ລາວ-ຫວຽດນາມສືບຕໍ່ຍົກລະດັບຄຸນນະພາບສະຖາບັນການທະນາຄານ

        ສະຖາບັນການທະນາຄານ ທະນາຄານ​ແຫ່ງ ສປປ ລາວຮ່ວມ ກັບສະຖາບັນການທະນາຄານ ທະນາຄານ​ແຫ່ງລັດ ສສ ຫວຽດນາມ ໄດ້ຈັດຕັ້ງກອງປະຊູມແລກປ່ຽນບົດຮຽນກ່ຽວກັບການປັບປຸງຍົກລະ ດັບຄຸນນະພາບຂອງການຮຽນ-ການສອນ ແລະ ການຄົ້ນຄ້ວາວິໃຈ ເຊິ່ງໄດ້ຈັດຂື້ນໃນວັນທີ 12 ມັງກອນ 2015 ທີ່ສະຖາບັນການທະນາ ຄານ ນະຄອນຫຼວງວຽງຈັນ ໂດຍການພົບປະກັນລະຫວ່າງສອງ ຫົວໜ້າສະຖາບັນການທະນາຄານລາວ ແລະ ຫວຽດນາມເຊິ່ງ ຝ່າຍລາວນຳໂດຍ ທ່ານນາງ​ ດວງດີ ພິມວົງສາ ຫົວໜ້າສະຖາບັນການທະນາຄານ ພ້ອມຄະນະ ແລະ ຝ່າຍຫວຽດນາມນຳໂດຍທ່ານ ໂຕ ງັອກ ຮຶງ ຫົວໜ້າສະຖາບັນການທະນາຄານ ພ້ອມຄະນະ, ພ້ອມນີ້ ກໍມີບັນດາຜູ້ຕາງໜ້າທະນາຄານລັດໃນຂັ້ນສູນກາງ, ບັນດາພະ ນັກງານ ແລະ ຜູ້ບໍລິຫານລະ ດັບສູງຈາກກະຊວງສຶກສາທິການ ແລະ ກິລາ, ມະຫາວິທະຍາໄລແຫ່ງຊາດ, ວິທະຍາໄລເຕັກ ນິກປາກປ່າ ສັກ, ວິທະຍາໄລກົດໝາຍ, ສະຖາບັນເສດຖະກິດການເງິນ ແລະ ບັນດາຄູ-ອາຈານຂອງສະຖາບັນການທ ະນາຄານລາວ ແລະ ຫວຽດນາມເຂົ້າຮ່ວມ.

         ກອງປະຊູມແລກປ່ຽນບົດຮຽນໃນຄັ້ງນີ້ ທັງສອງຝ່າຍໄດ້ນຳສະເໜີຫຼາຍບັນຫາທີ່ປິ່ນອ້ອມ ການປັບປຸງຍົກລະດັບຄຸນ ນະພາບຂອງການຮຽນ-ການສອນ ແລະ ການຄົ້ນຄ້ວາວິໃຈຂອງແຕ່ລະ ປະເທດໃຫ້ກັນຊາບ ເຊິ່ງສະຖາບັນການທະນາຄານ ຂອງລາວກໍໄດ້ມີການພັດທະນາດ້ານການ ຮຽນ-ການສອນ ແລະ ການຄົ້ນຄ້ວາວິໃຈຢ່າງຕໍ່ເນື່ອງ, ໂດຍຖືສອງວຽກງານ ນີ້ເປັນຕົ້ນຕໍ ເຊິ່ງສາມາດປະຕິບັດແຜນຍຸດທະສາດການພັດທະນາການສຶກສາກໍຄືວຽກງານຝຶກອົບຮົມ ແລະ ວິທະຍາສາດ ເຕັກໂນໂລຊີໄດ້ຕາມຄາດໝາຍ ໂດຍໄດ້ເອົາໃຈໃສ່ຍົກລະດັບວຽກງານສິດສອນ, ສົ່ງເສີມວຽກງານການຄົ້ນຄ້ວາວິໄ

ຈໃຫ້ບັນດາຄູ-ອາ ຈານ ແລະ ຂະນະດຽວກັນກໍໄດ້ສະແຫວງຫາວິທີການໃໝ່ໆເພື່ອຝຶກອົບຮົມ, ຍົກລະດັບຄຸນນະພາບ ຂອງການສອນ ແລະ ການຄົ້ນຄ້ວາວິໃຈຢ່າງຕັ້ງໜ້າ, ຍ້ອນບັນຫາດັ່ງກ່າວຈຶ່ງເຮັດໃຫ້ນັກສຶກສາທີ່ຮຽນ ຈົບມີຄະແນນ ໄຕ່ເຕົ້າສູງຂຶ້ນໃນທຸກໆສົກສຶກ ສາ, ໂດຍສະເພາະໃນສົກຮຽນ 2012-2013 ມີປະເພດດີເລີດ 26,30%, ປະເພດດີ 63,89% ແລະ ໃນສົກຮຽນຕໍ່ມາກໍມີນັກສຶກສາປະເພດດີເລີດ 22,70%, ປະເພດດີ 69,30%.

          ສຳລັບຫວຽດນາມໃນປະຈຸບັນການຍົກສູງຄຸນນະພາບຊັບພະຍາກອນມະນຸດໂດຍຜ່ານການປັບປຸງກຳລັງແຮງ ງານ, ຂຸດຄົ້ນຫົວຄິດປະດິດສ້າງ ແລະ ຄວາມສາມາດບົ່ມຊ້ອນຂອງຜູ້ອອກແຮງງານເປັນບັນຫາສຳຄັນທີ່ສຸດ ເປັນລັກ ສະນະຍຸດທະສາດ, ບົດຄົ້ນຄວ້າໄດ້ອະທິບາຍບັນດາຂີດໝາຍການປ່ຽນແປງໃໝ່ທີ່ສຳຄັນໃນສອງຂົງເຂດການຮຽນ-ການສອນ ແລະ ການຄົ້ນຄ້ວາວິໄຈຢູ່ບັນດາມະຫາວິທະຍາໄລເສດຖະກິດຂອງຫວຽດນາມນັບແຕ່ປີ 2004-2014, ຄຽງຄູ່ກັນນັ້ນການ ຄົ້ນຄວ້າກໍວາງຂໍ້ສະເໜີໃຫ້ກັບມະຫາວິທະຍາໄລຂອງຫວຽດນາມ ແລະ  ມະຫາວິທະຍາໄລເສດຖະ ກິດຂອງຫວຽດນາມ, ເວົ້າສະເພາະຕ້ອງເລັ່ງໃສ່ສືບຕໍ່ປັບປຸງໃໝ່ໃຫ້ເຂັ້ມແຂງທາງດ້ານຄຸນນະພາບຂອງ ການຮຽນ-ການສອນ ແລະ ການຄົ້ນ ຄວ້າວິໄຈ.

        ກອງປະຊູມແລກປ່ຽນບົດຮຽນກ່ຽວກັບການປັບປຸງຍົກລະດັບຄຸນນະພາບຂອງການຮຽນ-ການສອນ ແລະ ການຄົ້ນຄວ້າວິໄຈລະຫວ່າງ 2 ສະຖາບັນການສຶກສາຂັ້ນສູງຂອງລາວ ແລະ ຫວຽດນາມໃນເທື່ອນີ້ ເປັນນິມິດໝາຍ ທີ່ດີ, ທັງເປັນການເສີມສ້າງຄວາມເຂົ້າໃຈເພື່ອເຮັດໃຫ້ສອງພາກສ່ວນເພີ່ມຂີດຄວາມສາມາດໃນດ້ານສະຕິປັນຍາ, ສ້າງ ຄວາມເຂັ້ມແຂງໃນດ້ານການຮຽນ-ການສອນທັງນີ້ກໍເພື່ອພັດທະນາບຸກຄະລາກອນຄູໃຫ້ທຽບທັນກັບຂົງເຂດອື່ນ ແນ ໃສ່ປະກອບສ່ວນເຂົ້າໃນການເຊື່ອມໂຍງເສດຖະກິດອາຊຽນໃນປີ 2015 ນີ້, ການພົວພັນ ແລະ ຮ່ວມມືລະຫວ່າງທະນາຄານ​ແຫ່ງ ສປປ ລາວ ກັບທະນາຄານ​ແຫ່ງລັດ ສສ ຫວຽດນາມ ໄດ້ມີມາຕັ້ງແຕ່ດົນນານມາແລ້ວ ເຊິ່ງກ່ອນ ການສ້າງຕັ້ງທະນາຄານປະເທດລາວໃນປີ 1968 ຈົນມາເຖິງປະຈຸບັນນີ້ ທະນາຄານ​ແຫ່ງລັດ ຫວຽດນາມ ກໍຄືສະຖາບັນການທະນາຄານຫວຽດນາມໄດ້ໃຫ້ການຊ່ວຍເຫຼືອອັນລ້ຳຄ່າໃນການກໍ່ສ້າງຖັນແຖວພະນັກງານ ແລະ ອຸປະກອນ ໃຫ້ແກ່ ສປປ ລາວ.