ຂະບວນຄາລະວານກັບສູ່ນາຄາວ ເພື່ອລະນຶກວັນຄູແຫ່ງຊາດທີ່ແຂວງຫົວພັນ

     ຂະບວນຄາລະວານກັບສູ່ ນາຄາວ ເມືອງວຽງໄຊ ແຂວງຫົວພັນເພື່ອລະນຶກວັນ ຄູແຫ່ງ ຊາດຄົບຮອບ 20 ປີ ( 7/10/ 2014), ຢູ່ທີ່ໂຮງຮຽນມັດທະຍົມ ສົມບູນ ນາຄາວ, ຊຶ່ງເປັນເຂດທີ່ ຕັ້ງຂອງກຸ່ມນັກສຶກສາໃນເມື່ອ ກ່ອນ, ໄດ້ອອກເດີນທາງ ຈາກນະຄອນຫລວງວຽງຈັນແລ້ວ ໃນເຊົ້າວັນທີ 5 ຕຸລານີ້, ຊຶ່ງມີຂະບວນລົດ ຫລາຍກວ່າ 20 ຄົນ ທີ່ບັນຈຸອະດີດຄູອາຈານ, ນັກຮຽນ,ນັກສຶກສາໂຮງຮຽນມັດ ທະຍົມນາເຮ້ຍ, ອຸດົມຫ້ວຍຢັດ ແລະ ໂຮງຮຽນສ້າງຄູຈຳນວນ ຫລາຍຮ້ອຍຄົນ, ພາຍໃຕ້ ການເປັນປະທານຂອງທ່ານ ດຣ. ພັນ ຄຳ ວິພາວັນ ຮອງນາຍົກລັດ ຖະມົນຕີ, ລັດຖະມົນຕີວ່າການ ກະຊວງສຶກສາທິການ ແລະ ກິລາ, ຊຶ່ງຂະບວນຄາລະ ວານດັ່ງກ່າວຈະໄດ້ເດີນທາງຜ່ານເທສະບານແຂວງບໍລິຄຳໄຊ, ຕັດ ອອກສູ່ເສັ້ນທາງໃໝ່ທ່າໂທມ, ເມືອງຄູນຜ່ານເທສະບານ ເມືອງແປກ ເມືອງຄຳແຂວງ ຊຽງຂວາງໄປຕາມເສັ້ນທາງ ເລກ 6 ອອກສູ່ເມືອງຊຳເໜືອ, ເມືອງວຽງ ໄຊ ແຂວງຫົວພັນ.

ຜ່ານໄລຍະເວລາການເດີນທາງຫລາຍກວ່າ 10 ຊົ່ວ ໂມງນັ້ນ, ນອກຈາກຄະນະໄດ້ສຳພັດກັບ ທິວທັດທຳ ມະຊາດພາກເໜືອ ທີ່ອຸດົມໄປດ້ວຍພູຜາປ່າໄມ້ອັນຂຽວສົດງົດງາມແລ້ວ, ຍັງເປັນໂອ ກາດໃຫ້ອະດີດຄູອາຈານ, ນັກຮຽນ, ນັກ ສຶກສາດ້ວຍກັນ ໄດ້ທົບທວນເຖິງອະດີດ ແລະ ສິ່ງທີ່ ຈົດຈຳໄວ້ໃນອະດີດເປັນຄູສອນ, ເປັນນັກຮຽນນັກສຶກສາຢູ່ໃນເຂດ ນາຄາວທີ່ເປັນບ່ອນ ອົບຮົມບົ່ມສອນໃຫ້ຕົນເອງກາຍເປັນພະນັກງານການນຳ ແລະ ຜູ້ມີຜົນສຳ ເລັດຕ່າງໆໃນໜ້າທີ່ການງານ ຂອງຕົນດັ່ງທຸກວັນນີ້.

     ນາຄາວ, ນາເຮ້ຍ ເປັນບ້ານ ໜຶ່ງທີ່ຂຶ້ນກັບເມືອງວຽງໄຊ, ຊຶ່ງ ຕັ້ງຢູ່ຫ່າງຈາກເທດສະບານ ເມືອງຊຳເໜືອລົງໄປທາງທິດ ຕາເວັນອອກສ່ຽງໃຕ້ຕາມສາຍທາງເລກ 6 ປະມານ 40 ກວ່າກິໂລ ແມັດ, ຊຶ່ງໃນໄລຍະກ່ອນເປັນ ບ່ອນທີ່ຕັ້ງຂອງຫ້ອງການ ສຶກສາສູນກາງ, ໂຮງຮຽນສ້າງຄູສູນ ກາງ, ໂຮງຮຽນສ້າງຄູປະຖົມ, ໂຮງຮຽນມັດທະຍົມນາເຮ້ຍ, ອຸດົມຫ້ວຍຢັດ ແລະ ສະຖາ ບັນການສຶກສາອື່ນໆອີກ. ສ່ວນພິທີ ສະເຫລີມສະຫລອງວັນຄູແຫ່ງ ຊາດ ແລະ ມອບຂອງຂວັນ, ຂອງທີ່ລະນຶກຕ່າງໆໃຫ້ໂຮງ ຮຽນ ມສ ນາຄາວ, ທີ່ສືບເນື່ອງ ມາຈາກມັດທະຍົມນາເຮ້ຍ ແລະ ອຸດົມຫ້ວຍຢັດໃນໄລຍະການຕໍ່ສູ້ກັບຈັກກະພັດ ຜູ້ຮຸກຮານ ໃນຄາວນັ້ນ, ຄາດວ່າຈະມີຂຶ້ນໃນວັນທີ  7 ຕຸລານີ້ເພື່ອເຂົາເຈົ້າໄດ້ມີເງື່ອນ ໄຂສຶກສາຮ່ຳຮຽນທີ່ດີ ແລະ ເປັນ ຜູ້ສືບທອດທີ່ເຂັ້ມ ແຂງຂອງຊາດດັ່ງລຸ້ນອ້າຍ, ລຸ້ນພີ່ທີ່ໄດ້ຜ່ານຜ່າມາຢ່າງມີໄຊ.