4 ແຂວງຂອງລາວ ແລະ 3 ຈັງຫວັດຂອງໄທຮ່ວມຫາລືການພັດທະນາສາທາລະນະສຸກຊາຍແດນ

     ວັນທີ 18 ທັນວານີ້ອຳນາດ ການປົກຄອງ, ພ້ອມດ້ວຍຜູ້ ຕ່າງໜ້າພະແນກສາ ທາລະນະສຸກຈາກ 4 ແຂວງຂອງ ລາວຄື: ນະຄອນຫຼວງວຽງຈັນ, ແຂວງ ວຽງຈັນ, ບໍລິຄຳໄຊ ແລະ ໄຊຍະ ບູລີ, ໄດ້ເຂົ້າຮ່ວມກອງປະຊຸມປຶກສາຫາລືການພັດທະນາສາ ທາລະນະສຸກຊາຍແດນກັບ 3 ຈັງ ຫວັດຂອງໄທມີ: ຈັງຫວັດໜອງ ຄາຍ, ບຶງການ ແລະ ຈັງຫວັດເລີຍ, ກອງປະຊຸມດັ່ງກ່າວ ຈັດຂຶ້ນຢູ່ໂຮງແຮມບ້ານຊຽງແຂວງ ອຸດອນທານີ, ປະເທດໄທ, ກອງປະຊຸມຄັ້ງນີ້ໄດ້ທັບທວນຄືນບັນດາ ແຜນຍຸດ ທະສາດການຮັບມືກັບເຫດການສຸກເສີນທາງດ້ານ ສາທາລະນະສຸກ ແລະ ບັນຫາ ພະຍາດຕິດຕໍ່ລະຫວ່າງຊາຍແດນທີ່ມີຢູ່ ແລະ ປັບປຸງບາງບັນ ຫາທີ່ມີຂໍ້ຄົງຄ້າງອື່ນໆອີກ, ພ້ອມ ນີ້ກອງປະຊຸມຍັງໄດ້ຫາລືການ ພັດທະນາສາທາລະນະສຸກເຂດຊາຍແດນ ໃຫ້ສາມາດປະຕິບັດ ໜ້າທີ່ໄດ້ຢ່າງມີປະສິດທິຜົນ, ກໍ ຄືການເຝົ້າລະວັງ, ປ້ອງກັນ ແລະ ສະກັດກັ້ນພະຍາດຕ່າງໆຢູ່ຕາມ ຊາຍແດນໄດ້ເປັນຢ່າງດີ.