ສປ ຈີນ ໃຫ້ທຶນການສຶກສາ ແກ່ນັກສຶກສາລາວ

ສະຖານທູດຈີນປະຈຳລາວ ໄດ້, ມອບທຶນການສຶກສາໃຫ້ນັກ ສຶກສາລາວເປັນຄັ້ງທໍາ ອິດມູນຄ່າ 256 ລ້ານກີບ, ໂດຍຜູ້ທີ່ໄດ້ຮັບທຶນ ແມ່ນນັກສຶກສາປີທີ 1 ທີມີຜົນການ ຮຽນລະດັບເກັ່ງ, ມີການປະພຶດດີ, ຖານະຄອບຄົວທຸກຍາກ ແລະ ມາຈາກຕ່າງ ແຂວງຈຳນວນ 32 ຄົນ ຍິງ 14 ຄົນ, ໂດຍໄດ້ຮັບຜູ້ລະ 8 ລ້ານກີບເພື່ອນໍາໃຊ້ເຂົ້າ ໃນການສຶກສາຮໍ່າຮຽນຕະຫຼອດໄລຍະ 4 ປີ. ພິ ທີມອບ-ຮັບທຶນການສຶກດັ່ງກ່າວ ໄດ້ມີຂຶ້ນໃນວັນທີ 8 ມັງກອນ ນີ້, ຢູ່ ມະຫາວິທະຍາໄລແຫ່ງຊາດ, ໂດຍ ການເຂົ້າ ຮ່ວມຂອງ ທ່ານ ກົ່ວຫົວ ປິງ ເອກອັກຄະລັດຖະທູດ ສປ ຈີນ ປະຈຳລາວ ແລະ ທ່ານ ສຈ ດຣ ສຸກກົງແສງ ໄຊຍະເລີດ ອະທິການ ບໍດີມະຫາວິທະຍາໄລແຫ່ງຊາດ ພ້ອມດ້ວຍບັນດາຄູອາຈານ ແລະ ນັກສຶກສາຜູ້ທີ່ໄດ້ຮັບທຶນເຂົ້າຮ່ວມ.
          ທ່ານອະທິການບໍດີມະຫາວິທະຍາໄລແຫ່ງຊາດ ກ່າວວ່າ:  ທຶນ ການສຶກສາດັ່ງກ່າວ ແມ່ນມີຄວາມ ສຳຄັນປະກອບ
ສ່ວນຊຸກຍູ້ສົ່ງເສີມການພັດທະນາຊັບພະຍາກອນມະນຸດໃນລາວ, ແລະ ເປັນການເພີ່ມ ທະວີຮ່ວມມືການພົວພັນລະຫວ່າງ ສອງຊາດລາວ-ຈີນ ໃຫ້ມີບາດກ້າວຂະຫຍາຍຕົວ, ຊຶ່ງປັດຈຸບັນ ການສຶກສາຂອງລາວມີການພັດ ທະນາດີຂຶ້ນເທື່ອລະກ້າວ, ນັກສຶກສາຈຳນວນໜຶ່ງແມ່ນຮຽນເກັ່ງແຕ່ກໍມີຖານະຄອບຄົວທຸກຍາກ, ເປັນ ຕົ້ນແມ່ນນັກສຶກສາທີ່ມາຈາກຕ່າງແຂວງ, ສະນັ້ນທຶນການສຶກສາຄັ້ງນີ້, ຈະຊ່ວຍໃຫ້ນັກສຶກສາທີ່ໄດ້ ຮັບທຶນໄດ້ຮຽນສາຂາວິຊາຊີບ ແລະ ຊ່ວຍເຕີມຄວາມຟັນໃຫ້ແກ່ ພວກເຂົາເຈົ້າເພື່ອນຳເອົາຄວາມຮູ້ມາພັດທະນາປະເທດຊາດໃຫ້ຈະ ເລີນຮຸ່ງເຮືອງໃນອະນາຄົດຂ້າງ ຫນ້າ.