ທ່ານ ຄຳໂກ້ ຈັນທະວົງ ຫົວໜ້າຫ້ອງການບໍລິຫານແຜນການ
ແລະ ການເງິນ ພະແນກ ຍຸຕິທຳແຂວງ ສະ ຫວັນນະເຂດໄດ້ໃຫ້ຮູ້ໃນກອງປະຊຸມສະຫລຸບວຽກງານຍຸຕິທຳຂອງແຂວງ
ເມື່ອວັນທີ 30 ທັນວາ 2014 ວ່າ: ໃນສົກປີ 2013-2014 ຜ່ານມາັ ພະແນກຍຸຕິທຳແຂວງໄດ້ເອົາໃຈໃສ່ໃນການເຄື່ອນໄຫວວຽກງານທີ່ໄດ້ຮັບຜິດຊອບເປັນຢ່າງດີ
ແລະ ມີຜົນສຳເລັດເປັນຕົ້ນ ໄດ້ເຜີຍແຜ່ມາດຖານເງື່ອນໄຂ, ວິທີການສ້າງຄອບຄົວ
ແລະ ບ້ານປອດຄະດີທັງໝົດ 44 ພັນກ່ວາຄົນ, ສ້າງບ້ານປອດຄະດີ 113 ບ້ານ, ປະກາດຄອບຄົວປອດຄະດີໄດ້ເກືອບ
22 ພັນຄອບຄົວ, ເອົາໃຈໃສ່ຊຸກຍູ້ ແລະ ຕິດຕາມສະພາບການເຄື່ອນໄຫວຂອງສະພາທະນາຍຄວາມເຂດຢ່າງເປັນປົກກະຕິ,
ຮັບວ່າຄວາມ 39 ເລື່ອງ, ຄະ ດີອາຍາເດັກ 18 ເລື່ອງ ໃນນີ້ວ່າຄວາມສຳເລັດ 36 ເລື່ອງ, ດ້ານວຽກຈັດຕັ້ງປະຕິບັດຄຳຕັດສິນຂອງສານ,
ປັດຈຸບັນມີຈຳນວນຄຳຕັດສິນຂອງສານລວມທັງໝົດ 659 ເລື່ອງ ໃນຄະດີແພ່ງ 165 ເລື່ອງ,
ອາຍາ 494 ເລື່ອງ, ເປັນຄຳຕັດສິນເຂົ້າໃໝ່ຈຳນວນ 303 ເລື່ອງ ແລະ ຄະດີຄ້າມ້າ 356 ເລື່ອງ,
ເຊິ່ງສາມາດປະຕິບັດໄດ້ສຳເລັດ 50 ເລື່ອງ, ສົ່ງໃຫ້ເມືອງປະຕິບັດແທນ 156 ເລື່ອງ,
ສົ່ງໃຫ້ຕ່າງແຂວງປະຕິບັດແທນ 11 ເລືອງ, ສົ່ງຄືນໃຫ້ສານປະຊາຊົນແຂວງສະຫວັນນະເຂດ
5 ເລື່ອງ ແລະ ພວມຈັດຕັ້ງປະຕິບັດ 313 ເລື່ອງ.
No comments:
Post a Comment