ຕາມການລົງຕິດຕາມສະພາບລາຄາສິນຄ້າໃນທ້ອງຕະຫຼາດໃຫຍ່ໃນຕົວເມືອງຂອງນັກຂ່າວໜັງສືພີມລາວພັດທະນາໃນວັນທີ 29 ທັນວາ ຜ່ານມານີ້, ເຫັນວ່າ: ສິນຄ້າປະເພດອຸປະໂພກ-ບໍລິໂພກມີການເໜັງຕີງເລັກໜ້ອຍເຊັ່ນ: ຊີ້ນງົວມີລາຄາລະຫວ່າງ 75 – 78 ພັນກີບຕໍ່ກິໂລ, ຊີ້ນໝູ 35 – 40 ພັນກີບຕໍ່ກິໂລ,
ເປັດ-ໄກ່ 50 - 55 ພັນກີບຕໍ່ກິໂລ,
ປານິນ 18 – 22 ພັນກີບຕໍ່ກິໂລ, ສ່ວນພືດຜັກຕ່າງໆເຊັ່ນ: ຜັກບົ້ງ, ຜັກສະຫຼັດ, ຫອມບົ່ວ, ຫອມປ້ອມ, ໝາກເຜັດ, ໝາກນາວ, ໝາກເລັ່ນ, ໝາກເຂື່ອ ແລະ ຜັກອື່ນໆ ກໍເຫັນວ່າມີລາຄາແພງຂຶ້ນເລັກໜ້ອຍປະມານ 2-3 ພັນກີບຕໍ່ກິໂລ,
ເຊິ່ງການເໜັງຕີງເພີ່ມຂຶ້ນຂອງລາຄາສິນຄ້າດັ່ງກ່າວແມ່ນມີຜົນມາຈາກຄວາມຕ້ອງການໃນຊ່ວງໄລຍະນີ້ມີສູງຈຶ່ງເຮັດໃຫ້ຜູ້ຜະລິດ ແລະ ຜູ້
ຈຳໜ່າຍສ່ວຍໂອກາດຂຶ້ນລາຄາເພື່ອເກງກຳໄລສົ່ງຜົນກະທົບ, ຊາວຄ້າຂາຍຈໍານວນໜຶ່ງບອກກັບນັກຂ່າວພວກເຮົາວ່າ: ເປັນເລື່ອງປົກກະຕິພໍຮອດເທດສະການຕ່າງໆລາຄາສິນຄ້າອຸປະໂພກ-ບໍລິໂພກຈະຖີບໂຕສູງຂຶ້ນເລັກໜ້ອຍຕາມກົນໄກຕະຫຼາດ, ເນື່ອງຈາກມີປະຊາຊົນມາຈັບຈ່າຍຊື້ສິນຄ້າເປັນຈຳນວນຫຼາຍ, ບວກກັບສິນຄ້າບາງປະເພດບໍ່ພຽງພໍກັບຄວາມຕ້ອງການ, ແຕ່ແນວໃດກໍຕາມເຫັນວ່າລາຄາສິນຄ້າໃນທ້ອງຕະຫຼາດຕ່າງໆໃນນະຄອນຫຼວງວຽງຈັນແມ່ນຍັງຢູ່ໃນເກີນປົກກະຕິຕາມການກຳນົດ ແລະ ຄວບຄຸມຂອງພາກລັດ.
No comments:
Post a Comment