ຄະນະປະຈຳສະພາຫາລືວຽກສຳຄັນໃນເດືອນມັງກອນ

     ຄະນະປະຈຳສະພາແຫ່ງຊາດ,ໄດ້ຫາລືຫລາຍບັນຫາສຳຄັນປະຈຳເດືອນມັງກອນ 2015,ໂດຍສະເພາະ ຜ່ານຮ່າງບົດສະຫລຸບຕີລາຄາຜົນສຳເລັດການດຳເນີນ ກອງປະ ຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VII, ພິຈາລະນາແຜນຝຶກ ອົບຮົມຂອງສູນຝຶກອົບຮົມຫ້ອງວ່າການສະພາແຫ່ງຊາດປີ 2015, ພິຈາລະນາມະຕິ ຕົກລົງວ່າດ້ວຍລະ ບຽບການຄຸ້ມຄອງໂຄງການ,ລາຍງານການຄົ້ນ ຄວ້າຂໍ້ແຕ່ງຕັ້ງ ຮອງປະທານສານທະຫານພາກໃຕ້, ຮອງປະທານສານປະ ຊາຊົນ, ຜູ້ພິພາກສາຂ ອງສານປະຊາຊົນທ້ອງຖິ່ນ ແລະ ຍົກຍ້າຍຜູ້ພິພາກສາໄປຮັບໜ້າທີ່ໃໝ່, ລາຍງານຜົນການຮຽບຮຽງ ກົດໝາຍວ່າດ້ວຍພາສີ, ພິຈາລະນາການສະເໜີແຜນການລົງຕິດຕາມກວດກາຊຸກຍູ້ການຈັດຕັ້ງປະ ຕິບັດເປົ້າໝາຍສະຫັດສະວັດດ້ານການພັດທະນາ, ລາຍງານຜົນສຳເລັດກອງປະຊຸມລັດຖະສະພາສາກົນກ່ຽວກັບການ ສົ່ງເສີມໂພສະນາການສຳລັບເດັກ, ຜົນສຳເລັດກອງ ປະຊຸມຂອງສະມາຄົມສະມາຊິກສະພາແຫ່ງຊາດ ແລະ ຜົນສຳເລັດກອງ ປະຊຸມຄົບຄະນະຂອງກຳມາທິການວັດທະ
ນະທຳ-ສັງຄົມປະຈຳປີ 2014, ພິຈາລະນາແຜນການຈັດກອງປະຊຸມຮ່ວມ ລະຫວ່າງ 3 ກຳມາ

ທິການສະພາແຫ່ງຊາດລາວ, ຣາຊະອານາຈັກກຳປູເຈຍ ແລະ ສສ ຫວຽດນາມ (CLV), ພິຈາລະນາ ແຜນການໄປຮ່ວມ ກອງປະຊຸມລັດຖະສະພາສາກົນ IPU ຄັ້ງທີ 132 ທີ່ ສສ ຫວຽດນາມ ຂອງປະທານສະພາແຫ່ງຊາດ, ພິຈາລະນາ ແຜນ ການຕິດຕາມກວດກາການບໍລິການຜ່ານປະຕູດຽວທີ່ດ່ານລາວບາວແຂວງສະຫວັນນະເຂດຂອງກຳມາທິການ ຕ່າງປະເທດ, ລາຍງານການເຄື່ອນໄຫວວຽກງານຕ່າງໆຂອງສະພາແຫ່ງຊາດ ແລະ ພິຈາລະນາວຽກງານສັນຊາດຈຳນວນໜຶ່ງ.

   ກອງປະຊຸມດັ່ງກ່າວມີຂຶ້ນໃນວັນທີ 12 - 14 ມັງກອນນີ້,ສະພາແຫ່ງຊາດ,ນະຄອນຫລວງ​ວຽງ​ຈັນ, ພາຍໃຕ້ການເປັນປະ ທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ.