ອົງການໄອຍະການປະຊາຊົນສູງສຸດ,
ໄດ້ຈັດພິທີສະເຫລີມສະຫລອງວັນສ້າງຕັ້ງຄົບຮອບ 25 ປີ (9 ມັງກອນ 1990-9 ມັງກອນ
2015) ຂຶ້ນໃນວັນທີ 8 ມັງກອນນີ້, ຢູ່ໂຮງແຮມດອນຈັນພາເລດ, ນະຄອນຫລວງວຽງຈັນ
ໂດຍການ ເຂົ້າຮ່ວມຂອງທ່ານ ດຣ.ບຸນປອນ ບຸດຕະນະວົງ ຮອງນາຍົກລັດຖະມົນຕີ, ທ່ານ ສົມພັນ
ແພງຄຳມີ ຮອງປະທານສະພາແຫ່ງຊາດ, ມີບັນດາລັດຖະມົນ ຕີ,ພ້ອມດ້ວຍພະນັກງານກ່ຽວຂ້ອງເຂົ້າຮ່ວມເປັນຈຳນວນຫລາຍ.
ທ່ານຫົວໜ້າອົງການໄອຍະການປະຊາຊົນສູງສຸດ ຄຳສານ
ສຸວົງ ໄດ້ກ່າວວ່າ: ຕະຫລອດໄລຍະ 25 ປີຜ່ານມາ, ອົງການໄອຍະການປະຊາຊົນໄດ້ມີການປັບປ່ຽນໄປຕາມຄວາມຮຽກຮ້ອງຕ້ອງການໜ້າທີ່ການເມືອງຂອງພັກ
ແລະ ລັດໃນແຕ່ລະໄລຍະ, ມີການຕິດຕາມກວດກາການເຄົາລົບ, ປະຕິບັດກົດໝາຍ ແລະ ສັ່ງຟ້ອງຄະດີ,
ອົງການໄອຍະການປະຊາຊົນແຕ່ລະຂັ້ນໄດ້ເອົາໃຈໃສ່ຍົກສູງຄຸນນະພາບການຄົ້ນຄວ້າ
ແລະ ພິຈາລະນາຄະດີເປັນໜ້າທີ່ສຳຄັນຕົ້ນຕໍ ໂດຍເຄົາລົບຫລັກການຮອບດ້ານ, ຄົບຖ້ວນ,
ພາວະວິໄສ ແລະ ຢຶດໝັ້ນ 4 ຮັບປະກັນຄື:
ຮັບປະກັນຄວາມຖືກຕ້ອງ, ຍຸຕິທຳ, ໂປ່ງໄສ
ແລະ ທັນເວລາ.ສະເພາະໃນສົກປີ 2013-2014 ຄະດີອາຍາຂັ້ນຕົ້ນໃນທົ່ວປະເທດ ລວມມີ
6.325 ເລື່ອງ, ໃນນັ້ນແກ້ໄຂໄດ້ 5.972 ເລື່ອງ, ຄະດີແພ່ງຂັ້ນຕົ້ນມີ 253 ເລື່ອງ,
ແກ້ໄຂໄດ້ 244 ເລື່ອງ, ຄະດີອາຍາຂັ້ນອຸທອນໃນທົ່ວປະເທດໃນສົກປີ 2013-2014 ມີ
380 ເລື່ອງ,ໃນນັ້ນແກ້ໄຂໄດ້ 378 ເລື່ອງ, ຄະດີແພ່ງຂັ້ນອຸທອນ ໃນສົກປີ
2013-2014 ມີ 634 ເລື່ອງ, ແກ້ໄຂໄດ້ 592 ເລື່ອງ ແລະ ຄະດີອາຍາຂັ້ນລົບລ້າງໃນທົ່ວປະເທດໃນສົກປີ
2013-2014 ມີ 121 ເລື່ອງ,ສາມາດແກ້ໄຂໄດ້ 102 ເລື່ອງ, ຄະດີແພ່ງຂັ້ນລົບລ້າງປີ
2013-2014 ມີ 306 ເລື່ອງ,ແກ້ໄຂໄດ້ 299 ເລື່ອງ,ຄະດີແພ່ງຂັ້ນຮື້ຟື້ນໃນທົ່ວປະເທດສົກປີ
2013-2014 ມີ 115 ເລື່ອງ, ແກ້ໄຂໄດ້ 38 ເລື່ອງ,ພ້ອມກັນນັ້ນ,ກໍໄດ້ສ້າງນິຕິກຳລຸ່ມກົດໝາຍຫລາຍສະບັບ
ເພື່ອເປັນບ່ອນອີງ ແລະ ເປັນເອກະພາບໃນການປະຕິບັດພາລະບົດບາດ, ສິດ ແລະ ໜ້າທີ່ຂອງອົງການໄອຍະການປະຊາຊົນແຕ່ລະຂັ້ນໃຫ້ຖືກຕ້ອງສອດຄ່ອງ
ແລະ ມີປະສິດທິພາບສູງຂຶ້ນເປັນກ້າວໆ. 
No comments:
Post a Comment