ກອງປະຊຸມສະຫຼຸບການຈັດຕັ້ງປະຕິບັດວຽກງານປ່າໄມ້ປະຈຳປີ
2015 ໄດ້ຈັດຂຶ້ນ, ເມື່ອບໍ່ດົນມານີ້, ທີ່ສະຖາບັນຄົ້ນກະສິກຳ ແລະ ປ່າໄມ້ແຫ່ງຊາດ, ນະຄອນຫຼວງວຽງຈັນ, ໂດຍການເປັນປະທານທ່ານ ດຣ
ເພັດ ພົມພີພັກ ລັດຖະມົນຕີວ່າການກະຊວງກະສິກຳ ແລະ ປ່າໄມ້, ມີບັນດາຫົວໜ້າກົມ,
ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງ ແລະ ແຂວງໃນທົ່ວປະເທດເຂົ້າຮ່ວມເປັນຈຳນວນຫຼາຍ.
ທ່ານຫົວໜ້າກົມປ່າໄມ້ລາຍງານຕໍ່ທີ່ປະຊຸມວ່າ: ກອງປະຊຸມຄັ້ງນີ້ຈັດຂຶ້ນເພື່ອສະຫຼຸບຜົນການຈັດຕັ້ງປະຕິບັດວຽກງານຄຸ້ມຄອງປ່າໄມ້, ການກວດກາປ່າໄມ້, ການປະເມີນຜົນເນື້ນທີ່ປົກຫຸ້ມຂອງປ່າໄມ້ປີ 2015, ພ້ອມທັງຕີລາຄາການຈັດຕັ້ງປະຕິບັດສະບັບເລກທີ 31 / ນຍ
ແລະ ເພື່ອເຮັດໃຫ້ວຽກງານການຄຸ້ມ
ຄອງປ່າໄມ້ມີປະສິດທິພາບຍິ່ງຂຶ້ນ, ໂດຍສະເພາະແມ່ນການຄຸ້ມຄອງປ່າຜະລິດ ແລະ ປ່າໄມ້ຂັ້ນບ້ານ, ຊຶ່ງນອນຢູ່ໃນຄວາມຮັບຜິດຊອບຂອງກົມປ່າໄມ້, ຕາມພາລະບົດບາດ, ຂອບເຂດສິດ ແລະ ໜ້າທີ, ທັງເປັນການຜັນຂະຫຍາຍນະໂຍບາຍລວມຂອງພັກ ແລະ ລະບຽບກົດໝາຍຂອງລັດ,ຍຸດທະສາດປ່າໄມ້ຮອດປີ 2020, ຊຶ່ງກົດມປ່າໄມ້ໄດ້ກຳນົດ 6 ແຜນງານຫຼັກເຂົ້າໃນການຄຸ້ມຄອງປ່າໄມ້ຄື: (1) ແຜນງານຈັດສັນ ແລະ ຄຸ້ມຄອງປ່າຜະລິດແບບຍືນຍົງ, (2) ແຜນງານການຟື້ນຟູປ່າເຊື່ອມໂຊມ, (3) ແຜນງານສຳຫຼວດ ແລະ ປະເມີນຊັບພະຍາກອນປ່າໄມ້,(4)ແຜນງານພັດທະນາປ່າໄມ້ບ້ານ ແລະ ເຂດພັດທະນາສະເພາະ,(5) ແຜນງານພັດທະນາຄຸນຄ່າບໍລິການຂອງລະບົບນິເວດ ເລະ (6) ແຜນກງານສະໜັບສະໜູນ ແລະ ສ້າງຄວາມເຂັ້ມແຂງຂອງຂະແໜງປ່າໄມ້, ໂດຍຜ່ານການຈັດຕັ້ງປະຕິບັດໃນໄລຍະໜຶ່ງປີຜ່ານມາມີຄືແນວໃດ, ເພື່ອພ້ອມກັນຕີລາຄາຖອດຖອນບົດຮຽນຈຸດດີ,
ຈຸດອ່ອນ ແລະ ຜັນຂະຫຍາຍຜົນສຳເລັດຕ່າງໆໃນຕໍ່ໆໄປ.
No comments:
Post a Comment