ແຂວງວຽງຈັນໄດ້ອະນຸມັດໃຫ ບໍລິສັດ ທອງຄູນ
ຊັບ ບໍລິການຄຸດຄົ້ນບໍ່ແຮ່ທາດ ຈຳກັດຜູ້ດຽວ, ດຳເນີນການສຶກສາ, ສຳຫຼວດຄວາມເປັນໄປໄດ້ເພື່ອສ້າງເຂື່ອນໄຟຟ້ານຳຕົກຂະໜາດ
ນ້ອຍ ( 15 MV ລົງມາ) ທີ່ນ້ຳເຟືອງເຂດເໜືອ ບ້ານຖ້ຳເຖີບ ເມືອງກາສີ ແຂວງວຽງຈັນ,
ເຊິ່ງພິທີລົງນາມບົດບັນທຶກຄວາມເຂົ້າໃຈ (MOU) ກ່ຽວກັບການສຳຫຼວດດັ່ງກ່າວ, ລະຫວ່າງ
ທ່ານ ອຸດົງ ພົງໄພປະດິດ ຫົວໜ້າພະແນກແຜນການ ແລະ ການລົງທືນແຂວງວຽງຈັນ ແລະ ທ່ານ
ທອງຄູນ ພິມມະສອນ ປະທານບໍລິສັດ ທອງຄູນ ຊັບ ບໍລິການຄຸດຄົ້ນແຮ່ທາດຈຳກັດຜູ້ດຽວ,
ໃນວັນທີ 30 ທັນວາ 2014. ທ່ານ ທອງຄູນ ໃຫ້ຮູ້ວ່າ:
ການສຳຫຼວດຈະເລີ່ມຂຶ້ນໃນທ້າຍເດືອນ ມັງກອນ ນີ້, ເພື່ອເກັບກຳຂໍ້ມູນລະອຽດ,
ອອກແບບ ແລະ ເພື່ອເກັບກຳຂໍ້ມູນຜົນກະທົບຕ່າງໆທີ່ຈະຕາມມາ ເຊິ່ງຈະໃຫ້ສຳເລັດພາຍໃນ
18 ເດືອນ. ພິທີເຂົ້າຮ່ວມເປັນສັກຂີພະຍານໃນນີ້ມີທ່ານ ນາງ ສິງຄຳ ຄົງສະຫວັນ
ຮອງເຈົ້າແຂວງໆວຽງຈັນ.
No comments:
Post a Comment