ກະຊວງ​ອຸດ​ສະຫະ​ກຳ ​ແລະ ການ​ຄ້າປະກາດ​ລົງ​ລາຄາ​ນ້ຳມັນເຊື້ອໄຟ

     ກະຊວງ​ອຸດ​ສາ​ຫະກຳ ​ແລະ ການ​ຄ້າ ​ໄດ້​ອອກ​ແຈ້ງ​ການ​ສະບັບ​ເລກທີ 1846/ອຄ.ຄພນ ລົງ​ວັນທີ 2 ຕຸລາ 2014, ​ເຖິງ​ສະມາ ຄົມ​ນ້ຳມັນ​ເຊື້ອ​ໄຟ ​ແລະ ອາຍ​​ແກ໊ສ ​ເລື່ອງ​ປັບ​ລົງລາຄາ​ຂາຍ ຍ່ອຍນ້ຳມັນ​ແອັດຊັງ ແລະ ກາ​ຊວນໃນ​ຂອບ​ເຂດ​ທົ່ວ​ປະ​ເທດ​ເນື່ອງ​ຈາກ​ສະພາບ​ລາຄາ​ຊື້- ຂາຍ​ນ້ຳມັນ​ເຊື້ອ​ໄຟ​ຢູ່ຕະຫລາດ ​ໂລກ​ໃນ​ປັດຈຸບັນ​ມີ​ການ​ປ່ຽນ​ແປງ ​ແລະ ​ເພື່ອ​ໃຫ້​ສ່ອດຄ່ອງ​ກັບ​ກົນ​ໄກ​ຕະຫລາດ, ​ໂດຍ​​ໄດ້​ເລີ່​ມປະຕິບັດ​ນັບ​ແຕ່ວັນ​ທີ  3  ຕຸລາ 2014 ​(​ເວລາ 6:00) ເປັນ​ຕົ້ນ​ໄປ, ເຊິ່ງເປັນການປັບລົງ ຄັ້ງທີ 6 ຕິດ ຕໍ່ກັນ ແລະ ເປັນການປັບລາຄາ ນ້ຳມັນຄັ້ງທີ 15 ຂອງປີນີ້.

     ການ​ລົງ​ລາຄາ​ນ້ຳມັນ​ໃນ​ຄັ້ງ​ນີ້ ເຮັດ​ໃຫ້​ລາຄາ​ນ້ຳມັນ​ຢູ່ນະ ຄອນຫລວງ​ວຽງ​ຈັນ,​ ນ້ຳມັນ​ແອັດ​ຊັງ​ພິ​ເສດມີ​ລາຄາ 11.040 ກີບ/ລິດ, ​ແອັດ​ຊັງ​ທຳ​ມະ​ດາ 9.710 ກີບ/ລິດ, ກາ​ຊວນ 8.640 ກີບ/ລິດ;  ​ແຂວງຄຳ​ມ່ວນ ນ້ຳ ມັນ​ແອັດ​ຊັງ​ພິ​ເສດ 11.040 ກີບ/ ລິດ, ແອັດ​ຊັງ​ທຳ​ມະ​ດາ 9.750 ກີບ/ລິດ,  ກາ​ຊວນ 8.670 ກີບ/ ລິດ; ​ແຂວງສະຫວັນ​ນະ​ເຂດ ນ້ຳມັນ​ແອັດ​ຊັງ​ພິ​

ເສດ11.160 ກີບ/ ລິດ, ແອັດ​ຊັງ​ທຳ​ມະ​ດາ 9.750 ກີບ/ລິດ, ກາ​ຊວນ 8.670 ກີບ/ ລິດ; ​ແຂວງຈຳປາ​ສັກ ນ້ຳມັນ​ແອັດ​ຊັງ​ພິ​ເສດ11.160 ກີບ/ລິດ, ແອັດ​ຊັງ​ທຳ​ມະ​ດາ 9.750 ກີບ/ ລິດ, ກາ​ຊວນ 8.710 ກີບ/ລິດ;​ ແຂວງບໍ່​ແກ້ວ ນ້ຳມັນແອັດ​ຊັງ​ທຳ​ມະ​ດາ 9.820 ກີບ/ລິດ, ກາ​ຊວນ 8.740 ກີບ/ລິດ; ​ແຂວງ ຊຽງ​ຂວາງນ້ຳມັນແອັດ​ຊັງ​ທຳ​ມະ​ດາ 9.950 ກີບ/ລິດ, ກາ​ຊວນ 8.900 ກີບ/ລິດ.