ເນື່ອງໃນໂອຕ້ອນຮັບປີໃໝ່ສາກົນ 2015 ທ່ານ
ຮອງສາດສະດາຈານ ດຣ ບົວວັນ ແສນສະຖິດ,ອຳນວຍການໂຮງໝໍແມ່ແລະເດັກແດງໄດ້ມອບຂອງຂວັນໃຫ້ແມ່ຜູ້ທີ່ມາເກີດລູກນຳໂຮງໝໍຕົນໃນເວລາ
1:00 ຫາ 9:00 ເຊົ້າຂອງວັນທີ 1 ມັງກອນ
2015 ຈຳນວນ 7 ຄົນແລະພິເສດສຳລັບເດັກເກີດຜູ້ທີ 1 ເຖິງ 3
ແມ່ນຈະບໍ່ໄດ້ເສຍຄ່າບໍລິການໃດໆ,ພ້ອມໄດ້ຮັບຂອງຂວັນຈຳນວນໜຶ່ງຕາມນະໂຍບາຍຂອງໂຮງໝໍແມແລະເດັກທີ່ເຄີຍປະຕິບັດມາທຸກໆປີ.
ທ່ານ ອຳນວຍການກ່າວວ່າ: ສຳລັບນະໂຍບາຍຕໍ່ຜູ້ທີ່ມາເກີດລູກໃນວັນທີ
1 ເດືອນມັງກອນທາງໂຮງໝໍໄດ້ປະຕິບັດມາປີນີ້ເປັນປີທີ່
8 ແລ້ວ,ເພື່ອສະແດງຄວາມຍິນດີກັບເດັກທີ່ເກີດໃນວັນດັ່ງກ່າວແລະທັງເປັນການໃຫ້ກຳລັງໃຈແມ່ເພື່ອລ້ຽງດູລູກໃນຕໍ່ໄປ,ສ່ວນເດັກທີ່ເກີດ
7 ຄົນໃນປີນີ້ແມ່ນເກີດແບບທຳມະຊາດ 5 ຄົນແລະ ຜ່າຕັດ 2 ຄົນ,ແມ່ແລະເດັກທັງໝົດແມ່ນມີຄວາມປອດໄພເປັນຢ່າງດີແລະຜ່ານການປະຕິບັດນະໂຍບາຍດັ່ງ
ກ່າວໃນຜ່ານມາເຫັນວ່າໃຫ້ກຳລັງໃຈຜູ້ເປັນແມ່ໄດ້ດີສົມຄວນມັນສະແດງອອກໃນຈຳນວນແມ່ທີ່ເຂົາມາຝາກທ້ອງທີ່ເພີ່ມຫຼາຍຂື້ນແລະຄວາມໄວ້ເນື້ອເຊື້ອໃຈທີ່ມີຕໍ່ໂຮງໝໍ ແລະ ເພື່ອເປັນການໃຫ້ກຳລັງໃຈແມ່ຜູ້ຖືພາທາງໂຮງໝໍຈະສືບຕໍ່ປະຕະບັດນະໂຍບາຍດັ່ງກ່າວໃນປີຕໍ່ໆໄປ.
No comments:
Post a Comment