ອະນຸກຳມະການໂຄສະນາ-ຂະບວນການຈັດກອງປະຊຸມເຜີຍແຜ່ວຽກງານໂຄ ສະນາ-ຂະບວນການກະກຽມໃຫ້ແກ່ກອງປະຊຸມໃຫຍ່ຄັ້ງທີ
X ຂອງພັກ ໃຫ້ບັນດາຄະນະພັກ 3 ແຂວງພາກກາງຄື: ແຂວງບໍລິຄຳໄຊ, ແຂວງຄຳມ່ວນ ແລະ
ແຂວງສະຫວັນນະເຂດ ໃນວັນທີ 30 ທັນວານີ້, ທີ່ແຂວງຄຳມ່ວນ ພາຍໃຕ້ການເປັນປະທານຂອງທ່ານນາງ
ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ຫົວໜ້າອະນຸກຳມະ
ການໂຄສະນາ-ຂະບວນການ,ມີທ່ານ ສຈ.ດຣ ບໍ່ແສງຄຳ ວົງດາລາ ກຳມະການສູນກາງພັກ, ລັດຖະມົນຕີວ່າການກະຊວງຖະແຫລງຂ່າວ,
ວັດທະນະທໍາ ແລະ ທ່ອງທ່ຽວ, ທ່ານ ສຈ. ດຣ ພັນດວງຈິດ ວົງສາ ກຳມະການສູນກາງພັກ, ປະທານແນວລາວສ້າງຊາດ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານຫົວໜ້າອະນຸກຳມະການໂຄສະນາ-ຂະບວນການ ກ່າວວ່າ:
ທົ່ວພັກ- ທົ່ວລັດ ແລະ ທົ່ວປວງຊົນລາວທັງຊາດພວມສຸມໃສ່ຈັດຕັ້ງປະຕິບັດກໍຄືການຮັບປະກັນການສ້າງຄວາມເປັນເອກະພາບສູງຕໍ່ບັນດາທິດຊີ້ນ
ຳຂອງອົງ ຄະນະພັກແຕ່ລະ ຂັ້ນນຳໄປຈັດຕັ້ງຜັນຂະຫຍາຍເຂົ້າໃສ່ຂົງເຂດວຽກງານທີ່ຕົນຮັບຜິດຊອບໃຫ້ໄດ້ຮັບຜົນສຳເລັດ
ແລະ ເປັນຂະບວນຟົດຟື້ນ
ໂດຍຕິດພັນກັບການຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກ ກໍຄືແຜນພັດ
ທະນາເສດຖະກິດ - ສັງຄົມ 5 ປີ ຄັ້ງທີ VII ຂະບວນການ 3 ສ້າງ, ຂະບວນການຮັກຊາດ ແລະ ພັດທະນາ,
ການປັບປຸງຄວາມສາມາດໃນການນຳພາ ຂອງພັກ,ການສ້າງຜົນງານຄຳນັບຮັບຕ້ອນກອງປະຊຸມໃຫຍ່ຄັ້ງທີ X
ຂອງພັກ ແລະ 2 ວັນປະຫວັດສາດຂອງຊາດ, ໃຫ້ໄດ້ຮັບການຈັດຕັ້ງປະຕິບັດ ແລະ ຜັນຂະຫຍາຍຢ່າງກ້ວາງຂວາງໃນທົ່ວສັງຄົມ.ເຊິ່ງກອງ
ປະຊຸມຈະໄດ້ຮັບຟັງການເຜີຍແຜ່ເນື້ອໃນສຳຄັນເປັນຕົ້ນ: ມະຕິຂອງກົມການເມືອງສູນກາງພັກເລກທີ
06/ກມສພ ວ່າດ້ວຍການແຕ່ງຕັ້ງອະນຸກຳມະການຕ່າງໆ ແລະ ມະຕິ 07/ກມສພ ວ່າດ້ວຍການກະກຽມ
ແລະ ດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກ, ຄຳແນະນຳ ແລະ
ທິດທາງແຜນ ການວຽກງານຂອງອະນຸກຳມະການໂຄສະນາ-ຂະບວນການກະກຽມກອງປະຊຸມໃຫຍ່ຄັ້ງທີ
X ຂອງພັກ ແລະ ເນື້ອໃນວຽກງານຂອງໜ່ວຍງານໂຄສະນາ ແລະ ໜ່ວຍງານຂະບວນການຂອງອະນຸກຳມະການໂຄສະ ນາ-ຂະບວນການກະກຽມກອງປະຊຸມໃຫຍ່ຄັ້ງທີ
X ຂອງພັກ. ພ້ອມນີ້ທ່ານຍັງໄດ້ຊີ້ນຳໃຫ້ ຄະນະພັກ-ຄະນະນຳຂອງ ແຂວງແຕ່ງຕັ້ງຄະນະຮັບຜິດຊອບຊີ້ນຳວຽກງານດັ່ງກ່າວ
ແລະ ສ້າງແຜນການເຄື່ອນໄຫວວຽກງານຂອງຄະນະ ໂດຍຕິດພັນກັບພາລະບົດບາດຂອບເຂດສິດໜ້າທີ່ກໍຄືຄວາມຮັບຜິດຊອບໜ້າທີ່ຂອງຕົນໄດ້ດຳເນີນວຽກງານໂຄສະ
ນາອົບຮົມການເມືອງນຳພາແນວຄິດຕິດພັນກັບການປຸກລະດົມຊຸກຍູ້ຂະບວນການແຂ່ງຂັນຮັກຊາດ ແລະ ພັດທະ
ນາໃນນັ້ນຊຸກຍູ້ວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ແທດເຖິງ ແລະ ກາຍເປັນສະຕິຄວາມຮັບຜິດ
ຊອບຂອງພົນລະເມືອງທຸກຄົນ, ສືບຕໍ່ແກ້ໄຂປະກົດການຫຍໍ້ທໍ້ໃນກົງຈັກລັດ ແລະ ສັງຄົມໃຫ້ຫລຸດລົງເທື່ອລະ
ກ້າວ.
ທ່ານຫົວໜ້າອະນຸກຳມະການ ກ່າວວ່າ: ເພື່ອສືບຕໍ່ຊຸກຍູ້ຂະບວນການຈັດຕັ້ງປະຕິບັດມະຕິ
3 ສ້າງ ແລະ ມະຕິຕ່າງໆຂອງພັກວາງອອກໃຫ້ເປັນຂະບວນຟົດຟື້ນເຮັດໃຫ້ຂະບວນການດັ່ງກ່າວ
ກາຍເປັນວັນບຸນໃຫຍ່ຂອງທົ່ວສັງ ຄົມຕ້ອງຮັບປະ ກັນຄວາມສະຫງົບຄວາມເປັນລະບຽບຮຽບຮ້ອຍໃນສັງຄົມໃຫ້ໜັກແໜ້ນ,
ສຸມໃສ່ຊີ້ນຳຈັດຕັ້ງປະ ຕິບັດບັນດາຄາດໝາຍ ແລະ ທິດທາງໃນມະຕິກອງປະຊຸມ ໃຫຍ່ຄັ້ງທີ IX ຂອງພັກໃຫ້ໄປຕາມແຜນການ
ຫລື ລື່ນຄາດໝາຍໂດຍໃຫ້ເອົາໃຈ ໃສ່ຮັບປະກັບສະຖຽນລະພາບທາງດ້ານເສດຖະກິດມະຫາພາກ, ຍູ້ແຮງການພັດທະນາຊົນນະບົດຕິດພັນກັບການບັນ ລຸເປົ້າໝາຍສະຫັດສະວັດດ້ານການພັດທະນາ-ສັງຄົມ. ຄຽງຄູ່ກັນນີ້ກໍຕ້ອງເອົາໃຈ
ໃສ່ໂຄສະນາເຜີຍແຜ່ຕົ້ນກຳເນີດ, ປະຫວັດຄວາມເປັນມາ, ມູນເຊື້ອແຫ່ງການຊີ້ນຳພາຂອງພັກ, ມູນເຊື້ອຂອງກ
ຳລັງປ້ອງກັນຊາດ-ປ້ອງກັນຄວາມສະຫງົບ ແລະ ປະຊາຊົນລາວບັນດາເຜົ່າໃນພາລະກິດຕໍ່ສູ້ປົດປ່ອຍຊາດໃນ
ເມື່ອກ່ອນກໍຄືພາລະກິດປົກປັກຮັກສາ ແລະ ສ້າງສາພັດ ທະນາປະເທດຊາດໃນປັດຈຸບັນ.
No comments:
Post a Comment