ອຸຕຸແຈ້ງ ອາກາດຈະໜາວລົງຕື່ມອີກ

             ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ສະພາບອາກາດນັບແຕ່ວັນທີ 7-13 ມັງກອນນີ້, ບໍລິເວນ ຄວາມ ກົດດັນອາກາດສູງຂອງອາກາດເຢັນຍັງຈະມີກຳລັງປານກາງຫາແຮງສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບສອງກະແສລົມຕາເວັນຕົກ ແລະ ລົມຈາກທິດຕາເວັນອອກສ່ຽງ ເໜືອພັດປົກຄຸມ, ເຮັດໃຫ້ອຸນຫະ ພູມອາກາດຈະໜາວລົງຕື່ມອີກ, ໂດຍສະເພາະແຂວງພາກເໜືອດ້ານ ຕາເວັນອອກ, ແຂວງໄຊສົມບູນ, ຫລັກ 20, ປາກ ຊ່ອງ, ນິຄົມ 34, ທ່າແຕງ ແລະ ເມືອງດາກຈຶງ ພ້ອມມີໝອກໜາປົກຫຸ້ມໃນຕອນເຊົ້າ ແລະ ຈະມີຝົນຕົກກະຈາຍຟ້າ ຄະນອງຢູ່ບາງທ້ອງຖິ່ນໃນແຕ່ລະພາກພ້ອມມີລົມພັດແຮງເປັນບາງໂອກາດ.

             ສະພາບອຸນຫະພູມໃນອາທິດນີ້ ອາກາດຍັງຈະສືບຕໍ່ເຢັນຫາໜາວເຢັນຢູ່ຫລາຍແຂວງພາກເໜືອຫາ ພາກກາງ ດ້ານຕາເວັນອອກ, ແຂວງໄຊສົມບູນ, ປາກຊ່ອງ, ທ່າແຕງ ແລະ ເມືອງດາກຈືງ, ພ້ອມມີໝອກ ໜາປົກຫຸ້ມໃນຕອນ ເຊົ້າ. ສ່ວນສະພາບຝົນໃນໄລຍະວັນທີ 8-10 ມັງກອນນີ້, ຈະມີຝົນຕົກຟ້າກະຈາຍຟ້າຄະນອງໃນລະດັບຄ່ອຍຫາປານ ກາງຢູ່ບາງທ້ອງຖິ່ນແຂວງພາກເໜືອ. ຈາກນັ້ນ ວັນທີ 11-13 ມັງ ກອນ, ຈະມີຝົນຕົກກະຈາຍຟ້າຄະນອງ ພ້ອມມີລົມ ພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ.