ໄດ້ໂທດເພີ່ມສອງປີຍ້ອນພາກັນລັກໜີອອກຄຸກ

    ເມື່ອທ້າຍອາທິດຜ່ານມານີ້,ສານປະຊາຊົນນະຄອນຫລວງວຽງຈັນ, ໄດ້ຕັດສີນ ເພີ່ມໂທດເປັນເວລາ 2 ປີ ໃຫ້ທ້າວ ໄມ ອາຍຸ 20 ປີຢູ່ບ້ານໂພນສະຫວາດ, ເມືອງ ສີໂຄດຕະບອງ ບວກກັບໂທດເກົ່າ 3 ປີ 6 ເດືອນລວມເປັນ 5 ປີ 6  ເດືອນ, ທ້າວ ຕຸດຕູ່ ອາຍຸ 34 ປີຢູ່ບ້ານສີໄຄທ່າ, ເມືອງສີໂຄດຕະບອງບວກກັບໂທດເກົ່າ 5 ປີ ລວມເປັນ 7 ປີ, ທ້າວ ຄຳຫລ້າ ອາຍຸ 35 ປີຢູ່ບ້ານເກົ້າຫລ້ຽວ, ເມືອງສີໂຄດຕະບອງ ບວກກັບໂທດເກົ່າ 5 ປີລວມເປັນ 7 ປີ,ທ້າວ ຈິດຕິສັກ ອາຍຸ 19 ປີຢູ່ບ້ານສີບຸນ ເຮືອງ ເມືອງຈັນທະບູລີ ບວກກັບໂທດເກົ່າ 7 ປີລວມເປັນ 9 ປີ,ຂະນະທີ່ທ້າວ ບຸດສະດີ ອາຍຸ 21 ປີຢູ່ບ້ານໃໝ່, ເມືອງສີ ໂຄດຕະບອງ, ສານຫ້ຈຳຄຸກເປັນເວລາ 5 ປີພ້ອມ ປັບໃໝ 22 ກວ່າກີບ ໃນຂໍ້ຫາຄ້າຂາຍຢາເສບຕິດ, ນຳໃຊ້ເງິນປອມ. ໂດຍພວກກ່ຽວໄດ້ຮ່ວມກັນໂຕນໜີອອກຈາກສະຖານ ຄຸມຂັງ ປກສ ເມືອງສີໂຄດຕະບອງດນະຄອນຫລວງວຽງຈັນ ໃນເວລາປະມານ 1 ໂມງທ່ຽງຄືນຂອງວັນທີ 23 ກຸມພາ 2014 ແລະ ເຈົ້າໜ້າທີ່ສາມາດນຳຈັບຕົວຄືນມາດຳເນີນຄະດີຄືດັ່ງກ່າວ.