ລັດຖະບານມີເປົ້າໝາຍສູ້ຊົນໃຫ້ຂະແໜງລ້ຽງສັດທົ່ວປະເທດຂະ ຫຍາຍຕົວໃນລະດັບ
5% ຕໍ່ປີ,ເພື່ອຮັບປະກັນການສະໜອງຜົນຜະລິດໃຫ້ໄດ້ປະມານ 30% ຂອງຜົນຜະລິດສັດທັງໝົດ,ຂະນະທີ່ການປະເມີນອັດຕາບໍລິໂພກຊີ້ນ-ປາ
ຂອງສັງຄົມຈະຫລາຍກວ່າ 50 ກິໂລຕໍ່ຄົນຕໍ່ປີ.
ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ການລ້ຽງສັດ,ມີບົດບາດສຳຄັນຕໍ່ຊີວິດການເປັນຢູ່ຂອງປະຊາຊົນບັນດາເຜົ່າ
ແລະ ໂຄງປະກອບເສດຖະກິດຂອງຊາດ,ຕາມການສຳຫລວດໃນປີ 2013 ທົ່ວປະເທດມີງົວ
1,7 ລ້ານກວ່າໂຕ,ຄວາຍ 1,1 ລ້ານກວ່າໂຕ,ໝູ 2,9 ລ້ານກວ່າໂຕ ແລະ ສັດປີກປະມານ
30 ລ້ານກວ່າໂຕ,ແຕ່ໃນເວລານັ້ນສະພາບການລ້ຽງແບບເປັນຟາມຍັງບໍ່ທັນມີຄວາມໝັ້ນຄົງ,ເຊິ່ງຈຳນວນຟາມສັດລ້ຽງໄດ້ຫລຸດລົງ,ແຕ່ຈຳນວນສັດລ້ຽງໃນຟາມເພີ່ມຂື້ນ.ແນວໃດກໍດີ,ເພື່ອຕອບສະໜອງຄວາມຕ້ອງການບໍລິໂພກຊີ້ນ-ປາ
ຂອງສັງຄົມເພີ່ມຂື້ນປະມານ 30%,ກະຊວງກະສິກຳ ໄດ້ວາງຄາດໝາຍສູ້ຊົນເຮັດໃຫ້ຝູງສັດຂະຫຍາຍຕົວໃນລະດັບ
5% ຕໍ່ປີ ໂດຍຫັນການລ້ຽງສັດແບບທຳມະຊາດໄປສູ່ການລ້ຽງແບບເປັນຟາມໃຫ້ເພີ່ມ
ຂື້ນ.ປັດຈຸບັນສະເພາະຢູ່ນະຄອນຫລວງວຽງຈັນ,
ຄວາມຕ້ອງການບໍລິໂພກຊີ້ນ- ປາ ແລະ ໄຂ່ ມີປະມານ 55 ພັນໂຕນຕໍ່ປີ,ໃນນັ້ນງົວປະມານ
1.700 ໂຕນ,ຊີ້ນຄວາຍ 850 ໂຕນ, ຊີ້ນແບ້ 120 ໂຕນ, ໝູ 17 ພັນໂຕນ, ສັດປີກ 3.500 ໂຕນ,
ໄຂ່ 10 ພັນກວ່າໂຕນ, ປາ 21 ພັນກວ່າໂຕນ ແລະ ຊີ້ນອື່ນໆ 330 ໂຕນ. ຊຶ່ງຊີ້ນບາງປະເພດຈຳນວນໜຶ່ງຍັງໄດ້ນຳເຂົ້າຈາກຕ່າງແຂວງ
ແລະ ຈາກປະເທດໃກ້ຄຽງຢູ່,ສະນັ້ນການສົ່ງເສີມການລ້ຽງສັດແບບເປັນຟາມຈະສາມາດເຮັດໃຫ້ຂະແໜງລ້ຽງສັດມີການຂະຫຍາຍຕົວແລ້ວຍັງສາມາດ
ຫລຸດຜ່ອນການນຳເຂົ້າສັດຈາກຕ່າງປະເທດນຳດ້ວຍ.ໃນນັ້ນ,ເພີ່ມກຳລັງການຜະລິດລູກໝູຈາກ
11 ມາເປັນ 20 ພັນໂຕ ແລະ ການຜະລິດລູກໄກ່ໄຂຈາກ 10 ມາເປັນ 20 ພັນໂຕຕໍ່ເດືອນໃນໄລຍະສອງປີເພື່ອໃຫ້ສາມາດທົດແທນຝູງໃນລະດັບ
8 ແສນໂຕຕໍ່ປີ, ຄຽງຄູ່ກັນນັ້ນ,ເລັ່ງໃສ່ຜະລິດອາຫານໃຫ້ໄດ້ 138 ພັນໂຕນຕໍ່ປີ,ປັບປຸງໂຮງງານຂ້າສັດໃຫ້ໄດ້ມາດຕະຖານຕາມຫລັກສຸຂະອານາໄມ
ແລະ ທັນສະໄໝ, ຂຶ້ນທະບຽນຟາມລ້ຽງສັດ ເພື່ອໃຫ້ຮັບປະກັນຄຸນນະພາບຊີ້ນສັດ,ເພີ່ມທະວີການກວດສຸຂະພາບ,
ຜະລິດຕະ ພັນ ແລະ ບ່ອນຂາຍສັດໃນທ້ອງຕະຫລາດເພື່ອຄວາມປອດໄພຂອງຜູ້ບໍລິໂພກ
ແລະ ສ້າງສຳພັນເສກດຖະກິດ, ການຄຸ້ມຄອງກັບບັນດາແຂວງເພື່ອສະໜອງຊີ້ນສັດໃຫ້ພຽງພໍກັບຄວາມຕ້ອງການ.ສ່ວນນະໂຍບາຍສົ່ງເສີມໃຫ້ວຽກງານດັ່ງ
ກ່າວຂະຫຍາຍຕົວນັ້ນ ຕົ້ນຕໍແມ່ນສົ່ງເສີມການນຳໃຊ້ທີ່ດິນ ໂດຍສະເພາະການສະຫງວນດິນ
ແລະ ແຫລ່ງນ້ຳສຳລັບສັດລ້ຽງ, ດ້ານແຮງງານແມ່ນໃຫ້ກົດໝາຍແຮງງານກວມເຖິງບັນດາແຮງງານເຮັດວຽກຢູ່ຟາມລ້ຽງສັດ,
ດ້ານການເງິນ-ທະນາຄານ ກໍແມ່ນຫລຸດຜ່ອນອັດຕາດອກເບ້ຍເງິນກູ້ ແລະ ພາສີອາກອນ,
ດ້ານພະລັງງານແນໃສ່ຫລຸດຄ່າໄຟເພື່ອຫລຸດຕົ້ນທຶນການຜະລິດ, ສ່ວນໂຮງງານຂ້າສັດ
ແລະ ການປຸງແຕ່ງແມ່ນແນໃສການສ້າງມູນຄ່າເພີ່ມ ແລະ ພັດ ທະນາຜະລິດຕະພັນໃຫ້ມີຄຸນນະພາບ
ແລະ ໄດ້ມາດຕະຖານສາກົນ, ສຳລັບດ້ານການຄ້າຕ້ອງຮັກສາສະຖຽນລະພາບດ້ານລາຄາແນໃສ່ປົກປ້ອງຜູ້ຜະລິດ
ແລະ ບໍລິໂພກ ແລະ ອື່ນໆ.
No comments:
Post a Comment