມ່ນຢູ່ໃນປະເທດເອງ ແລະ ນຳເຂົ້າຈາກຕ່າງປະ ເທດຈຳນວນໜຶ່ງ.