ພາຍຫຼັງທີ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ
VII ໄດ້ສຳເລັດແລ້ວກໍຕາມ, ແຕ່ຍັງມີປະຊາຊົນ ບ້ານ ສີບຸນເຮືອງ ເມືອງຈັນທະບູລີ
ນະຄອນຫຼວງວຽງ ຈັນ ສະເໜີກ່ຽວກັບວຽກຈົດກ່າຍເລກກົງເຕີ້ໄຟຟ້າຂອງພະນັກງານບໍລິສັດໄຟຟ້າ
ຜ່ານມາເຫັນວ່າບໍ່ມາຈົດກ່າຍເລກກົງເຕີ້ ມີແຕ່ຄາດຂະເນເອົາບາງເດືອນເຮັດໃຫ້ໂຕເລກເພີ່ມຂຶ້ນຫຼາຍບໍ່ຖືກຕາມຄວາມຈິງ,
ດັ່ງນັ້ນຈິງສະເໜີໃຫ້ພາກສ່ວນກ່ຽວຂ້ອງພິຈາລະນາແກ້ໄຂ.
ຕໍ່ກັບບັນຫາດັ່ງກ່າວນີ້, ທ່ານ ວົງສາ ນັນທະວົງ ຮອງຝ່າຍປະຕິບັດໄຟຟ້ານະຄອນ
ຫຼວງໄດ້ໃຫ້ຄວາມກະຈ່າງແຈ້ງໃນ ວັນທີ 16 ມັງກອນ ຢູ່ສະພາແຫ່ງຊາດວ່າ: ໃນປັດຈຸບັນ
ຂອບເຂດຮັບຜິດຊອບຂອງພວກເຮົາແມ່ນມີ 9 ຕົວເມືອງ ພາຍໃນນະຄອນຫຼວງວຽງຈັນ ແລະ ມີຈຳນວນໝໍ້ນັບໄຟເຖິງ
2 ແສນກ່ວາໜ່ວຍ, ສະນັ້ນແລ້ວການຈົດກ່າຍເອົາໂຕເລກອາດມີການພິດພາດ ອາດເປັນຍ້ອນວ່າພະນັກງານຂອງພວກເຮົາມີໜ້ອຍກ່ວາຈຳນວນໝໍ້ນັບໄຟ
ແລະ ຊິໃຫ້ມີພະນັກງານ 2 ແສນຄົນເທົ່າກັບຈຳນວນໝໍ້ນັບໄຟກໍເປັນໄປບໍ່ໄດ້, ສະນັ້ນ
ຈຶ່ງຈຳເປັນຕ້ອງໄດ້ໃຫ້ພະນັກງານເຮັດເປັນຈຳນວນຮອບວຽນກັນໄປຈົດ. ອີກ
ຢ່າງໜຶ່ງການໄປຈົດເລກກົງເຕີ້ບາງເຮືອນບໍ່ໄດ້ຢູ່ເຮືອນ
ແລະ ໄດ້ໃສ່ກະແຈຮົ້ວໄວ້ເຮັດໃຫ້ເຂົ້າໄປບໍ່ໄດ້ກໍເປັນອຸສັກຢ່າງໜຶ່ງໃນການເຮັດວຽກ
ແລະ ທີ່ບອກວ່າບໍ່ໄປຈົດເລກກົງເຕີ້ນັ້ນຂໍໃຫ້ປະຊາຊົນຊີ້ແຈງລະອຽດຕື່ມອີກວ່າເກີດຂຶ້ນຢູ່ໃສແທ້
ເພື່ອທີ່ຈະໄດ້ຊອກຫາວິທີການແກ້ໄຂໃຫ້ໄດ້. ມາປັດຈຸບັນນີ້ ພວກເຮົາເຊື່ອວ່າການຈົດເລກກົງເຕີ້ທີ່ບໍ່ຖືກນັ້ນຈະເກີດຂຶ້ນເປັນສ່ວນໜ້ອຍທີ່ສຸດ
ແລະ ອາດຈະບໍ່ເກີດຂຶ້ນອີກໃນອານາຄົດ, ເພາະໄດ້ມີມາດຕະການຝຶກອົບຮົມໃຫ້ພະນັກງານ
ຫຼາຍຂຶ້ນ ແລະ ພວກເຮົາຈະພັດທະນາຮູບແບບໝໍ້ນັບໄຟແບບ ລໍ້ໝູນທີ່ມີ ຄວາມທ່ຽງຕົງທີ່ດີຂຶ້ນ
ກວ່າເກົ່າ ແຕ່ຖ້າມີຄວາມຜິດດ່ຽງກໍຈະບໍ່ກາຍ 3 ມື້ ແລະ ໃນເມື່ອກ່ອນອາດຈະເຄີຍມີຢູ່
ແລະ ຂໍໂທດນຳ ທີ່ເຄີຍມີບັນຫາດັ່ງກ່າວນັ້ນ.
No comments:
Post a Comment