ທະນາຄານແຫ່ງ ສປປ ລາວ ໄດ້ຈັດຕັ້ງການຝຶກອົບຮົມວຽກງານສື່ມວນຊົນ ໃຫ້ພະນັກງານໃນຂົງເຂດທະ ນາຄານຂອງ ລັດ ໃນທົ່ວປະເທດ ແລະ ໄດ້ສຳເລັດລົງ ໃນວັນທີ
17 ທັນວານີ້ ພາຍຫລັງດຳເນີນມາສາມວັນໂດຍການເຂົ້າຮ່ວມຂອງທ່ານ ຮອງຫົວໜ້າຫ້ອງການທະນາຄານແຫ່ງ
ສປປ ລາວ ແລະ ສຳມະນາກອນເຂົ້າຮ່ວມ ເພື່ອຍົກລະດັບຄວາມອາດສາມາດໃນ ການຂຽນຂ່າວ ແລະ ໂຄສະນາເພື່ອສະໜອງ ໃຫ້ສື່ສິ່ງພິມ, ສື່ເອເລັກໂຕຣນິກຂອງສູນກາງ ແລະ ທ້ອງຖິ່ນ.
ການເຝິກອົບຮົມດັ່ງກ່າວໄດ້ຮັບບົດຮຽນຈາກນັກວິທະຍາກອນຈາກວິທະຍຸກະຈາຍສຽງແຫ່ງຊາດ, ໜັງສືພິມ “ປະຊາ ຊົນ” ແລະ ຈາກກອງວິທະຍຸ-ໂທລະພາບກົມໃຫຍ່ການເມືອງກອງທັບໄດ້ນໍາສະເໜີບົດຮຽນກ່ຽວກັບວຽກງານຂ່າວ ແລະ ການ ດຳ ເນີນລາຍການວິທະຍຸ, ໜັງສືພິມ-ວາລະສານ ແລະ ຕັດຕໍ່-ຖ່າຍ ທຳວີດີໂອ
ແລະ ວິທີການຂຽນຂ່າວ, ການເປັນວິທະຍາ ກອນ- ພິທີກອນ ແລະ ວິທີການຖ່າຍຮູບຕ່າງໆ.
ວຽກງານຂ່າວສານປະຈໍາ ທະນາຄານແຫ່ງ ສປປ ລາວ ໄດ້ ເລີ່ມມີໜໍ່ແໜງຂຶ້ນມາໃນລະຫວ່າງປີ
2008-2009 ໂດຍໄດ້ ຈັດຕັ້ງ ໜ່ວຍງານຂ່າວສານເພື່ອນຳສົ່ງບົດ-ຂ່າວຂອງຂະແໜງ ທະນາຄານໃຫ້ບັນດາໜັງສືພິມ-ວາລະສານ,
ວິທະຍຸ, ໂທລະ ພາບແຫ່ງຊາດ ແລະ ຂອງຂະແໜງການຕ່າງໆ, ຕົ້ນປີ 2011 ໄດ້ກຳ ເນີດລາຍການວິທະຍຸ
“ ທະນາ ຄານແຫ່ງ ສປປ ລາວ ” ເຊິ່ງເປັນລາຍການເປົ້າໝາຍທີ່ອອກອາກາດຢູ່ສະຖານີວິທະຍຸກະຈາຍ
ສຽງກອງທັບປະຊາຊົນລາວ ແລະ ປີຕໍ່ມາກໍໄດ້ສ້າງ ລາຍການ “ ເພື່ອນທະນາຄານ ” ຢູ່ສະຖາ ນີວິທະຍຸກະຈາຍສຽງແຫ່ງຊາດ,
ນອກຈາກນີ້ ຍັງສົ່ງພະນັກງານໜ່ວຍງານຂ່າວ ສານທະນາຄານແຫ່ງ ສປປ ລາວ ເຂົ້າຝຶກ ອົບຮົມຢູ່ກອງວິທະຍຸ-ໂທລະພາບກົມໃຫຍ່ການເມືອງກອງທັບ,
ສະຖານີວິທະ ຍຸແຫ່ງຊາດ, ສະພາແຫ່ງຊາດ ແລະ ຢູ່ສະຫະພັນນັກຮົບເກົ່າແຫ່ງຊາດລາວຂັ້ນສູນກາງອັນໄດ້ເຮັດໃຫ້ວຽກງານສື່ມວນ ຊົນຂອງທະນາຄານແຫ່ງ
ສປປ ລາວ ໄດ້ຮັບການພັດທະນາດ້ວຍບາດກ້າວທີ່ໜັກແໜ້ນກາຍເປັນກະບອກສຽງສຳ ຄັນຂອງທົ່ວລະບົບທະນາຄານ.
No comments:
Post a Comment