ພຽງ 7 ວັນ ມີອຸປະຕິເຫດເກີດຂຶ້ນ 34 ກໍລະນີ, ມີຜູ້ເສຍຊີວິດ 4 ຄົນ

     ນັບແຕ່ວັນທີ 27 ຕຸລາ- 2 ພະຈິກນີ້, ຢູ່ນະຄອນຫລວງວຽງຈັນ ມີອຸປະຕິເຫດ ຕາມທ້ອງຖະໜົນເກີດຂຶ້ນ 34 ກໍລະນີ ເພີ່ມ ຂຶ້ນ 6 ກໍລະນີ, ທຽບກັບອາທິດ ກ່ອນ ສົ່ງຜົນໃຫ້ມີຜູ້ເສຍຊີວິດ 4 ຄົນ. ເຈົ້າໜ້າທ​ີ່ຈະລາຈອນ​ໃຫ້​ຮູ້​ວ່າ: ອຸປະຕິເຫດສ່ວນ ໃຫຍ່ມັກ ເກີດຂຶ້ນໃນຍາມຄ່ຳຄືນຄື ໃນ ຕອນດຶກຂອງວັນທີ 29 ຕຸລາຜ່ານມາ, ຢູ່ບ້ານຫ້ວຍນ້ຳ​ເຢັນ ເມືອງ​ນາ​ຊາຍ​ທອງ ໄດ້ ເກີດ ເຫດລົດໃຫຍ່ຕຳກັບລົດຈັກ, ສົ່ງ ຜົນເຮັດໃຫ້ຄົນຂັບລົດຈັກເສຍຊີ ວິດຄາທີ່ 1 ຄົນ, ຕົກມາໃນເວລາ ຫົວຄ່ຳ ຂອງວັນ ທີ 30 ຕຸລາ, ຢູ່ບ້ານໂພນມ່ວງ ເມືອງນາຊາຍທອງໄດ້ເກີດເຫດລົດບັນທຸກ ຕຳລົດ ຈັກເຮັດໃຫ້ຜູ້ຂັບຂີ່ລົດຈັກ ເສຍຊີວິດ, ທ່ຽງ ຄືນຂອງວັນທີ 31 ຕຸລາ, ຢູ່ສີ່ແຍກໄຟແດງຕະຫລາດເຊົ້າ, ໄດ້ເກີດເຫດລົດຈັກຕຳ ລົດໃຫຍ່ຢ່າງແຮງສົ່ງຜົນເຮັດໃຫ້ຜູ້ຊ້ອນທ້າຍ ອາຍຸ 19 ປີ ເສຍຊີວິດ ແລະ ເວລາຂ້ອນແຈ້ງ ຂອງວັນທີ 3 ພະຈິກ, ຢູ່ບ້ານວັດ ໄຕ ເມືອງສີໂຄດຕະບອງ, ໄດ້ເກີດເຫດລົດ ໃຫຍ່ຕຳລົດຈັກ, ເຮັດໃຫ້ຜູ້ຂັບຂີ່ລົດຈັກເສຍຊີວິດ.

     ເຈົ້າໜ້າທີ່ຍັງໃຫ້ຮູ້ອີກວ່າ: ສາເຫດສ່ວນໃຫຍ່ຂອງການເກີດອຸປະຕິເຫດແມ່ນມາຈາກຂີ່ລົດ ໄວເກີນຂອບເຂດ ແລະ ຖືເບົາ ຕໍ່ການປະຕິບັດລະບຽບຈະລາ ຈອນ ແລະ ຂັບຂີ່ລົດແບບປະໝາດ.