ຕຳຫລວດຈະລາຈອນ ເພີ່ມກຳລັງຮັກສາຄວາມປອດໄພໃນໂອກາດສະຫລອງບຸນປີໃໝ່ສາກົນ 2015

        ໃນວັນທີ 18 ທັນວານີ້, ກົມ ຕຳຫລວດຈະລາຈອນກະຊວງ ປ້ອງກັນຄວາມ ສະຫງົບ, ໄດ້ຖະ ແຫລງວ່າ: ໃນໄລຍະສະ ຫລອງ ປີໃໝ່ສາກົນ 2015 ທີ່ຈະມາ ເຖິງ ນີ້ເຈົ້າໜ້າທີ່ຂອງຕົນຈະໄດ້ເພີ່ມ ກຳລັງເຂົ້າຮັກສາ ແລະ ຄວບຄຸມລະບຽບການ ຈະລາຈອນໃຫ້ເຂັ້ມງວດກວ່າເກົ່າເພື່ອອຳນວຍ ຄວາມສະດວກໃຫ້ການສັນຈອນ ແລະ ຮັບປະກັນບໍ່ໃຫ້ມີອຸປະເຫດເກີດຂຶ້ນຫລາຍ, ໂດຍສະເພາະຢູ່ນະຄອນ ຫລວງວຽງຈັນ.

     ທ່ານຫົວໜ້າພະແນກຈະລາ ຈອນ ກ່າວວ່າ: ເພື່ອເພີ່ມທະວີ ການປົກປັກຮັກສາຄວາມສະ ຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍ ທາງດ້ານສັງຄົມ, ແນໃສ່ເຮັດ ໃຫ້ການສະເຫລີມສະຫລອງປີ ໃໝ່ສາກົນທີ່ມາເຖິງນີ້, ມີບັນຍາ ກາດເບີກບານມ່ວນຊື່ນຟົດຟື້ນ ແລະ ສະຫງົບປອດໄພໃນທຸກ ດ້ານ, ປຸກລະດົມກຳລັງແຮງສັງ ລວມຂອງມະຫາຊົນເຂົ້າຮ່ວມ

ໃນການປ້ອງກັນເວນຍາມ, ປະ ຈຳການກວດກາລາດຕະເວນຢູ່ຮາກຖານປະຊາຊົນຢ່າງ ແຂງ ແຮງ, ຮັບປະກັນໃຫ້ພື້ນຖານມີ ຄວາມສະຫງົບ, ມີຄວາມເປັນ ລະບຽບຮຽບຮ້ອຍດີ. ແລະ ເຕືອນໃຫ້ທຸກຄົນມີສະຕິລະວັງ ຕົວຕໍ່ກົນອຸບາຍ, ມ້າງເພທຳ ລາຍຂອງ ພວກບໍ່ດີ, ກຳລັງປ້ອງກັນຄວາມສະຫງົບ, ກຳລັງກໍ່ສ້າງຮາກຖານການເມືອງ, ຕ້ອງ ມີການເຄື່ອນໄຫວຢ່າງແຂງແຮງ ສົມທົບກັບ ທຸກພາກສ່ວນເຮັດໜ້າທີ່ປ້ອງກັນທຸກພື້ນທີ່ໃຫ້ຮັບປະກັນພ້ອມເຮັດວຽກງານການເມືອງແນວຄິດໃຫ້ພະ ນັກງານ- ນັກຮົບຂອງຕົນເພື່ອເພີ່ມທະວີຄວາມຮັບຜິດຊອບຕໍ່ໜ້າທີ່ຂອງຕົນພ້ອມນັ້ນກໍຈະເລັ່ງໃສ່ຄວບຄຸມລະບຽບຈະລາຈອນຢ່າງເຂັ້ມງວດເພື່ອ ສະກັດກັ້ນການດື່ມສິ່ງມຶນເມົາແລ້ວຂັບຂີ່, ຂີ່ລົດໄວເກີນກຳນົດ ແລະ ອື່ນໆ.