ປະທານປະເທດເນັ້ນໃຫ້ຄະນະນຳກະຊວງໂຍທາທິການ ແລະ ຂົນສົ່ງສືບຕໍ່ແກ້ບັນຫາຄົງຄ້າງໃນຂະແໜງຕົນດ້ວຍຄວາມຮັບຜິດຊອບສູງ

ໃນໂອກາດໂອ້ລົມຕໍ່ກອງປະຊຸມສາມັນຄົບຄະນະພັກກະຊວງໂຍທາທິການ ແລະ ຂົນສົ່ງ ຄັ້ງທີ 12 ສະໄໝທີ III ເປີດກວ້າງຂອງສະຫາຍເລຂາທິການໃຫຍ່, ປະ ທານປະເທດແຫ່ງ ສປປ ລາວ, ໂດຍທ່ານ ໄດ້ເນັ້ນວ່າ: ການຈັດຕັ້ງ ປະຕິບັດ ຈິດໃຈມະຕິກອງປະຊຸມໃຫຍ່ຄັ້ງທີ IX ຂອງພັກ, ກໍຄືການປະຕິບັດມະ ຕິກອງ ປະຊຸມໃຫຍ່ຄັ້ງທີ III ຂອງອົງຄະ ນະພັກກະຊວງໂຍທາທິການ ແລະ ຂົນສົ່ງ, ແຜນພັດທະນາຂະແໜງການ ຍທຂ ຮອດປີ 2020 ທີ່ໄດ້ກຳນົດອອກໃຫ້ ປາກົດ ຜົນເປັນຈິງນັ້ນ ໃຫ້ເອົາໃຈໃສ່ບາງບັນຫາຄື: ເພີ່ມທະວີວຽກງານການເມືອງ- ແນວຄິດໃຫ້ເລິກເຊິ່ງ, ຄະນະພັກ ທຸກຂັ້ນຖືເອົາວຽກງານນີ້ເປັນພື້ນຖານ ສອດຫ້ອຍ ຢູ່ທຸກຂົງເຂດວຽກງານຂອງຕົນ, ສຶກສາອົບຮົມພະນັກງານ-ສະມາ ຊິກພັກ, ລັດຖະກອນ ແລະ ກຳມະກອນຢ່າງເປັນປະຈຳ ແນໃສ່ສ້າງໃຫ້ເຂົາເຈົ້າມີທັດສະນະຫລັກໝັ້ນ ການເມືອງໜັກ ແໜ້ນ, ມີຄວາມຈົງຮັກພັກດີ, ມີຄຸນສົມບັດສິນທຳປະຕິວັດ ອັນສູງສົ່ງ, ມີສະຕິຕື່ນຕົວເຮັດສຳເລັດໜ້າທີ່ວຽກງານດ້ວຍ ຄວາມໂປ່ງໃສ, ເພີ່ມທະວີຄວາມສາມັກຄີເປັນເອກະພາບພາຍ ໃນພັກ ແລ ການຈັດຕັ້ງທຸກຂັ້ນ, ເສີມຂະຫຍາຍນ້ຳໃຈ ຮັກຊາດ, ເຊີດຊູສະຕິເອກະລາດເປັນເຈົ້າຕົນເອງສ້າງບາດກ້າວ

ບຸກທະລຸອັນໜັກ ແໜ້ນທາງດ້ານຈິນຕະນາການ, ແກ້ ໄຂທັດສະນະແນວຄິດທີ່ຜິດເຂວ ແລະ ຕີຖອຍກົນອຸບາຍຂອງບັນດາ ອິທິກຳລັງປໍລະປັກ ທີ່ແຊກຊຶມຫັນປ່ຽນແນວຄິດ ຂອງສະມາຊິກພັກ, ພະນັກງານພວກເຮົາ ເພື່ອຫັນປ່ຽນ ຢູ່ພາຍໃນ; ສືບຕໍ່ນຳພາການພັດທະນາວຽກງານໂຍທາທິການ ແລະ ຂົນສົ່ງ ໃຫ້ໄປຕາມທິດຫັນປະເທດເຮົາ ເປັນໃຈກາງໃນການເຊື່ອມ ຈອດກັບບັນດາປະເທດອ້ອມຂ້າງເພື່ອອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ແລະ ໂດຍສານຜ່ານໃນອະນຸພາກ ພື້ນ, ປະກອບສ່ວນໃນການສ້າງບາດກ້າວບຸກທະລຸດ້ານການແກ້ໄຂຄວາມທຸກຍາກຂອງປະຊາຊົນນຳເອົາປະເທດເຮົາພົ້ນ ອອກຈາກຄວາມດ້ອຍພັດທະນາເປັນຕົ້ນແມ່ນເອົາໃຈໃສ່ຍົກລະດັບເສັ້ນທາງຫລວງແຫ່ງຊາດທີ່ເປັນທາງອະນຸພາກພື້ນ ໃຫ້ເປັນເສັ້ນທາງທີ່ມາດຕະຖານທຽບເທົ່າກັບບັນດາປະເທດອ້ອມຂ້າງ, ສົມທົບແໜ້ນລະຫວ່າງການພັດທະນາ ເສັ້ນທາງ ຮັບໃຊ້ວຽກງານປ້ອງກັນ ຊາດ-ປ້ອງກັນຄວາມສະຫງົບກັບການກໍ່ສ້າງຮາກຖານການເມືອງ, ການພັດທະນາເສດຖະກິດ ແລະ ແກ້ໄຂຄວາມ ທຸກຍາກຂອງປະຊາຊົນໃນການພັດທະນາຊົນະບົດຫ່າງໄກສອກຫລີກ, ເອົາໃຈໃສ່ຄົ້ນຄວ້າຊອກຫາ ທຸກວິທີເພື່ອແກ້ໄຂ ການຈະລາຈອນແອອັດ, ຕິດຂັດໃນຕົວເມືອງໃຫຍ່ໃຫ້ເປັນຮູບປະທຳ, ເຊິ່ງເປັນບັນຫາອັນຮີບດ່ວນໃນ ປັດຈຸບັນ, ຍົກສູງ ຄຸນນະພາບການຂົນສົ່ງຂ້າມແດນ, ສ້າງສິ່ງເອື້ອອຳນວຍ ຫລື ພາລະທິການຂົນສົ່ງຕາມແລວທາງເສດ ຖະກິດຂອງອະ ນຸພາກພື້ນ, ປັບປຸງຄຸນນະພາບບໍລິສັດຂົນສົ່ງພາຍໃນໃຫ້ເຂັ້ມແຂງ, ຍູ້ແຮງການຂົນສົ່ງຕາມລຳແມ່ນ້ຳຂອງ, ແມ່ນ້ຳສາ ຂາ, ສືບຕໍ່ພັດທະນາການຂົນສົ່ງທາງລົດໄຟ, ສືບຕໍ່ຄົ້ນຄວ້າຈັດຕັ້ງປະຕິບັດໂຄງການກໍ່ສ້າງທາງ ລົດໄຟຮ່ວມມື ລາວ-ຈີນ ໃຫ້ໄດ້ຈັດຕັ້ງປະຕິບັດໂດຍໄວ, ສືບຕໍ່ປັບປຸງວຽກງານການຂົນສົ່ງທາງອາກາດໃຫ້ເຂົ້າສູ່ມາດຕະຖານອົງການ ການບິນພົນລະເຮືອນສາກົນເທື່ອລະກ້າວ, ເອົາໃຈໃສ່ວຽກງານພັດທະນາຕົວເມືອງໄປຄຽງຄູ່ກັບການປັບປຸງສິ່ງ ແວດລ້ອມຕົວເມືອງ ແລະ ການປົກປັກຮັກສາມໍລະດົກຕົວເມືອງ, ພ້ອມທັງເອົາໃຈໃສ່ປັບປຸງ ແລະ ຂະຫຍາຍນ້ຳປະປາ ໃຫ້ປະຊາຊົນໄດ້ຊົມໃຊ້ຫລາຍຂຶ້ນໂດຍໄວ; ສືບຕໍ່ປັບປຸງແບບແຜນວິທີເຮັດວຽກ, ແບບແຜນວິທີນຳພາຂອງຄະນະພັກ ທຸກຂັ້ນບົນພື້ນຖານຫລັກການລວມສູນປະຊາທິປະໄຕ, ປະຕິບັດລະບອບປຶກສາຫາລືເປັນໝູ່ຄະນະ, ແບ່ງຄວາມຮັບຜິດ ຊອບໃຫ້ບຸກຄົນໃຫ້ແຈ້ງ, ລະບອບປະຊຸມສ່ອງແສງລາຍງານໃຫ້ເປັນປົກກະຕິ, ເພີ່ມທະວີຄວາມສາມັກຄີ ພາຍໃນຄະ ນະພັກທຸກຂັ້ນ, ເປັນໃຈກາງເຕົ້າໂຮມຄວາມສາມັກຄີໃນທົ່ວອົງຄະນະພັກກະຊວງໃຫ້ເປັນກ້ອນກຳລັງອັນແໜ້ນ ແກ່ນ, ເຊີດຊູຄວາມເປັນແບບຢ່າງນຳໜ້າທີ່ດີຂອງສະມາຊິກພັກເພື່ອພ້ອກັນເຮັດໜ້າທີ່ການເມືອງທີ່ພັກລັດມອບໝາຍ; ເອົາໃຈ ໃສ່ວຽກງານກໍ່ສ້າງໜ່ວຍພັກໃຫ້ໜັກແໜ້ນເຂັ້ມແຂງດ້ວຍການເພີ່ມທະວີວຽກງານກໍ່ສ້າງໜ່ວຍພັກເຂັ້ມແຂງ-ຮູ້ນຳພາ ຮອບດ້ານຢ່າງຕໍ່ເນື່ອງ ແລະ ຖືກລະດັບເພື່ອຍົກສູງຄຸນນະພາບ, ຄວາມອາດສາມາດນຳພາຂອງໜ່ວຍພັກ, ສະມາຊິກ ພັກໃນແຕ່ລະຂົງເຂດວຽກງານ, ດຳເນີນການກວດກາຕີລາຄາແບ່ງປະເພດພະນັກງານ-ສະມາຊິກພັກໃຫ້ເປັນປົກກະຕິ, ເຮັດວຽກງານຂະຫຍາຍພັກຕ້ອງຖືເອົາຄຸນນະພາບເປັນສຳຄັນ, ຕິດພັນກັບການຍົກສູງຄວາມຮັບຜິດຊອບການເມືອງ ເພື່ອເປັນກຳລັງແກ່ນສານນຳພາ ຢູ່ໃນຂົງເຂດວຽກງານຕ່າງໆ; ເພື່ອຕອບສະໜອງຄວາມຮຽກຮ້ອງຕ້ອງການວຽກ ງານໂຍທາທິການ ແລະ ຂົນສົ່ງ ໃນໄລຍະໃໝ່, ຕ້ອງເອົາໃຈໃສ່ບຳລຸງກໍ່ສ້າງພະນັກງານຢ່າງຮອບດ້ານໃຫ້ມີລະດັບ ຄວາມຮູ້, ຄວາມສາມາດ, ມີຄຸນສົມບັດສິນທຳປະຕິບັດທີ່ສົມຄູ່, ສາມາດຮອງຮັບໜ້າທີ່ວຽກງານທີ່ນັບມື້ ຫັນເປັນທັນ ສະໄໝ, ເອົາໃຈໃສ່ສ້າງແຜນກຳນົດພະນັກງານນຳພາ-ຄຸ້ມຄອງ, ພະນັກງານສືບທອດຕຳແໜ່ງງານຕ່າງໆໃຫ້ຕໍ່ ເນື່ອງ, ພ້ອມກັນນີ້ ກໍຕ້ອງດຳເນີນການຄຸ້ມຄອງ, ນຳໃຊ້ພະນັກງານໃຫ້ຖືກມາດຖານເງື່ອນໄຂທີ່ໄດ້ກຳນົດໄວ້ ແລະ ຕາມຄວາມຮຽກຮ້ອງຕ້ອງການຂອງວຽກງານຕົວຈິງ ແລະ ເອົາໃຈໃສ່ວຽກງານອົງການຈັດຕັ້ງມະຫາຊົນ, ຊຸກຍູ້, ເສີມຂະຫຍາຍຫົວຄິດປະດິດສ້າງຂອງອົງການຈັດຕັ້ງມະຫາຊົນ ເຂົ້າໃນການຈັດຕັ້ງຜັນຂະຫຍາຍແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງລັດຢ່າງເປັນຂະບວນຟົດຟື້ນ, ເປັນເຈົ້າການສ້າງຂະບວນການວຽກດີຄົນເດັ່ນ, ຂະບວນການແຂ່ງຂັນຮັກຊາດ ແລະ ພັດທະນາ.