ໃນວັນທີ 17 ທັນວານີ້, ສານນະຄອນຫລວງວຽງຈັນ
ຕັດສິນລົງໂທດທ້າວ ກາວ ແມ້ງ ຫາວ ອາຍຸ 25 ປີ ສັນຊາດຫວຽດນາມ ຢູ່ບ້ານລອງເຊິນ ເມືອງແອັງເຊິນ
ແຂວງເງະອານ ມາພັກເຊົາຢູ່ບ້ານນາໄຊ ເມືອງໄຊເສດຖານະ ຄອນຫລວງວຽງຈັນ ໃຫ້ຈຳຄຸກ
3 ປີ 6 ເດືອນ ພ້ອມປັບໄໝເງິນ 2,5 ລ້ານກີບ ໃນຂໍ້ຫາລັກຊັບພົນ ລະເມືອງ.
ທ້າວ ກາວ ແມ້ງ ຫາວ ຮັບສາລະພາບວ່າ: ໄດ້ເຄື່ອນໄຫວລັກຊັບພົນລະເມືອງຕາມສະຖານທີ່ຕ່າງໆມາແລ້ວ
5 ຄັ້ງ ຄືຄັ້ງທີ 1 ລັກຄອມພິວເຕີໂນດບຸກ 1 ໜ່ວຍ ຂອງຄົນຫວຽດນາມຢູ່ບ້ານນາໄຊ,
ຄັ້ງທີ 2 ລັກລົດຈັກຢູ່ໂຮງແຮມລາວປາລີ. ຈາກນັ້ນ ກໍໄປລັກຄອມພິວເຕີໂນດບຸກ
1 ໜ່ວຍ ຢູ່ໂຮງແຮມມານາ, ຄັ້ງທີ 3 ລັກເອົາກະເປົາເຄື່ອງຂອງຄົນ ຫວຽດນາມຢູ່ບ້ານໂພນສີນວນ
ໄດ້ໂທລະ ສັບ 4 ໜ່ວຍ ແລະ ປັດສະປໍ 4 ຫົວ, ຄັ້ງທີ 4 ລັກກະເປົາເຄື່ອງຂອງຄົນຫວຽດນາມຢູ່ບ້ານຝາຍ
ໄດ້ເງິນ 2 ລ້ານກີບ ແລະ ປັດສະປໍ 4 ຫົວ, ຄັ້ງຫລ້າສຸດ ໃນວັນທີ 13 ເມສາ 2014
ໄດ້ລັກເອົາຄອມພິວເຕີໂນດບຸກຢູ່ໂຮງແຮມດວງປະເສີດ ໄດ້ຄອມພິວເຕີ 2 ໜ່ວຍ
ແລະ ເງິນ 600 ຢວນ, ມາຮອດວັນທີ 18 ເມສາ 2014 ຈຶ່ງຖືກເຈົ້າໜ້າທີ່ກັກຕົວໄດ້ຢູ່ບ້ານນາໄຊມາດຳເນີນຄະດີຕາມລະ
ບຽບກົດໝາຍ.
No comments:
Post a Comment