ຕອນບ່າຍວັນທີ 18 ທັນວານີ້ ເຊິ່ງເປັນມື້ທີ
8 ຂອງວາລະດຳເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ
VII, ບັນດາສະມາຊິກສະ ພາແຫ່ງຊາດ ໄດ້ສຳເລັດການປະກອບຄຳຄິດຄຳເຫັນເຂົ້າໃນການປັບປຸງລັດຖະທຳມະນູນ
ປີ 2003 ພາຍຫລັງຂຸ້ນຂ້ຽວມາເປັນເວລາ 2 ວັນ ດ້ວຍຄວາມຮັບຜິດ ຊອບສູງ.
ການຄົ້ນຄວ້າ ແລະ ປະ ກອບຄຳເຫັນເຂົ້າໃນການປັບປຸງລັດຖະທຳມະນູນສະບັບນີ້,
ທ່ານຮອງປະທານສະພາແຫ່ງຊາດ ໄດ້ສະເໜີໃຫ້ປັບປຸງບາງໝວດ ແລະ ບາງມາດຕາທີ່ສຳຄັນເປັນ
ຕົ້ນການຈັດວາງໝວດ, ມາດຕາ ໂດຍສະເພາະໝວດທີ່ເພີ່ມເຂົ້າໃໝ່, ການກຳນົດກ່ຽວກັບທີ່ຕັ້ງ,
ພາລະບົດບາດສິດ ແລະ ໜ້າທີ່ຂອງໝວດທີ່ປັບປຸງ ແລະ ເພີ່ມເຂົ້າໃໝ່ເຊັ່ນ: ເນື້ອໃນມາດຕາ
17 ກຳນົດວ່າດ້ວຍກຳມະສິດທີ່ດິນ, ເນື້ອໃນມາດຕາ 52 ກຳນົດກ່ຽວກັບທີ່ຕັ້ງຂອງສະພາແຫ່ງຊາດ,
ມາຕາດ 65 ກຳນົດວ່າດ້ວຍປະ ທານປະເທດ, ມາດຕາ 72 ກຳ ນົດວ່າດ້ວຍນາຍົກລັດຖະມົນຕີ, ມາດຕາ
76 ແລະ 77 ກຳນົດ ກ່ຽວກັບທີ່ຕັ້ງພາລະບົດບາດ, ສິດ ແລະ ໜ້າທີ່ຂອງສະພາປະ ຊາຊົນທ້ອງຖິ່ນ,
ມາດຕາ 79 ກຳ ນົດກ່ຽວກັບສິດ ແລະ ໜ້າທີ່ຂອງ ຄະນະປະຈຳສະພາປະຊາຊົນ ທ້ອງຖິ່ນ, ມາດຕາ 86 ກຳນົດ
ວ່າດ້ວຍການປົກຄອງທ້ອງຖິ່ນ, ມາດຕາ 87
ກຳນົດກ່ຽວກັບສິດ ແລະ ໜ້າທີ່ຂອງເຈົ້າແຂວງ, ເຈົ້າ
ຄອງນະຄອນຫລວງ. ສຳລັບ ເນື້ອໃນໝວດສານປະຊາຊົນ ແລະ ອົງການໄອຍະການປະຊາ ຊົນໄດ້ກຳນົດກ່ຽວກັບສານທະ
ຫານ ແລະ ອົງການໄອຍະການ ທະຫານ, ມາດຕາ 106 ກຳນົດ ກ່ຽວກັບສິດ ແລະ ໜ້າທີ່ອົງ ການກວດສອບແຫ່ງລັດ,
ມາດ ຕາ 109 ກຳນົດກ່ຽວກັບສິດ ແລະ ໜ້າທີ່ຄະນະກຳມະການ ເລືອກຕັ້ງລະດັບຊາດ, ມາດຕາ 116 ກຳນົດວ່າດ້ວຍນະຄອນ
ຫລວງຂອງສາ ທາລະນະລັດ ປະຊາທິປະໄຕ ປະຊາຊົນລາວ ເຊິ່ງ ບັນດາມາດຕາ ແລະ ໝວດຕ່າງໆທີ່ໄດ້ບັນຈຸໄວ້ໃນລັດຖະ
ທຳມະນູນສະບັບປັບປຸງນີ້ ບັນດາຜູ້ແທນໄດ້ພ້ອມກັນຄົ້ນຄວ້າປະກອບຄຳເຫັນຢ່າງມີເນື້ອໃນຮັດກຸມເພື່ອເຮັດໃຫ້ລັດຖະທຳ
ມະນູນ ເຊິ່ງແມ່ນກົດ ໝາຍພື້ນຖານຂອງຊາດມີເນື້ອໃນຖືກ ຕ້ອງສອດຄ່ອງກັບສະພາບ ຄວາມເປັນຈິງຂອງປະເທດເຮົາ,
ສອດຄ່ອງກັບເງື່ອນໄຂຂອງ ການເຊື່ອມໂຍງທາງດ້ານເສດ ຖະກິດ-ສັງຄົມເຂົ້າກັບພາກພື້ນ, ສາກົນ
ແລະ ສາມາດນຳໃຊ້ໄດ້ ຢ່າງຍາວນານ.
No comments:
Post a Comment