ຫລັງປີໃໝ່ລາຄາສິນຄ້າຢູ່ທ້ອງຕະຫຼາດໃນນະຄອນຫຼວງມີທ່າອ່ຽງຫລຸດລົງ

    ນັກຂ່າວພວກເຮົາໄດ້ລົງຕິດຕາມເບິ່ງລາຄາສິນຄ້າຢູ່ຕາມ ທ້ອງຕະຫລາດ ໃນ ນະຄອນຫຼວງວຽງຈັນຄື: ຕະຫລາດ ທົ່ງຂັນຄຳ ແລະ ຕະຫລາດ ຂົວດິນ ໃນວັນທີ 7 ມັງກອນນີ້, ເຫັນວ່າມີທ່າອ່ຽງຫລຸດລົງ ຫລັງປີໃໝ່ສາກົນເຊັ່ນ:  ໝາກເຜັດ ຈາກລາຄາ 30 ພັນ ເຫລືອພຽງ 20-25 ພັນກີບ/ກິໂລ, ໝາກເລັ່ນ, ໝາກນາວ ລາຄາ 15  ພັນ ເຫລືອພຽງ 10 ພັນກີບ/ກິໂລ, ໜາກແຕງ 6 ພັນ ເຫລືອພຽງ 5 ພັນກີບ/ກິໂລ, ໝາກຖົ່ວ 15 ພັນ ເຫລືອພຽງ 7-8 ພັນກີບ/ກິ ໂລ, ໝາກເຂືອ 5 ພັນ ເຫລືອພຽງ 3-4 ພັນກີບ/ກິໂລ, ຫອມລາບ 15 ພັນ ເຫລືອພຽງ 10-12 ພັນກີບ/ກິໂລ, ຜັກສະລັດ 7 ພັນ ເຫລືອພຽງ 5 ພັນກີບ/ກິໂລ, ຜັກບົ້ງ 8 ພັນ ເຫລືອພຽງ 5 ພັນ ກີບ/ກິໂລ, ກະລ່ຳ 6 ພັນ ເຫລືອພຽງ 3-4 ພັນກີບ /ກິໂລ, ຜັກຫອມບົວ 15 ພັນ ເຫລືອພຽງ 8-10 ພັນກີບ/ກິໂລ, ຫອມປ້ອມ 14 ພັນ ເຫລືອພຽງ 5-8 ພັນ ກີບ/ກິໂລ ແລະ ພຶດຜັກອື່ນໆ ກໍມີທ່າອ່ຽງ ຫລຸດລົງເຊັ່ນກັນ.

     ຂະນະດຽວກັນ ລາຄາຊີ້ນ, ປາ ແມ່ນຍັງຢູ່ໃນລາຄາເດີມເປັນຕົ້ນ ຊີ້ນງົວມີລາຄາ 75-80 ພັນກີບ/ກິ ໂລ, ຊີ້ນໝູ ລາຄາ 35-40 ພັນກີບ/ກິໂລ, ເປັດ-ໄກ່ 35-40 ພັນກີບ/ກິໂລ, ປາກະຊັງ ແລະ ປາດຸກພັນ ລາຄາ 17-20- ພັນກີບ/ ກິໂລ, ກົບ, ອ່ຽນມີລາຄາ 60-65 ພັນກີບ/ກິໂລ.