ທຸລະກິດຂະໜາດນ້ອຍ ແລະ ກາງຈະເຂົ້າເຖິງທຶນໄດ້ຫລາຍຂື້ນ

    ຜູ້ປະກອບການທຸລະກິດຂະໜາດນ້ອຍ ແລະ ກາງ (SME) ຈະສາມາດເຂົ້າ ເຖິງແຫລ່ງທຶນໄດ້ສະດວກແລະ ຫລາຍຂື້ນ ກວ່າເກົ່າ, ຫລັງຈາກກອງທຶນສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງມີທຶນທີ່ກຽມສະໜອງໃຫ້ແກ່ ຫົວໜ່ວຍທຸລະກິດຂະໜາດດັ່ງກ່າວກູ້ຢືມໃນວົງເງິນ 112 ຕື້ກີບ. ໃນນັ້ນທຶນລັດຖະບານ 16 ຕື້ກີບ, ຈາກເງິນກູ້ ແລະ ຊ່ວຍ ເຫລືອລ້າຂອງທະນາ ຄານໂລກ 96 ຕື້ກີບ. ນອກຈາກນີ້, ກອງທຶນດັ່ງກ່າວຍັງພວມກະກຽມຈັດຕັ້ງກອງທຶນຄ້ຳປະກັນສີນ ເຊື່ອຂອງທະນາຄານ ທຸລະກິດສຳລັບຄ້ຳປະກັນສີນເຊື່ອໃຫ້ແກ່ຫົວໜ່ວຍທຸລະກິດຂະໜາດນ້ອຍ ແລະ ກາງ ທີ່ບໍ່ມີຫລັກຊັບ ຫລືມີຫລັກຊັບຄ້ຳ ປະກັນບໍ່ພຽງພໍໃນວົງເງິນປະມານ 3 - 5 ລ້ານໂດລາສະຫະລັດ ເພື່ອສ້າງຄວາມເຂັ້ມແຂງໃນການຄຸ້ມ ຄອງກອງທຶນ, ຄຸ້ມ

ຄອງສິນເຊື່ອຂອງທະນາຄານທຸລະກິດ ແລະ ສ້າງຄວາມເຂັ້ມແຂງໃຫ້ຫົວໜ່ວຍທຸລະກິດຂະໜາດນ້ອຍ ແລະ ກາງສາ ມາດເຂົ້າເຖິງແຫລ່ງທຶນໄດ້ຫລາຍຂື້ນ.

    ກອງທຶນດັ່ງກ່າວໄດ້ຮັບການສ້າງຕັ້ງຂື້ນໃນປີ 2010 ແລະ ໄດ້ເລີ່ມປ່ອຍສີນເຊື່ອໃຫ້ຫົວໜ່ວຍທຸລະກິດຂະໜາດນ້ອຍ ແລະ ກາງຜ່ານທະນາຄານພັດທະນາລາວໃນວົງເງິນ 14 ຕື້ກີບໃນອັດຕາດອກເບ້ຍ  9 - 10% ແລະ ມາຮອດກາງສົກງົບປະ ມານ 2013-2014 ໄດ້ສະໜອງທຶນໃຫ້ແກ່ຜູ້ປະກອບການທຸລະກິດຫລາຍກວ່າ 49 ຫົວໜ່ວຍ.ໂດຍຂໍ້ມູນດັ່ງກ່າວໄດ້ຮັບ ການເປີດເຜີຍຈາກທ່ານລັດຖະມົນຕີວ່າການກະຊວງອຸດສະຫະກຳ ແລະ ການຄ້ານາງ ເຂັມມະນີ ພົນເສນາ ເມື່ອບໍ່ດົນມານີ້.