ບໍລິສັດຜະລິດໄຟຟ້າລາວ ມະຫາຊົນ ແລະ ອົງການການເງິນສາກົນ
(IFC) ສຳເລັດການ ຈັດສຳມະນາໃຫ້ແກ່ພະ ນັກງານວິຊາການຂອງບໍລິສັດໄຟຟ້າ ລາວ ແລະ
ບໍລິສັດຂາຮຸ້ນ ໃນວັນທີ 28 ຕຸລານີ້, ຢູ່ນະຄອນຫລວງວຽງຈັນ ພາຍຫລັງດຳເນີນມາເປັນເວລາ
5 ວັນ ເຊິ່ງຜູ້ເຂົ້າຮ່ວມໄດ້ຮຽນຮູ້ ແລະ ເສີມສ້າງຄວາມເຂົ້າໃຈກ່ຽວກັບກໍລະນີສຶກສາ
ຕ່າງໆໃນການດຳເນີນທຸລະກິດໃຫ້ມີຄວາມຍືນຍົງ ແລະ ວິທີການນຳໃຊ້ມາດຕະຖານການດຳເນີນງານຂອງອົງການ
IFC ເຊິ່ງເປັນມາດຕະຖານດ້ານສິ່ງແວດລ້ອມ ແລະ ສັງຄົມ ທີ່ໃຫ້ຄຳແນະນຳແກ່ບໍລິສັດຕ່າງໆກ່ຽວກັບວິທີການຫລຸດຜ່ອນຄວາມສ່ຽງ
ແລະ ການດຳເນີນທຸລະກິດໃຫ້ມີຄວາມຍືນຍົງ.
ທ່ານນາງ ສຸກສັນ ພົງພິລາ ຫົວໜ້າຝ່າຍສະໜັບສະໜູນອົງກອນ
ແລະ ບໍລິຫານ ໄດ້ກ່າວວ່າ: ການຝຶກອົບຮົມຄັ້ງນີ້ ຈະຊ່ວຍໃຫ້ພະນັກງານວິຊາການ ຂອງບໍລິສັດໄຟຟ້າລາວ
ແລະ ບໍລິສັດຂາຮຸ້ນ ເຂົ້າໃຈກ່ຽວກັບວິທີການກຳນົດຄວາມສ່ຽງໄດ້ດີຂຶ້ນກວ່າເກົ່າ
ແລະ ຮຽນຮູ້ວິທີການນຳໃຊ້ມາດຕະຖານການດຳເນີນງານຂອງອົງການ IFC ເຂົ້າໃນການຈັດຕັ້ງປະຕິບັດວຽກງານທີ່ຖືກມອບໝາຍ
ເຊິ່ງໃນປັດຈຸບັນ ພວກເຮົາກຳລັງວາງ ແຜນສ້າງຕັ້ງທີມງານສິ່ງແວດລ້ອມ
ແລະ ສັງຄົມ ເພື່ອໃຫ້ການສະໜັບສະໜູນໂຄງການກໍ່ສ້າງເຂື່ອນໄຟຟ້າແບບຍືນຍົງ ພ້ອມທັງໃຫ້ການຊ່ວຍເຫລືອຊຸມຊົນທີ່ຢູ່ອ້ອມຂ້າງສະຖານທີ່ໂຄງ
ການຕ່າງໆ.
ອົງການ IFC ແມ່ນສະມາຊິກຂອງກຸ່ມທະນາຄານໂລກ
ໄດ້ໃຫ້ການຊ່ວຍເຫລືອແກ່ ບໍລິສັດຜະລິດໄຟຟ້າລາວ ມະຫາຊົນ ໃນການປັບປຸງວຽກງານຄຸ້ມຄອງສິ່ງແວດລ້ອມ
ແລະ ສັງຄົມ ເພື່ອເຮັດໃຫ້ບໍລິສັດດັ່ງກ່າວສາມາດດຳເນີນງານຢ່າງມີຄວາມຍືນຍົງ.
ສຳລັບ ໃນຂົງເຂດພາກພື້ນແມ່ນ້ຳຂອງ, ອົງການ IFC ໄດ້ໃຫ້ການສະໜັບສະໜູນເຄື່ອງມືແກ່ບໍລິສັດຕ່າງໆ
ເພື່ອຄຸ້ມຄອງຄວາມສ່ຽງດ້ານສິ່ງແວດລ້ອມ ແລະ ສັງຄົມ, ຫລຸດຜ່ອນຜົນກະ ທົບທີ່ຈະປະສົບພົບພໍ້ກັບການ
ພັດທະນາເຂື່ອນໄຟຟ້າພະລັງ ງານນ້ຳຕົກ.
No comments:
Post a Comment