ງານຕະຫລາດນັດຊື້-ຂາຍສິນຄ້າໃນບຸນປະເພນີນະມັດສະການວັດພະບາດໂພນສັນ
ປະຈຳປີ 2015 ໄດ້ໄຂຂຶ້ນໃນວັນທີ 1 ມັງກອນ 2015 ນີ້ ທີ່ເດີ່ນພະທາດວັດພະບາດໂພນສັນ
ເມືອງທ່າພະບາດ ແຂວງບໍລິຄຳໄຊ ໂດຍມີທ່ານ ປ້ານ ນ້ອຍມະນີ ເຈົ້າແຂວງບໍລິຄຳໄຊ
ລັ່ນຄ້ອງ 9 ບາດ ເປີດງານຢ່າງເປັນທາງການ ແລະ ມີພໍ່ແມ່ປະຊາຊົນເຂົ້າຮ່ວມເປັນຈຳນວນຫລວງຫລາຍ.
ທ່ານ
ໄກສອນ ຈັນສີນາ ຫົວໜ້າຫ້ອງການອຸດສາຫະກຳ ແລະ ການຄ້າເມືອງທ່າພະບາດ ຜູ້ຮັບຜິດຊອບງານຕະຫລາດນັດຂາຍສິນຄ້າ
ໄດ້ລາຍງານວ່າ: ການວາງຂາຍສິນຄ້າໃນບຸນພະທາດພະບາດໂພນສັນປີນີ້ມີຮ້ານເຂົ້າຮ່ວມທັງໝົດ
322 ຮ້ານ ໃນນີ້ມີກຸ່ມການຜະລິດ, ໂຮງງານຢູ່ໃນເມືອງ, ຕ່າງແຂວງຈຳນວນ 72 ຮ້ານ,
ຮ້ານຂາຍອາຫານເຄື່ອງດື່ມທົ່ວໄປ 30 ຮ້ານ, ຂາຍສິນຄ້າທົ່ວໄປ 100 ຮ້ານ, ຮ້ານດົນຕີ,
ເຄື່ອງຫລິ້ນຕ່າງໆ 20
ຫົວໜ່ວຍ ໂດຍສະເລ່ຍມູນຄ່າທົ່ວໄປຂອງການຊື້-ຂາຍໃນແຕ່ລະວັນປະມານ
600 ລ້ານກີບ. ງານດັ່ງກ່າວແມ່ນມີຄວາມສຳຄັນຍິ່ງ ໂດຍສະເພາະໄດ້ສະແດງໃຫ້ເຫັນເຖິງການຮັກສາຮີດຄອງປະເພນີອັນດີງາມຂອງຊາດ
ແລະ ສະແດງເຖິງຄວາມສາມັກຄີຮັກແພງຂອງພໍ່ແມ່ປະຊາຊົນພາຍໃນເມືອງທ່າພະບາດ.
ພ້ອມນີ້ກໍຍັງໄດ້ສະແດງໃຫ້ເຫັນຜົນງານໃນການຊີ້ນຳ-ນຳ ພາຂອງຄະນະອຳນາດການປົກຄອງໃນແຕ່ລະຂັ້ນທີ່ຍາມໃດກໍເປັນຫ່ວງເປັນໄຍຕໍ່ການພັດທະນາເສດຖະກິດ-ສັງຄົມ
ກໍຄືການພັດທະນາຄຸນນະພາບຊີວິດຂອງພໍ່ແມ່ປະຊາຊົນໃຫ້ດີຂຶ້ນເທື່ອລະກ້າວ.
ການວາງສະແດງສິນຄ້າໃນຄັ້ງນີ້ ແມ່ນເປັນເວລາ
4 ມື້ 4 ຄືນ. ພິເສດໃນງານດັ່ງກ່າວໃນແຕ່ລະຄ່ຳຄືນກໍຍັງໄດ້ມີການປະກວດສິລະປະ
ແລະ ຄົບງັນມ່ວນຊື່ນຕະຫລອດງານ.
No comments:
Post a Comment