ພຽງ 1 ວັນ ມີຜູ້ເສຍຊີວິດ 3 ຄົນ

           ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນວັນທີ 31 ມັງກອນຜ່ານມາ, ໄດ້ເກີດອຸປະ ຕິເຫດ 3 ກໍ ລະນີຄື: ໃນເວລາປະມານ 11:30 ໄດ້ເກີດເຫດລົດຈັກໝາຍເລກທະບຽນ ດລ 3337 ກຳແພງ ນະຄອນ ຂັບຂີ່ ໂດຍທ້າວ ລິດ ອາຍຸ 22 ປີ, ເປັນທະຫານ ຢູ່ບ້ານໄຮ່ ເມືອງໄຊທານີ ສ່ວນຜູ້ຊ້ອນທ້າຍ ແມ່ນນາງ ລິດດີ ອາຍຸ 21 ປີ ຢູ່ ບ້ານໂພນຕ້ອງສະຫວາດ ເມືອງຈັນທະບູລີ ໄດ້ຂັບຂີ່ມາແຕ່ທາງນະຄອນ ຫລວງວຽງຈັນ ໄປຕາມເສັ້ນທາງເລກ 13 ໃຕ້ ເມື່ອໄປຮອດຈຸດເກີດເຫດ ບ້ານໄຮ່, ເມືອງໄຊທານີ ໄດ້ໄປ ຕຳເອົາທ້າຍລົດຈັກໝາຍເລກທະບຽນ ຍຈ 6791 ຂັບຂີ່ ໂດຍທ້າວ ໂຜ່ຍ ອາຍຸ 33 ປີ ຢູ່ບ້ານໜອງເຂັງ ເມືອງໄຊທານີ ທີ່ຂັບຂີ່ມາໃນທິດທາງດຽວກັນຢ່າງແຮງ ເຮັດໃຫ້ຜູ້ຊ້ອນ ທ້າຍຊື່ນາງ ສຸນັນທາ ອາຍຸ 28 ປີ, ຢູ່ບ້ານໜອງເຂັງ ເມືອງໄຊທານີ ຕົກຈາກລົດເສຍຊີວິດຄາທີ່ ແລະ ໃນເວລາດຽວກັນ ໄດ້ເກີດເຫດ ລົດໃຫຍ່ ຮຸນໃດ ໝາຍເລກທະບຽນ ກຈ 3850 ກຳແພງນະຄອນ ທີ່ຂັບຂີ່ໂດຍທ້າວ ເກດວິໄຊ ອາຍຸ 35 ປີ, ອາຊີບກຳມະກອນ, ຢູ່ບ້ານສະຫວ່າງ ເມືອງຈັນທະບູລີ  ທີ່ຂັບຂີ່ມາແຕ່ທາງບ້ານວັງຊາຍ ມຸ້ງໜ້າໄປ ທາງໄຟແດງ ໜອງໜ່ຽງ ເມື່ອມາຮອດຈຸດເກີດເຫດໄດ້ໄປຕຳກັບລົດຈັກໝາຍເລກທະບຽນ ຍຮ 4689 ກຳແພງນະຄອນ ຂັບຂີ່ໂດຍ ທ້າວ ບຸນສອງ

ອາຍຸ 23 ປີ, ກຳມະກອນ ຢູ່ບ້ານໂນນສະຫວ່າງ ເມືອງໄຊ ເສດຖາ ທີ່ມາແຕ່ທາງກົງກັນຂ້າມກັນ ເຮັດໃຫ້ ລົດໃຫຍ່ວີໂກ້ ໝາຍເລກທະບຽນ ກພ 5987 ກຳແພງ ນະຄອນ ຂັບຂີ່ໂດຍນາງ ວິລັດດາ ອາຍຸ 27 ປີ, ອາຊີບພະນັກ ງານຢູ່ບ້ານໂນນຄໍ້ເໜືອ ເມືອງໄຊເສດ ຖາ ທີ່ຂັບຂີ່ມາຕາມຫລັງຕຳລົດຈັກທີ່ລົ້ມຢູ່ ເຮັດໃຫ້ຜູ້ຂັບຂີ່ລົດຈັກເສຍຊີວິດ ແລະ ກໍລະນີໜຶ່ງ ເກີດຂຶ້ນ ໃນເວລາປະມານ 2:45 ຂອງວັນທີ 31 ມັງກອນຜ່ານມາ, ຢູ່ເຂດບ້ານສົມຫວັງ ເມືອງຫາດ ຊາຍຟອງ ໄດ້ມີລົດໃຫຍ່ ໝາຍເລກທະບຽນ ກທ 1348 ຂັບຂີ່ໂດຍທ້າວ ເກດທິບ ອາຍຸ 24 ປີ, ຢູ່ບ້ານສົມຫວັງເໜືອ ເມືອງຫາດຊາຍຟອງ ຂັບຂີ່ມາແຕ່ທາງໜອງໄຮ ມຸ້ງໜ້າໄປທາງຄ້າຍທະຫານ ຈີ່ນາຍໂມ້ ເມື່ອມາຮອດຈຸດເກີດເຫດໄດ້ ຕຳເອົາຄົນຍ່າງຕາມຫົນທາງ ຊື່ທ້າວ ບຸນລັບ ອາຍຸ 54 ປີ, ຄ້າຂາຍ ຢູ່ບ້ານສົມຫວັງ ເໜືອ ລົ້ມລົງກັບພື້ນເສຍຊີວິດຄາທີ່. ເຈົ້າໜ້າທີ່ໃຫ້ຮູ້ວ່າ: ນັບແຕ່ວັນທີ 26 ມັງກອນ ຫາ 1 ກຸມພາ 2015 ຜ່ານມາ, ທົ່ວນະຄອນຫລວງວຽງຈັນ, ໄດ້ມີອຸປະຕິ ເຫດບົນທ້ອງຖະໜົນເກີດຂຶ້ນ 22 ກໍລະນີ, ມີຜູ້ເສຍຊີ ວິດ 3 ຄົນ, ລວມມູນຄ່າເສຍຫາຍຫລາຍກວ່າ 300 ລ້ານກີບ.

  ເຈົ້າຫນ້າທີ່ໃຫ້ຮູ້ອີກວ່າ: ໃນອາທິດຜ່ານມານີ້, ເຫັນວ່າຈຳນວນອຸປະຕິເຫດຫລຸດລົງຫລາຍ ເມື່ອທຽບກັບໄລຍະກ່ອນ ເນື່ອງຈາກວ່າຜູ້ໃຊ້ລົດໃຊ້ຖະໜົນມີສະຕິໃນການປະຕິບັດກົດລະບຽບຈະລາຈອນ ຫລາຍຂຶ້ນ ແລະ ເບື້ອງເຈົ້າໜ້າທີ່ກໍມີ ຄວາມຂະຫຍັນໃນການປະຕິບັດໜ້າທີ່ຂອງຕົນ, ອັນເປັນສັນຍານດີໃຫ້ແກ່ການຫລຸດຜ່ອນອຸປະຕິເຫດບົນທ້ອງຖະ ໜົນ, ໂດຍສະເພາະນະຄອນຫລວງວຽງຈັນ, ຊຶ່ງເປັນເຂດທີ່ມີສະພາບສັນຈອນແອອັດນັ້ນໄດ້ຮັບການແກ້ໄຂ.